Baba by grenspos 'gevang'
Verpleegsters van die Walvisbaai-korridorgroep (WBCG) se kliniek op Oshikango was op die regte tyd op die regte plek toe ’n swanger vrou op pad hospitaal geboorte geskenk het.
Verpleegsters is deur die grenspolisie ontbied en was net betyds om die babadogtertjie die lewe te laat sien en die naelstring te knip.
Die ma, me. Angelina Benquela (35), was op pad na die Engela-distrikshospitaal toe sy kontraksies gekry het.
Sy het die grens pas oorgesteek toe die babadogtertjie haar verskyning wou maak.
Gelukkig was sr. Ester Shikomba en sr. Wilma Nanghanda vinnig daar om met die geboorteproses te help, en ma en dogter vir ’n deeglike ondersoek na die kliniek te bring.
Die ministerie van gesondheid en maatskaplike dienste (MoHSS) het Benquela en haar dogtertjie, wat 2 kg by geboorte geweeg het, na die hospitaal op Engela vervoer.
Intussen het die ministerie se direkteur van gesondheid vir die streek, mnr. John Hango, die susters vir hul vinnige optrede geloof.
Volgens hom voeg die kliniek se teenwoordigheid waarde tot die gemeenskap omdat dit toegang tot mediese dienste bied.
“Ons verpleegsters het beheer van die situasie geneem en in die proses ’n moontlik noodlottige situasie beredder.
“Hulle het ekstra moeite gedoen en dit ondanks hul daaglikse pligte om MIV/vigs-verwante dienste aan die gemeenskap te lewer,” het die projekbestuurder van die WBCG se klinieke, mnr. Edward Shivute, gesê.
Volgens hom is dit ’n voorbeeld van die goeie verhouding tussen die WBCG en die ministerie.
“Ons sal voortgaan om ’n helpende hand uit te reik na die ministerie deur mense te help wat nie geredelik toegang tot openbare gesondheidsgeriewe het nie,” het hy gesê.
Die WBCG het ’n gevestigde netwerk klinieke langs die pad oraloor die land wat met vennote in die bedryf en MoHSS saamwerk om MIV/vigs- sowel as ander gesondheidsverwante dienste aan verskeie weerlose groepe te verskaf.
Die groepe sluit in langafstand- vragmotorbestuurders, sekswerkers en gemeenskappe wat naby oorgrensgebiede woon.
Die maklik uitkenbare klinieke word in vraghouers gehuisves.
Verpleegsters is deur die grenspolisie ontbied en was net betyds om die babadogtertjie die lewe te laat sien en die naelstring te knip.
Die ma, me. Angelina Benquela (35), was op pad na die Engela-distrikshospitaal toe sy kontraksies gekry het.
Sy het die grens pas oorgesteek toe die babadogtertjie haar verskyning wou maak.
Gelukkig was sr. Ester Shikomba en sr. Wilma Nanghanda vinnig daar om met die geboorteproses te help, en ma en dogter vir ’n deeglike ondersoek na die kliniek te bring.
Die ministerie van gesondheid en maatskaplike dienste (MoHSS) het Benquela en haar dogtertjie, wat 2 kg by geboorte geweeg het, na die hospitaal op Engela vervoer.
Intussen het die ministerie se direkteur van gesondheid vir die streek, mnr. John Hango, die susters vir hul vinnige optrede geloof.
Volgens hom voeg die kliniek se teenwoordigheid waarde tot die gemeenskap omdat dit toegang tot mediese dienste bied.
“Ons verpleegsters het beheer van die situasie geneem en in die proses ’n moontlik noodlottige situasie beredder.
“Hulle het ekstra moeite gedoen en dit ondanks hul daaglikse pligte om MIV/vigs-verwante dienste aan die gemeenskap te lewer,” het die projekbestuurder van die WBCG se klinieke, mnr. Edward Shivute, gesê.
Volgens hom is dit ’n voorbeeld van die goeie verhouding tussen die WBCG en die ministerie.
“Ons sal voortgaan om ’n helpende hand uit te reik na die ministerie deur mense te help wat nie geredelik toegang tot openbare gesondheidsgeriewe het nie,” het hy gesê.
Die WBCG het ’n gevestigde netwerk klinieke langs die pad oraloor die land wat met vennote in die bedryf en MoHSS saamwerk om MIV/vigs- sowel as ander gesondheidsverwante dienste aan verskeie weerlose groepe te verskaf.
Die groepe sluit in langafstand- vragmotorbestuurders, sekswerkers en gemeenskappe wat naby oorgrensgebiede woon.
Die maklik uitkenbare klinieke word in vraghouers gehuisves.
Kommentaar
Republikein
Geen kommentaar is op hierdie artikel gelaat nie