Baie leerlinge, min plek

11 January 2017 | Onderwys
Estelle de Bruyn



Wanneer die skole vanoggend hul deure vir die eerste keer vir die nuwe skooljaar open, sal talle leerlinge wat nie betyds geregistreer het nie, wéér nie in oorvol skole geakkommodeer kan word nie.

Volgens 'n woordvoerder van die ministerie van onderwys, kuns en kultuur, me. Johanna Absalom, word ouers wie se kinders nie plek in die skole kry nie, aangeraai om met die ver­skillende onderwysdirektorate in die streke in verbinding te tree sodat na alternatiewe moontlikhede vir plasings in skole gesoek kan word.

Sy het 'n beroep op ouers gedoen om buigsaam te wees en nie aan te dring op plasing in 'n spesifieke skool nie en eerder seker te maak dat 'n leerling wel plek in 'n ander skool kry.

Nampa berig intussen dat ongeveer 103 graad 1-leerlinge en 328 graad 8-leerlinge in die Khomasstreek nog nie vir die 2017-skooljaar plek kon kry nie. Khomas se direkteur van onderwys, mnr. Gerard Vries, het aan dié nuusagentskap gesê dit wil voorkom asof baie ouers hul plig versuim het en nie vroegtydig hul kinders by skole inge­skryf het nie.

Hy sê die regering kan nie alleen aanspreeklikheid aanvaar nie.

“Dit is nie die regering se skuld as kinders nie in hul onder­skeie grade geplaas is nie. Ouers is reeds in September verlede jaar ingelig om hul kinders vir die komende skooljaar te registreer,” het hy gesê.

Hy sê baie leerders is nie in skole geplaas nie, moontlik omdat hul aansoeke by 'n betrokke skool onsuksesvol was en hulle daarna nie by sy kantoor vir registrasie aangemeld het nie.

Vanweë die hoë aanvraag na plasings in graad 1, 8 en 11, moet aansoekers wat nie suksesvol was vir plasing in staatskole nie, by die onderwysdirektoraat van die betrokke streek registreer sodat oorweging aan hul plasing geskenk kan word.

Aansoeke vir plasings in alle laer- en hoërskole van die staat vind jaarliks tussen Julie en Augustus vir die volgende akademiese jaar plaas.

Vries sê diegene wat laat by sy kantoor registreer, mag moont­lik eers 15 dae nadat die skole geopen het, geplaas word.

Die Khomasstreek het 54 staats- en private laerskole en 30 staats- en private hoërskole.

'n Groot getal leerlinge woon skole in die Khomasstreek by, omdat hul ouers in die hoofstad werk of vanweë 'n beter infrastruktuur as elders in die land.



Besoek aan skole

Maria Eiseb van Republikein het gister in Windhoek na die stand van sake by skole ondersoek ingestel.

Sommige ouers van kinders wat vir die eerste keer skool gaan, het nog gesukkel om die kinders in te skryf. 'n Ouer wat anoniem wil bly, het gesê sy het plek vir haar kinders in graad 1 en 2 gesoek. Sy het by die laerskole in Katutura aangeklop en het ook na ander skole in die stad gegaan. Hierdie skole was volgens haar ook reeds vol. Sy is egter vasbeslote om aan te hou soek totdat sy vir hulle plek kry.

Tydens die besoek van Republikein aan die Hoërskool Ella du Plessis het die hoof, mnr. Jakavaza Kavari, gesê hulle is besig met die registrasie van die graad 8-leerlinge wat verlede jaar aansoek gedoen het. Volgens Kavari is die ouers ongeduldig. “Die ouers verstaan nie as ons aan hulle probeer verduidelik nie.

“By Ella diskrimineer ons nie,” het hy bygevoeg.

Kavari het gesê hulle wil hê al die kinders moet opgevoed word en as onderwysers doen hulle hul bes om die leerders te akkommodeer terwyl daar plek is. Hy het gesê dit maak nie saak hoe die leerders die vorige graad geslaag het nie. “Sommige kinders slaag baie goed, andere vaar swak en sommige word oorgeplaas, maar ons wil almal help," het hy gesê.

Die opsigter van die seunskoshuis by die skool, mnr. Gebeten Mbaukua, het gesê die koshuis word opgeknap en hulle sal baie min seuns vir die eerste kwartaal inneem.

“Op die oomblik sal die beste presteerder in elke graad voorkeur geniet om in die koshuis te bly,” het hy gesê.

Rig navrae hier

Erongo

Swakopmund-gebied: 064 415 450

Omaruru-gebied: 064 571 051

Walvisbaai-gebied: 064 200 218

//Kharas 063 227 020

Hardap 081 343 6877

Omaheke081 227 2744

Otjozondjupa 081 276 7112 óf

081 326 1006 óf

081 269 0179

Khomas061 293 4208

Kunene067 335 123

Omusati 065 251 019

Oshana 065 229 800 óf 229 825

Oshikoto 065 281 916

Ohangwena 065 290 277 óf

290 259

Kavango-Oos081 127 9245 óf

081 147 2408

Kavango-Wes081 307 0328 óf

081 290 2470

Zambezi 081 786 2442

Soortgelyk

 

Namibië: Jerusalem hoofstad van Israel én Palestina

3 dae gelede | Internasionaal

Die regering sê in ‘n verklaring hy het om groot kommer kennis geneem van die die VSA se aankondiging dat hy Jerusalem as hoofstad van...

Rynand Mudge herstel ou geboue

3 dae gelede | Omgewing

Augetto Graig Windhoek se geskiedenis het sedert 1910 en 1913 voor die historiese Gathemann- en Erkrath-gebou in die stad se hoofstraat afgespeel. Die geboue, wat...

EU-lys g'n 'swartlys'

3 dae gelede | Internasionaal

Ronelle Rademeyer “Die EU het Namibië nog nooit as 'n belasting­toevlugsoord beskou nie. Dit is 'n totale misverstand.”Só het die Europese Unie se ambassa­deur in...

Raad vir jong ondernemers

3 dae gelede | Onderwys

‘n Gids oor volhoubare ontwikkeling vir jong ondernemers in Namibië verskyn vandag in Namibia Media Holdings (NMH) se dagblaaie en is gister amptelik bekend gestel.Die...

Kalender 8 Desember

3 dae gelede | Kuns en vermaak

Nou aan die gang» Wees deel van die eerste weergawe StArt Art Salon vandag by die Macadam-mark. StArt Salon Volume 1 is ’n “salon-styl”-utstalling wat...

Weer vir 7 Desember

3 dae gelede | Weer

BINNELAND: Gedeeltelik bewolk en bloedig warm in die verre oostelike gedeeltes, andersins gedeeltelik bewolk en baie warm met 'n paar tot geïsoleerde donderbuie maar verspreide...

Crimson House en Andra deel verhoog by kus

3 dae gelede | Kuns en vermaak

Die Suid-Afrikaanse groep Crimson House bring hul Gypsy Jungle-vertoning oor die feestyd na Swakopmund. Crimson house sal saam met sangsensasie Andra van 19 tot 22...

Een stem, ’n kitaar en baie Stone-emosie

3 dae gelede | Kuns en vermaak

Die Warehouse-teater is dié plek vir kultuur, vermaaklikheid, yskoue bier en pizza in Windhoek. Hierdie gewilde landmerk het onlangs sy 5de verjaardag gevier sedert dit...

Bekendstelling van StArt Salon uitstalling by Macadam-mark

3 dae gelede | Kuns en vermaak

Wees deel van die bekendstelling van die eerste volume van StArt Salon vanaand by die Macadam-mark. StArt Salon Volume 1 is ’n “salon-styl”-utstalling wat die...