Apple se baas verdien US$136 miljoen

11 January 2019 | Sakenuus
Tim Cook, uitvoerende hoof van Apple, het in 2018 sy grootste bonus nóg - US$12 miljoen – gekry.

Dit was nadat Apple ’n rekordwins gemaak het vir die boekjaar tot einde September en die maatskappy se markwaarde kortstondig tot meer as US$1 000 miljard gestyg het.

Besonderhede oor Cook se bonus is pas bekend gemaak.

Hy het in die boekjaar ’n salaris van US$3 miljoen verdien, en aandele ter waarde van US$121 miljoen is aan hom toegeken as deel van ’n tienjaar-toekenning.

Dit bring sy totale pakket op US$136 miljoen (nagenoeg R1,9 miljard) te staan.

Cook het ook byvoordele van US$682 000 gekry.

Sy bonus is gekoppel aan inkomste en bedryfsinkomste, wat albei met 16% gestyg het.

Dit lyk egter nie of Cook in 2019 wéér ’n rekordbonus sal kry nie. Apple het verlede week bekend gemaak dat verkope van iPhones in die Kersfeeskwartaal – die eerste in sy boekjaar – laer gaan wees as wat vroeër voorspel is.

AANDEELPRYS

Dié aankondiging het Apple se aandeelprys met 12% laat val.

Nog vier Apple-bestuurders het elk ’n bonus van US$4 miljoen gekry, wat hul totale vergoeding op sowat US$26,5 miljoen elk te staan bring, salaris en aandele ingesluit.

Apple se aandeletoekennings word deels gegrond op die styging in die aandeelprys, ander vestig so lank as wat die persoon in die maatskappy se diens bly.

Cook het in Augustus 560 000 aandele gekry omdat Apple beter gevaar het as twee-derdes van die maatskappye in die Standard & Poor’s 500-indeks. Vir die boekjaar tot einde September het Apple se aandeelprys ’n opbrengs van 49% opgelewer, as dividende herbelê is. Dis byna drie keer die S&P 500 se opbrengs.

Cook het Steve Jobs, medestigter, as uitvoerende hoof van Apple opgevolg in die jaar toe Jobs aan kanker dood is. – Netwerk24/Bloomberg

Soortgelyk

 

Ses sterf in vroeë oggendure

4 ure gelede | Ongelukke

Tanja Bause 'n Motorongeluk tussen Windhoek en Okahandja het gister om 05:45 die lewens van ses mense geëis.Vyf mense was in 'n sedan van...

Katrina se skoonsuster verhuur glo lyshuis

4 ure gelede | Howe

Denver Kisting Die hoërhof in Windhoek het gister gehoor 'n skoonsuster van me. Katrina Hanse-Himar­wa het glo 'n huis, wat sy wederregtelik onder die...

Weer vir 12 Maart

4 ure gelede | Weer

BINNELAND: Gedeeltelik bewolk en baie warm in die verre noordooste met 'n paar donderbuie, andersins sonnig en warm tot baie warm. KUS: Gedeeltelik bewolk en...

Steytler verlaat Staatshuis

4 ure gelede | Regering

Dr. Alfredo Hengari, die president se woordvoerder, het in 'n bondige verklaring gesê Steyt­ler het verlede Maandag reeds bedank.Dit was ook sy laaste werkdag, het...

Vrae oor Boeing ná tweede ramp

4 ure gelede | Ongelukke

Ronelle Rademeyer Terwyl dit gister bekend geword het die twee vlugopnemers van die splinternuwe Boeing 737 Max 8 is op die ramptoneel van vlug ET302...

Bekende rugby-afrigter verskyn op diefstalklag

4 ure gelede | Howe

Andrew Poolman'n Voormalige afrigter van ­Namibiese nasionale rugby­spanne op senior en junior vlak verskyn vanoggend in die Windhoekse landdroshof, nadat hy Sondag op aanklag van...

Vakbonde: SADC moet by Zim ingryp

4 ure gelede | Arbeid

Augetto Graig - Dis hoog tyd dat die Suider-Afrikaanse Ontwikkelingstreek (SADC) se arbeidsministers by die krisis in Zimbabwe ingryp.Dít volgens me. Zingiswa Losi, president van...

Peya wis niks van Stad Windhoek se plan

4 ure gelede | Plaaslik

Denver KistingTeen gisteroggend het die ­minister van stedelike en lande­like ontwikkeling, dr. Peya Mushelenga, nog geen amptelike woord oor Windhoek se 90-dae- omkeerplan gehoor nie.Mushelenga...

Weegbrûe beskerm ons paaie

4 ure gelede | Vervoer

Augetto Graig - Regstappe teen en die vervolging van voertuigeienaars wat hul voertuie oorlaai, sal na verwagting van 1 April af inwerking gestel word. Dít...