Baba oorleef vier ure in vlak graf

Man doodgeskok

05 January 2021 | Misdaad
'n Vrou (24) is Saterdag in die Oupili-nedersetting in die Oshikundu-kiesafdeling in die Ohangawenastreek in verband met poging tot moord en geheimhouding van geboorte in hegtenis geneem.

“Na bewering het sy geboorte aan 'n babameisie geskenk en niemand daarvan ingelig nie. Sy het glo die baba in 'n vlak gat naby bosse in 'n mahanguveld begrawe,” sê die polisie.

“Gelukkig is die baba vier ure later deur speurders gered. Die baba is in die Okongo-hospitaal opgeneem waar sy mediese sorg ontvang het en in 'n stabiele toestand is.”

Die verdagte is in hegtenis geneem en is onder polisiebewaking in die Okongo-hospitaal.

• Naby Outapi het 'n baba van 14 maande oud op Nuwejaarsdag verdrink.

Die voorval het omstreeks 06:00 by die Oshikulufitu-nedersetting in die Anamulenge-kiesafdeling gebeur.

“Na bewering het die baba die huis ongesiens verlaat, in die veld geloop en in 'n watergat geval en verdrink,” lui die verslag.

Die polisieondersoek duur voort.

• In die Rundu-staatshospitaal het 'n 16-jarige vroulike psi­giatriese pasiënt verlede ­Woensdag omstreeks 21:44 glo 'n ander psigiatriese pasiënt op die vloer gestamp, waarna sy gesterf het.

“Me. Rachael Shiwedha (26) het weens kopbeserings op die toneel gesterf,” sê die polisie.

• 'n Man (24) is verlede Maandagaand onder 'n brug in Wanaheda doodgeskok nadat hy glo onwettig kragkabels wou aanlê.

Volgens die weeklikse misdaadverslag van die Namibiese polisie het die voorval tussen 18:00 en 19:00 in Omuvapustraat plaasgevind;

Mnr. Michael Ashiti het glo saam met sy broer onder 'n brug onwettig kragkabels aangelê. 'n Ambulans is laat kom, maar Ashiti is op die toneel dood verklaar.



VROU DOOD IN TENT GEVIND

Me. Priscilla Diana Isaack (35) is Saterdagoggend glo dood in 'n tent deur haar kêrel gevind.

Volgens die verslag het sy die vorige aand omstreeks 22:00 “sonder enige klagtes” in haar tent gaan slaap terwyl haar kêrel in sy kar gaan slaap het.

Na bewering het die kêrel haar omstreeks 10:45 dood in die tent by Soutpos Urigaub in die omgewing van Otjimbingwe in die Karibib-distrik aangetref.

“Haar liggaam is na die Walvisbaaise lykshuis geneem waar 'n nadoodse ondersoek die oorsaak van haar dood sal bepaal,” sê die polisie.



BOBBEJAANJAG LOOP SKEEF

Naby Etanga in die Kunenestreek het 'n bobbejaanjag glo verlede Maandag tragies skeefgeloop.

Die voorval het omstreeks 12:49 by Otjikuyu plaasgevind toe die 45-jarige mnr. Uasotoroka Tjingee (alias Kahama) glo in 'n skietongeluk dood is.

“Na bewering was die man saam met 'n 12-jarige buurseun by 'n watergat waar hulle vir bobbejane gewag het wat onder sy bokke gemaai het.”

Volgens die verslag het die man glo 'n bobbejaan met 'n .303-geweer gekwes en hulle het dit bergop gevolg.

“Die seuntjie het glo agter die man bergop geloop. Hy het 'n skoot gehoor en gesien hoe die man val en bergaf rol.”

Dit is nog onbekend of die geweer gelisensieerd is, maar dié sal later bevestig word.

• Op Nuwejaarsdag omstreeks 10:59 het die 38-jarige mnr. Arnold Eiseb glo by 'n huis op Khorixas geval terwyl hy twee leë bierbottels vasgehou het.

“Na bewering het een van die bottels gebreek en hom in die maag gesteek. Hy is met 'n ernstige maagwond in 'n kritieke toestand na die hospitaal gebring en later na Windhoek oorgeplaas,” sê die polisie.

Volgens die polisie is hy dood en word 'n moordondersoek van stapel gestuur.

Soortgelyk

 

Gesondheidswerkers, leerlinge en onderwysers deel van 343 nuwe gevalle

5 ure gelede | Gesondheid

Sewe Covid-19-verwante sterftes is vandag aangekondig en wel vier in Windhoek, twee in Swakopmund en een in Grootfontein. Die sterftes in Windhoek sluit 'n 63-jarige...

Moller, Hatuikulipi se belange onder vergrootglas

20 ure gelede | Misdaad

Hoofredaksie – Een van die transaksies wat deur die Teenkorrupsie-kommissie (ACC) as deel van die Fishrot-ondersoek gefynkam word, is 'n bedrag van N$8 miljoen wat...

Rekening van N$151 000 bly toe 'jakkals' gly

20 ure gelede | Misdaad

Francoise Steynberg – 'n Vermeende glyjakkals wat vir 'n maand saam met sy gesin in 'n gastehuis op Swakopmund gebly en glo nie betaal het...

Mans vas oor vervalsing van Covid-19-toetsuitslae

20 ure gelede | Misdaad

Kristien KrugerTwee Zimbabwiese mans is Saterdag omstreeks 12:00 op Katima Mulilo in hegtenis geneem vir die besit was vervalste Covid-19 laboratoriumtoetsverslae van PathCare Namibië.Die mans...

Reënweer bring groot skade

20 ure gelede | Weer

Kristien Kruger – Terwyl Namibië die derde week van swaar neerslae binnegaan, is groot skade reeds aan paaie, landerye en ander infrastruktuur aangerig. Windhoekers is...

Weer vir 11 Januarie 2021

20 ure gelede | Weer

BINNELAND: Gedeeltelik bewolk en baie warm in die Noordweste, verre Weste en dele van die //Kharasstreek. Elders sal dit bewolk en warm tot baie...

Regering slaan toe op klaringsagente

20 ure gelede | Regering

Phillepus Uusiku – Die regering is in die finale fase van die instelling van strenger maatreëls vir die lisensiëring van klaringsagente.Die instellings beoog om die...

Nafau wen in hof teen Shoprite

20 ure gelede | Arbeid

Kristien Kruger en Adolf Kaure – Stakende Shoprite-werknemers was Vrydagmiddag verjuig toe die hoërhof in Windhoek beslis het dat ’n interdik teen die Shoprite-winkelgroep uitgereik...

Op die spoor van Hardapdam se opvangsgebiede

20 ure gelede | Infrastruktuur

Kallie Pauw (gasskrywer)Die onlangse wonderlike reën in groot dele van Namibië en verslae daaroor en foto's van vol riviere en dansende boere het mense (soos...