'Angula weier om realistiese kritiek te aanvaar'
Die Popular Democratic Movement (PDM) het sy skok uitgespreek oor mnr. Nahas Angula se reaksie op ’n ontleding van Namibië se onderwysstelsel deur mnr. Nico Smit, ’n lid van die party.
Volgens die PDM se voorsitter, me. Jennifer van den Heever, weier Angula dus om realistiese kritiek te aanvaar.
Volgens Van den Heever was Smit se kritiek nie op die stelsel wat Angula tydens sy termyn as minister van basiese onderwys geïmplementeer het of die instelling van Engels as onderrigtaal in skole nie.
“Dit is versinsels van Angula en sy volgelinge in die Namibiese Nasionale Studenteorganisasie (Nanso) en dit lyk soos ’n poging om die aandag af te trek van die ware feite oor die huidige stand van ons onderwys. Dít deur ’n rookskerm van emosionele nonsens en rassistiese aanmerkings,” het Van den Heever in ’n verklaring gesê.
Volgens die verklaring verwys Angula na die stelsel as een wat die land se jongmense leer dink - iets waarmee Smit saamstem.
“Jongmense gebruik dié vaardigheid om na te dink oor die afgelope 30 jaar se onderrig en besef wat Smit oor probleme in die onderwys sê, is die waarheid.”
Die PDM beskuldig Angula daarvan dat hy nie ’n enkele argument het om Smit se ontleding te weerlê nie.
Dit verwys voorts na die “rampspoedige fout” om na die raad van buitelandse raadgewers te luister, wat oor geen kennis van plaaslike toestande beskik het toe Namibië 28 jaar gelede onafhanklik geword het nie.
“Dit het alles met die implementering van mnr. Angula se stelsel en planne jare gelede te doen.”
Volgens die verklaring is uitgebreide navorsing oor die onderwerp gedoen en was ’n voorstel van een van die verslae gevolglik om ’n preprimêre afdeling by elke laerskool in Namibië te vestig.
“Angula het egter verkies om die baba saam met die badwater uit te gooi toe hy die leisels by die ministerie van basiese onderwys oorgeneem het.”
Die PDM sê voorts die party hou by sy ontleding van die huidige probleme in die land se onderwysstelsel.
Die party het ook ’n uitnodiging aan me. Katrina Hanse-Himarwa, die huidige minister van onderwys, kuns en kultuur, gerig om met die amptelike opposisie saam te werk in die implementering van oplossings vir dié “dringende nasionale ramp”.
Volgens die PDM se voorsitter, me. Jennifer van den Heever, weier Angula dus om realistiese kritiek te aanvaar.
Volgens Van den Heever was Smit se kritiek nie op die stelsel wat Angula tydens sy termyn as minister van basiese onderwys geïmplementeer het of die instelling van Engels as onderrigtaal in skole nie.
“Dit is versinsels van Angula en sy volgelinge in die Namibiese Nasionale Studenteorganisasie (Nanso) en dit lyk soos ’n poging om die aandag af te trek van die ware feite oor die huidige stand van ons onderwys. Dít deur ’n rookskerm van emosionele nonsens en rassistiese aanmerkings,” het Van den Heever in ’n verklaring gesê.
Volgens die verklaring verwys Angula na die stelsel as een wat die land se jongmense leer dink - iets waarmee Smit saamstem.
“Jongmense gebruik dié vaardigheid om na te dink oor die afgelope 30 jaar se onderrig en besef wat Smit oor probleme in die onderwys sê, is die waarheid.”
Die PDM beskuldig Angula daarvan dat hy nie ’n enkele argument het om Smit se ontleding te weerlê nie.
Dit verwys voorts na die “rampspoedige fout” om na die raad van buitelandse raadgewers te luister, wat oor geen kennis van plaaslike toestande beskik het toe Namibië 28 jaar gelede onafhanklik geword het nie.
“Dit het alles met die implementering van mnr. Angula se stelsel en planne jare gelede te doen.”
Volgens die verklaring is uitgebreide navorsing oor die onderwerp gedoen en was ’n voorstel van een van die verslae gevolglik om ’n preprimêre afdeling by elke laerskool in Namibië te vestig.
“Angula het egter verkies om die baba saam met die badwater uit te gooi toe hy die leisels by die ministerie van basiese onderwys oorgeneem het.”
Die PDM sê voorts die party hou by sy ontleding van die huidige probleme in die land se onderwysstelsel.
Die party het ook ’n uitnodiging aan me. Katrina Hanse-Himarwa, die huidige minister van onderwys, kuns en kultuur, gerig om met die amptelike opposisie saam te werk in die implementering van oplossings vir dié “dringende nasionale ramp”.
Kommentaar
Republikein
Geen kommentaar is op hierdie artikel gelaat nie