Baie wil met Brussels Airlines na Namibië vlieg

05 August 2020 | Vervoer
Ronelle Rademeyer - Die Lufthansa-groep van rederye sê hy is gereed om wanneer die grens op 19 September as deel van fase 5 van Namibië se Covid-19-inperkings heropen, drie keer per week tussen Frankfurt en die Internasionale Lughawe Hosea Kutako te vlieg.

Kaartjies verkoop reeds soos soetkoek, sê dié groep.

Brussels Airlines is die redery wat Lufthansa as deel van sy nuwe sakeplan, wat gegrond is op die potensiaal van die Namibiese toerismemark, op die Windhoek-roete gaan inspan.

Dit blyk uit ‘n brief wat op 22 Julie aan die ministeries van werke en vervoer, staatsondernemings, finansies, en die omgewing, bosbou en toerisme, asook die Namibië Burgerlugvaartowerheid (NCAA) en die Lughawensmaatskappy (NAC) gestuur is.

“In die lig van die maatreëls om die Covid-19-gesondheidsimpak in beide lande te beheer, glo ons die hervatting van internasionale vlugte tussen Namibië en Duitsland is moontlik en redelik, mits Namibië na fase 5 beweeg en Duitsland dieselfde tyd reiswaarskuwings en kwarantynmaatreëls opskort.

“Ons topbestuur het teen hierdie agtergrond drie vlugte per week op die Frankfurt-Windhoek-roete op ’n voortgesette grondslag goedgekeur,” lui die brief.

Dit blyk verder hierdie is deel van ‘n nuwe sakeplan gemik op ontspannings- en toerismeverkeer na uitsoekbestemmings deur dié Duitse lugrederygroep.

“In die toekoms sal Brussels Airlines, ’n volle lid van die Lufthansa-groep, die operasionele redery wees in ’n onderverhuringsooreenkoms met Eurowings.”

Eurowings in samewerking met Sun Express Germany, beide ook rederye in die Lufthansa-groep, het sedert 2017 tot en met die inperkingsmaatreëls tussen Duitsland en Namibië gevlieg.

Lufthansa sê hy steun op sy goeie betrekkinge met die NCAA en is optimisties dat die nodige regulatoriese prosedures wat hierdie nuwe sakemodel sal moontlik maak, vinnig en maklik sal verloop.

Dit blyk verder hierdie internasionale lugvaartreus glo daar is baie potensiaal in die herlewing van die toerismesektor in Namibië.

“Ons het baie goeie kaartjieverkope na en van Windhoek en dit ondersteun ons siening dat toeriste gereed is om julle pragtige land te herontdek,” lui die brief.

- [email protected]

Soortgelyk

 

Geingob onder skoot oor ‘wit’ opmerkings

9 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

9 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

9 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

9 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

9 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

9 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

9 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

9 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

9 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...