Angola skuld Air Nam

19 January 2018 | Vervoer
Ronelle Rademeyer



Die Internasionale Lugvervoervereniging (Iata) het gister met regeringslui in Angola vergader oor die sowat US$500 miljoen wat aan verskillende internasionale en plaaslike lugrederye verskuldig is.

Air Namibia is saam met South African Airways, Lufthansa, Air France-KLM, Emirates, Ethiopian Airlines en Brussels Airlines van die rederye wat nie die inkomste wat hulle in dié land verdien het, kan kry nie.

Die Angolese sentrale bank het die betaling van die geld gestop vanweë dié buurland se tekort aan buitelandse valuta. Dié tekort is weens die skerp daling in die olieprys sowat drie jaar gelede en die daaropvolgende ekonomiese insinking in die land.

'n Woordvoerder van Iata het gister uit Luanda aan Republikein gesê mnr. Alexandre de Juniac, direkteur-generaal en uitvoerende hoof van dié vereniging, is met 'n hoëvlakafvaardiging in Angola om die kwessie te bespreek.

“Hulle het konstruktiewe gesprekke gevoer met sleutelministeries en die sentrale bank, en dié kwessies bespreek wat internasionale en plaaslike rederye beïnvloed wat in die land sake doen,” sê die woordvoerder.

Iata het aangebied om 'n oplossing te help vind wat Angola se ekonomie sal versterk en lugvervoer na en van die land sal bevorder.



tydsvoorstelle

“Hulle (die Angolese regering en sentrale bank) het Iata gevra om 'n plan met tydsvoorstelle vir die betaling van die geld voor te lê.”

Iata het op sy beurt gevra vir 'n vasgestelde wisselkoers aangesien die waarde van die kwanza (Angola se geldeenheid) so vinnig daal en dit lugrederye se verdiens­te afwater.

Teen druktyd gister het Air Namibia nog nie terugvoer gegee op 'n skriftelike navraag oor hoeveel van die US$500 miljoen aan hom verskuldig is nie.

Soortgelyk

 

Hare waai by skolerugby

1 uur gelede | Plaaslik

“Monré is nie 'n m*ffie nie. Hy is nie 'n ou wat kla oor dit of oor dat nie. Maar hy was só geskok en...

Kerk hou lidmate glo agter slot en grendel

1 uur gelede | Plaaslik

Augetto Graig en Ronelle RademeyerDie Namibiese polisie was tot laat gister nog besig om lidmate te ondervra oor vermeende ongerymdhede by die kerk van die...

Internasionale ruimtestasie kom wéér

1 uur gelede | Wetenskap

Elvira Hattingh Windhoekers wat die daaglikse verskyning sedert Saterdag van die internasionale ruimtestasie bo die stad gemis het, moet môre om 19:36 wéér opkyk,...

Weer vir 21 Augustus 2018

1 uur gelede | Weer

WEERWAAK: Koue toestande word vandag oor die Suide verwag.BINNELAND: Gedeeltelik bewolk en koud tot matig in die Suide, met 'n paar ligte neerslae wat...

Drie verskyn vir Doll-aanval

1 uur gelede | Howe

Henriette Lamprecht – Drie mans wat na bewering verlede week ’n boer wreedaardig in sy plaasopstal aangeval het, bly agter tralies. Mnre. Laurence Aib (25),...

Matriekpartytjie eindig in tragedie

1 uur gelede | Ongelukke

Francoise SteynbergDit is maar die begin van matriekafskeidfunksies lands­wyd en drie Suide-seuns het Saterdag ná 'n partytjie op Keetmans­hoop gesterf.In twee afsonderlike voorvalle is 'n...

Swapo-boek verkoop soos soetkoek

1 uur gelede | Kuns en vermaak

Denver Kisting – Volgens plaaslike boekwinkels kan hulle nie met die pas verskene boek Swapo Captive: A comrade’s experience of betrayal and torture voorbly nie.In...

Polisie ontplooi vir padveiligheid

1 uur gelede | Polisie

Die inspekteur-generaal van die Namibiese polisie, lt.genl. Sebastian Ndeitunga, het as deel van 'n 12 maande lange nasionale padveiligheidsoperasie opdrag gegee dat polisiebeamptes langs die...

'Breek heinings af, beskerm wild'

1 uur gelede | Omgewing

Francoise Steynberg Volgens navorsers van die Groter Sossusvlei-Namib Landskapprojek (GSNL) sou gemsbokke, springbokke en bergsebras oor 'n groter gebied beweeg het as dit nie vir...