AR steun Ipinge se ingrype

Job sê staan saam met Knowledge

28 May 2020 | Politiek
Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr. Knowledge Ipinge, reg was om spoedig in die belang van die Walvisbaaise gemeenskap op te tree. Dít nadat die minister van inligting en kommunikasietegnologie, dr. Peya Mushelenga, gesê het Ipinge het nie die reg om te gelas ’n handelsbank en ’n vragmotordepot moet sluit nie. Ipinge se aankondiging het gekom nadat ’n vragmotorbestuurder langs die kus positief getoets het vir die coronavirus, en onder meer dié twee besighede besoek het.

Mushelenga sê die kabinet het Maandag oor die kwessie beraadslaag en beslis Ipinge se aankondiging is ongeldig. Die minister het gister dié besluit by die Covid-19-kommunikasiesentrum (CCC) bekend gemaak. Standard Bank het in 'n verklaring gesê hul Walvisbaai-tak is intussen ontsmet en die personeellede wat tydens die vragmotorbestuurder se besoek aan diens was, is tans in selfkwarantyn.

Amupanda sê Ipinge neem sedert die uitbreking van die siekte die voortou en dat die politici in die hoofstad bloot jaloers is op die seëvierende jong onafhanklike kandidaat.

“In plaas daarvan om op Covid-19 te konsentreer, veral in die lig van die daaglikse nuwe gevalle, is die politici besig met ’n magstryd. Walvisbaaiers is nie besorg oor ’n magstryd nie, hulle is bly dat 'n 34-jarige raadslid betyds en beslissend opgetree het om hulle te beskerm,” sê hy.

“Ons doen 'n beroep op alle inwoners van Walvisbaai om saam met hul sorgsame aktivisraadslid te staan,” sê Amupanda en, “ons waarsku die bose politici om op hul hoede te wees en nie die jong leiers wat deur God gekies is, aan te raak nie. Daar is gevolge,” sê hy. – [email protected]/[email protected]

Soortgelyk

 

Iran: Kernkragontploffing veroorsaak beduidende skade

4 ure gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

4 ure gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

7 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

7 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

8 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Twee vas oor olifanttande

18 ure gelede | Misdaad

Volgens die weeklikse wildmisdaadverslag vanaf 29 Junie tot 6 Julie is twee nuwe wildmisdaadsake aanhangig gemaak en vier verdagtes in hegtenis geneem. Mnre. Alfred...

Kleintjies terug skool toe

18 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

18 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

18 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...