Baba dood ná sy glo van bed afval

10 January 2019 | Misdaad
'n Vyf maande oue baba is Sondag dood nadat sy glo van 'n bed afgeval het.

Volgens die Namibiese polisie se misdaadverslag is Lavinia Itsuwe Erastus se liggaam omstreeks 23:00 in haar ma se slaapkamer tussen die bed en die sinkplaat gevind. Die voorval het in die Uutha-lokasie in die Onyuulaye-gebied naby Onayena plaasgevind.

"Na bewering het die ma, 'n kroegvrou, nadat die kind in haar slaapkamer aan die slaap geraak het, teruggegaan na die kroeg om te gaan werk," lui die verslag.

Die polisieondersoek duur voort.

'n Vrou (33) is Sondag in hegtenis geneem nadat sy glo haar ongebore fetus in 'n toilet op ’n erf in die Olunkono-buurt op Ondangwa gegooi het. Sy word in die Ondangwa-polisieselle aangehou en die ondersoek duur voort.

'n Man is Saterdag omstreeks 14:36 in die Oshandi-nedersetting naby Eenhana deur weerlig doodgeslaan. Fillepus Josia Nghinamwaami (20) was blykbaar besig om 'n toilet te bou.

'n Man (51) se liggaam is Sondagoggend by 'n sjebeen in die Karuci-nedersetting gevind. Mnr. Kapanga Josef Muyenga se vrou het hom die vorige aand daar gelos toe hy inmekaar gesak het.

"Sy was onder die indruk hy is dronk en het hom net daar gelos en huis toe gegaan. Sy is liggaam is Sondag gevind presies waar hy inmekaar gesak het," sê die polisie.

'n Vrou, me. Shivoko Annagret Vishoni (42) van die Kehumu-lokasie op Rundu wat sedert Nuwejaarsdag vermis word nadat sy gaan visvang het, se liggaam is in 'n moeras agter Sarusungu gevind.

"Haar kêrel het haar op 3 Januarie as vermis aangemeld toe sy sedert 1 Januarie nie teruggekeer het nie," sê die polisie.

Die liggaam van mnr. Fillipus Sheetekela van die Eeshoke-nederstting is Maandagaand in 'n sinkhuis op Engela gevind.

Hy was glo vyf dae gelede voor dit laas gesien en was na bewering geestesversteurd.

'n Vrou (25) is glo op 2 Januarie ná 'n partytjie saam met vriende deur 'n 31-jarige Angolese man in sy woonstel in Pasteurstraat in Windhoek-Wes verkrag. Hy is in hegtenis geneem.

TOERISTE BEROOF

Op Swakopmund is Duitse toeriste Maandag van hul besittings ter waarde van N$34 000 beroof. Die 44-jarige man en sy vrou het glo van 'n restaurant af gestap toe die voorval plaasgevind het.

"Vier verdagtes in 'n silwer VW Polo met registrasiemerke N 38291 W het glo langs hulle gestop, uitgespring, hul besittings gegryp en weggejaag," lui die verslag van die polisie in die Erongostreek.

Die gesteelde goedere is onder meer 'n Canon-kamera, ‘n lens, 'n SD-kaart, 'n blou rugsak, 'n paar Gucci-sonbrille, 'n hangertjie en 'n silwer armband. Niemand is nog in hegtenis geneem nie en die gesteelde goedere is nog nie teruggevind nie.

Vyf bokke ter waarde van N$30 000 is tussen 1 en 5 Januarie by Damkamp plaas 302, naby die Oanobdam in die Rehoboth-distrik, gesteel. Drie bokke is teruggevind, maar die vermeende bokdiewe is nog nie in hegtenis geneem nie. Die polisieondersoek duur voort.

Soortgelyk

 

Gesondheid: Advertensie vals

40 minute gelede | Gesondheid

Die ministerie van gesondheid en maatskaplike dienste (MoHSS) sê 'n inligting wat op sosiale media sirkuleer oor opleidingsgeleenthede by die ministerie is vals. Die vals...

'n Seder val in Swapo

10 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

10 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

10 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

10 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

10 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...

'Sam Nujoma is 'n ikoon'

10 ure gelede | Regering

Stigterspresident Sam Nujoma se 90ste verjaardagvieringe is Saterdag op Etunda in die Omusatistreek gevier en deur verskeie hooggeplaastes bygewoon. President Hage Geingob het Nujoma as...

Water: Hou rekord van elke druppel

10 ure gelede | Regering

Elvira Hattingh - Tot 90% van die water in Windhoek wat onnodig weens lekkasies of buitensporige waterverbruik verlore gaan, sou gespaar kon word indien huishoudings...

Semifinalis onttrek aan Mej. Namibië

10 ure gelede | Gebeure

Tanja Bause - 'n Semifinalis in die Mej. Namibië 2019-kompetisie, ­Michelle Pretorius, het aan die geleentheid onttrek. Volgens haar ma, me. Anke Pretorius, het Michelle...