Angolees verkrag glo tweejarige seun
Sake van verkragting, waarin vyf kinders tussen 2 en 15 jaar die slagoffers was, word deur die polisie ondersoek.
Kenya Kambowe
en Ronelle Rademeyer
'n Jong Angolese veewagter (19) is Vrydag deur die polisie in die Oshikotostreek gearresteer nadat hy na bewering vroeër die week 'n tweejarige seun verkrag het.
Volgens adj.komm. Naomi Katjiua, woordvoerder van die polisie in dié streek, het die voorval verlede Dinsdag by Onaskikuvu naby Omuthiya plaasgevind. Die verdagte is by dié nedersetting as veewagter in diens.
In 'n ander verkragtingondersoek is die polisie in die streek op soek na 'n 20-jarige man van Iihandhi wat na bewering twee meisies van onderskeidelik 5 en 11 jaar gesodomiseer het.
Volgens Katjiua is die verdagte die twee meisies se oom en het hy saam met hulle in dieselfde huis gewoon. Dié voorval het reeds op 19 Februarie plaasgevind toe die kinders se voog 'n kerkdiens bygewoon het.
Klagte van verkragting is egter eers verlede Woensdag by die polisie ingedien.
Intussen word drie ander voorvalle van verkragting wat verlede week elders in die land aangemeld is, ook deur die polisie ondersoek.
In twee van die voorvalle is die slagoffers 15-jarige meisies. Beide die voorvalle is Vrydag aangemeld – die een op Gochas en die ander een op Rehoboth.
Volgens die polisie se weeklikse misdaadondersoekverslag, is 'n 27-jarige man Vrydag op Gochas in hegtenis geneem en van statutêre verkragting aangekla, aangesien hy 'n kind by 'n 15-jarige meisie verwek het.
Hy is glo vroeër gemaan om sy verhouding met die meisie te beëindig, maar het hom nie daaraan gesteur nie.
Die ander saak spruit uit 'n voorval Vrydag op Rehoboth waar 'n 15-jarige meisie wat glo van dié dorp na Tsumis Park geryloop het om haar ouma te besoek, deur 'n onbekende man oorval, oor die kop geslaan en verkrag is.
Die meisie is vir behandeling hospitaal toe geneem, waar bevestig is dat sy verkrag is.
Haar verkragter is nog op vrye voet.
In 'n ander voorval in die vroeë oggendure van Saterdag op Gobabis, is 'n 20-jarige vrou in die bosse in die Epako-woonbuurt verkrag.
Sy en haar kêrel was van 'n kuierplek af op pad huis toe, toe twee mans uit die bosse verskyn het en hulle aangeval het.
Sy is met 'n mes in haar linkerhand gesteek, waarna die mans haar verkrag het. Haar kêrel is in die rug gesteek en van sy horlosie, selfoon en geld beroof. Die aanvallers het daarna gevlug.
Die polisie het 'n beroep op mense in dié omgewing gedoen wat weet wie die aanvallers was, om die polisiekantoor op Gobabis te kontak.
en Ronelle Rademeyer
'n Jong Angolese veewagter (19) is Vrydag deur die polisie in die Oshikotostreek gearresteer nadat hy na bewering vroeër die week 'n tweejarige seun verkrag het.
Volgens adj.komm. Naomi Katjiua, woordvoerder van die polisie in dié streek, het die voorval verlede Dinsdag by Onaskikuvu naby Omuthiya plaasgevind. Die verdagte is by dié nedersetting as veewagter in diens.
In 'n ander verkragtingondersoek is die polisie in die streek op soek na 'n 20-jarige man van Iihandhi wat na bewering twee meisies van onderskeidelik 5 en 11 jaar gesodomiseer het.
Volgens Katjiua is die verdagte die twee meisies se oom en het hy saam met hulle in dieselfde huis gewoon. Dié voorval het reeds op 19 Februarie plaasgevind toe die kinders se voog 'n kerkdiens bygewoon het.
Klagte van verkragting is egter eers verlede Woensdag by die polisie ingedien.
Intussen word drie ander voorvalle van verkragting wat verlede week elders in die land aangemeld is, ook deur die polisie ondersoek.
In twee van die voorvalle is die slagoffers 15-jarige meisies. Beide die voorvalle is Vrydag aangemeld – die een op Gochas en die ander een op Rehoboth.
Volgens die polisie se weeklikse misdaadondersoekverslag, is 'n 27-jarige man Vrydag op Gochas in hegtenis geneem en van statutêre verkragting aangekla, aangesien hy 'n kind by 'n 15-jarige meisie verwek het.
Hy is glo vroeër gemaan om sy verhouding met die meisie te beëindig, maar het hom nie daaraan gesteur nie.
Die ander saak spruit uit 'n voorval Vrydag op Rehoboth waar 'n 15-jarige meisie wat glo van dié dorp na Tsumis Park geryloop het om haar ouma te besoek, deur 'n onbekende man oorval, oor die kop geslaan en verkrag is.
Die meisie is vir behandeling hospitaal toe geneem, waar bevestig is dat sy verkrag is.
Haar verkragter is nog op vrye voet.
In 'n ander voorval in die vroeë oggendure van Saterdag op Gobabis, is 'n 20-jarige vrou in die bosse in die Epako-woonbuurt verkrag.
Sy en haar kêrel was van 'n kuierplek af op pad huis toe, toe twee mans uit die bosse verskyn het en hulle aangeval het.
Sy is met 'n mes in haar linkerhand gesteek, waarna die mans haar verkrag het. Haar kêrel is in die rug gesteek en van sy horlosie, selfoon en geld beroof. Die aanvallers het daarna gevlug.
Die polisie het 'n beroep op mense in dié omgewing gedoen wat weet wie die aanvallers was, om die polisiekantoor op Gobabis te kontak.
Kommentaar
Republikein
Geen kommentaar is op hierdie artikel gelaat nie