Baarsvangers toer na Zim, Mosambiek

12 July 2018 | Sport
Tanja Bause - Die Namibiese Baarshengelver­eniging (NBAA) stuur dié week vir die eerste keer 'n presidentspan na Zimbabwe om aan die driehoekige toets­reeks teen dié land en Suid-Afrika deel te neem.

Die toernooi sal op die Mteri-dam naby Chiredzi by die Hippo Valley Estates aangebied word. In 2007 is 'n rekordbaars van 7,9 kilogram uit die dam getrek. Die dam is tans 100% vol en visvangtoestande lyk belowend.

Ses hengelaars en drie bote sal vandag die 1 900 kilometer reis begin om vanaf 16 Julie tot 20 Julie aan die toernooi deel te neem.

James van Rooyen is die kaptein van die vaardige en diverse span. Hy het tevore met 'n agtste plek in die gesogte BASS Nation toernooi in die Verenigde State van Amerika groot indruk gemaak. Van Rooyen het ook 'n uitgebreide ervaring van visvang op die Mteri-dam.

Die presidentspan bestaan uit die bestuurder Neels van Tonder, Jacques Marais, Jason Koudelka, Gregg Howard en Andrew Hall.



NASIONALE SPAN

Namibië se nasionale baarshengelspan sal volgende week Donderdag padlangs na Mosambiek vertrek om in die Afrika-unie Streek 5-kompetisie teen Zimbabwe, Suid-Afrika, Zambië en Mosambiek mee te ding.

Die kompetisie begin op 23 Julie en strek oor vyf dae. Twee oefendae word deur drie kompetisiedae gevolg.

Die Chicamba-meer word tans as die beste plek vir baarshengel in Suidelike Afrika aangeskryf en mense van dwarsoor die wêreld stroom vir dié doel na die dam.

Max Pieper van Namibië het die Streek 5 rekord in 2013 met 'n baars van 6.43 kilogram by dié dam opgestel. Die rekord staan vandag nog.

Die nasionale span van 12 hengelaars en ses bote sal die reis van 4 800 kilometer heen en terug aanpak.

Alec Williams is die kaptein van die span wat uit Richard Grant, Niel Engelbrecht, Anton de Wit, Nic Kruger, Duan Kotze, Max Pieper, Thinus Williams, Jandre Engelbrecht, Anton Smith, Johan Coetzee en Stephan de Wet bestaan.

Soortgelyk

 

Honderde miljoene vir veevoer nodig

19 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

19 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

19 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

19 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

19 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

19 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

19 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

19 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

19 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...