ANC kom weer met leë beloftes, sê DA

14 January 2019 | Afrika
Pres. Cyril Ramaphosa se toespraak in Durban by die bekendstelling van die ANC se verkiesingsmanifes, is vol leë beloftes, sê die DA.

Ramaphosa het Saterdag in ’n stampvol Moses Mabhida-stadion in Durban werksgeleenthede, ekonomiese groei, beter infrastruktuur, ’n nasionale gesondheidsplan, beter polisiëring en versnelde grondhervorming aan landsburgers belowe.

Maar die DA sê in ’n verklaring die verkiesingsmanifes bevestig dat die ANC nie verander het nie, dat Ramaphosa nie onmiddellik verandering kan bewerkstellig nie en dat sy beloftes leeg is.

“In ’n tyd dat daar hewige rasseskeiding in ons land is, het die president geen aanduiding gegee oor hoe ons as ’n nasie bymekaar kan kom en een Suid-Afrika vir almal kan bou nie,” lui die verklaring.

Vorige presidente het verskeie kere dieselfde beloftes gemaak, maar dit is nooit nagekom nie.

Die DA het Ramaphosa ook gekap omdat hy volgens die party geen dringendheid gewys het nie. Dít terwyl Suid-Afrika dringende oplossings nodig het.

“Niks wys dit beter as Ramaphosa se leë woorde oor werkskepping nie. Ramaphosa het 275 000 nuwe werksgeleenthede vir vanjaar belowe, maar in sy eerste jaar as president het Suid-Afrika 278 000 werksgeleenthede verloor. Hy het meer werk in sy eerste jaar op kantoor verloor as wat hy nou wil skep.

“Die president het nie gepraat nie oor onregverdige toegang tot werksgeleenthede waar geleenthede gehou word vir dié wat konneksies het,” lui die verklaring.

Die DA het ANC se planne om leerlinge rekenaartaal aan te leer afgelag, onder meer omdat 78% van tienjariges nie eens met begrip kan lees nie.

Rampahosa is ook gekritiseer omdat hy nie sterker teen korrupsie uitgevaar het nie en omdat hy nie oor onlangse kragonderbrekings gepraat het nie.

“Hy (Ramaphosa) kan doodeenvoudig nie die ANC, wat ons land tot op die afgrond van ’n mislukte staat gelei het, verander nie.” - Netwerk24

Soortgelyk

 

Polisie konfiskeer kerk se luidsprekers in Oshakati

10 ure gelede | Plaaslik

Die polisie het luidsprekers wat aan die New Jerusalem Ministry in Oshakati se informele nedersetting Oneshila behoort, vandeesweek ná klagtes van rusverstoring gekonfiskeer.Volgens inspekteur Thomas...

Olifante beskadig optiese kabels naby Khorixas

11 ure gelede | Plaaslik

‘n Trop olifante het inwoners in die Noorde van die land sonder landlyn- en selfoonverbinding gelaat, nadat die optiese kabel tussen Omatjete en Khorixas Donderdagmiddag...

Skietklub lê weer aan

13 ure gelede | Howe

Denver Kisting - Mnr. Norman Tjombe, die regsverteenwoordiger van die Rehoboth-skietklub, het vanoggend (Vrydag) bevestig sake is terug na normaal.Dít kom nadat die Namibiese weermag...

'Boere se veglus verdwyn'

23 ure gelede | Landbou

Ronelle Rademeyer en Elvira Hattingh - Twee bekende boere van die Suide sê die droogte het boere op hul knieë.“Ek was gister by ’n veiling...

Egpaar herontdek skaars plantjie

23 ure gelede | Omgewing

Denver Kisting – ’n Dekaan by die Namibië Universiteit van Wetenskap en Tegnologie (Nust), dr. Rolf Becker, en sy vrou, me. Alma Moller, het verlede...

Kalender 18 Januarie

23 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots Unam se beeldende kunste-uitstalling vir 2018 aan. Dié uitstalling is tans...

'DRK maak staat op ons'

23 ure gelede | Politiek

Inwoners van die Demokratiese Republiek van die Kongo (DRK) maak staat op lande deel van die Suider-Afrikaanse Ontwikkelingsgemeenskap (SADC) om die land weer op die...

Operasie Hornkranz: Meer misdaad aangemeld

23 ure gelede | Misdaad

Augetto Graig Die Namibiese polisie het Woensdag by die Israel Patrick Iyambo-polisiekollege in Olympia terugvoering gegee aan die visepresident, mnr. Nangolo Mbumba, en die...

Weer vir 18 Januarie

23 ure gelede | Weer

BINNELAND: Sonnig en warm tot baie warm in die //Kharasstreek, andersins gedeeltelik bewolk en baie tot bloedig warm met 'n paar tot geïsoleerde donderbuie in...