Angolese vlugtelinge gaan huis toe
Busse ry dié week na buurland
Tuyeimo Haidula – Sowat 4 000 Angolese vlugtelinge wat hulle op Etunda in die Omusatistreek tuisgemaak het, het Maandag begin om terug huis toe te keer. Die groep het in Maart 2021 in Namibië aangekom nadat hulle hul land weens honger verlaat het.
Hulle sal in groepe van 47 per bus vervoer word. Ses busse sal twee keer per dag die mense vervoer. Hulle sal tydelik in 'n skuiling in die Cuneneprovinsie in Angola gehuisves word, voordat hulle na hul huise geneem sal word vir 'n nuwe begin.
Hul lot is dié van hongersnood en hulle het na Namibië gekom om dié toestand in hul land te ontsnap. Die provinsiale goewerneur van Cunene, Gerdina Didalelwa, het in Mei verlede jaar na Namibië gekom en die immigrante versoek om huis toe te kom sodat hul regering na hulle kan omsien. Die groep het geweier en gesê hulle sal slegs terugkeer nadat dit gereën het en hulle hul landerye kan bewerk en plant. Hulle glo nie dat hul regering sy woord sal hou om na hulle om te sien nie.
Die goewerneur van Omusati, Erginus Endjala, het gesê hy het die immigrante drie keer besoek en gesprekke gevoer en hulle het ingestem om terug te keer.
“Toe die busse aangekom het, was hulle reg om te gaan. Dit sal 'n aaneenlopende proses wees, tot Vrydag of Saterdag. Hoewel die leeftoestande steeds nie gunstig is nie, is hulle dan ten minste in hul inheemse omgewing,” het hy gesê.
By die kamp het Endjala aan die teenwoordiges gesê hulle is op 23 Februarie 2021 ingelig dat 'n groep Angolese immigrante in Etunda en Oshio is en dat hul leeftoestande uiters swak is.
Ná behoorlike evaluerings en die bevestiging dat hulle voedselhulp nodig het, het die streek 'n groot toestroming van Angolese burgers beleef.
“Ons het humanitêre steun van individue, private entiteite en van die Namibiese regering deur die kantoor van die eerste minister ontvang. Vandag (Dinsdag) is ons hier om totsiens te sê aan ons broers en susters wat by hierdie sentrum vir amper 11 maande gewoon het.”
Endjala het die Angolese regering bedank vir die fasilitering van die proses om hul burgers te repatrieer. Hy het gesê dis altyd moeilik om humanitêre hulp vanuit 'n ander land te verskaf.
“Die repatriasie van die broers en susters skep die geleentheid vir hulle om behoorlike aandag te kry sodat hulle weer met hul geliefdes tuis geïntegreer kan word. Ons weet die proses sal nie maklik wees nie, maar deur die samewerking tussen die twee regerings sal ons daardie uitdagings oorkom.”
Hy het bygevoeg dat 73 kinders sedert Maart verlede jaar in Namibië gebore is en dat almal hul geboortesertifikate ontvang het en dat almal teen Sondag gedoop is.
Hy het gesê daar was vele uitdagings – soos die hoë getal kinders (tot dusver 18 kinders van tussen nul en vier jaar) wat meestal weens wanvoeding dood is.
– [email protected]
Hulle sal in groepe van 47 per bus vervoer word. Ses busse sal twee keer per dag die mense vervoer. Hulle sal tydelik in 'n skuiling in die Cuneneprovinsie in Angola gehuisves word, voordat hulle na hul huise geneem sal word vir 'n nuwe begin.
Hul lot is dié van hongersnood en hulle het na Namibië gekom om dié toestand in hul land te ontsnap. Die provinsiale goewerneur van Cunene, Gerdina Didalelwa, het in Mei verlede jaar na Namibië gekom en die immigrante versoek om huis toe te kom sodat hul regering na hulle kan omsien. Die groep het geweier en gesê hulle sal slegs terugkeer nadat dit gereën het en hulle hul landerye kan bewerk en plant. Hulle glo nie dat hul regering sy woord sal hou om na hulle om te sien nie.
Die goewerneur van Omusati, Erginus Endjala, het gesê hy het die immigrante drie keer besoek en gesprekke gevoer en hulle het ingestem om terug te keer.
“Toe die busse aangekom het, was hulle reg om te gaan. Dit sal 'n aaneenlopende proses wees, tot Vrydag of Saterdag. Hoewel die leeftoestande steeds nie gunstig is nie, is hulle dan ten minste in hul inheemse omgewing,” het hy gesê.
By die kamp het Endjala aan die teenwoordiges gesê hulle is op 23 Februarie 2021 ingelig dat 'n groep Angolese immigrante in Etunda en Oshio is en dat hul leeftoestande uiters swak is.
Ná behoorlike evaluerings en die bevestiging dat hulle voedselhulp nodig het, het die streek 'n groot toestroming van Angolese burgers beleef.
“Ons het humanitêre steun van individue, private entiteite en van die Namibiese regering deur die kantoor van die eerste minister ontvang. Vandag (Dinsdag) is ons hier om totsiens te sê aan ons broers en susters wat by hierdie sentrum vir amper 11 maande gewoon het.”
Endjala het die Angolese regering bedank vir die fasilitering van die proses om hul burgers te repatrieer. Hy het gesê dis altyd moeilik om humanitêre hulp vanuit 'n ander land te verskaf.
“Die repatriasie van die broers en susters skep die geleentheid vir hulle om behoorlike aandag te kry sodat hulle weer met hul geliefdes tuis geïntegreer kan word. Ons weet die proses sal nie maklik wees nie, maar deur die samewerking tussen die twee regerings sal ons daardie uitdagings oorkom.”
Hy het bygevoeg dat 73 kinders sedert Maart verlede jaar in Namibië gebore is en dat almal hul geboortesertifikate ontvang het en dat almal teen Sondag gedoop is.
Hy het gesê daar was vele uitdagings – soos die hoë getal kinders (tot dusver 18 kinders van tussen nul en vier jaar) wat meestal weens wanvoeding dood is.
– [email protected]
Kommentaar
Republikein
Geen kommentaar is op hierdie artikel gelaat nie