Amerika se spiere bult in oliemark
Dit lyk of die Organisasie van Petroleumuitvoerlande (Opul) stadig maar seker hul greep op die oliebedryf verloor.
Die groei in olieproduksie in Amerika, Brasilië, Kanada en Noorweë kan tot 2020 meer as genoeg voorsien aan die groei in die internasionale olievraag, volgens die Internasionale Energieagentskap (IEA) se jongste jaarverslag oor die oliemarkte.
Amerika alleen kan oor die volgende drie jaar tot 80% van die styging in die olievraag met sy toename in olieproduksie dek. Kanada, Brasilië en Noorweë sal vir die res van die groei sorg, volgens “Oil 2018”, die IEA se markontleding oor die oliemark vir die volgende vyf jaar.
Die Organisasie van Petroleumuitvoerlande (Opul) verteenwoordig meestal Midde-Oosterse olieproduserende lande, maar ook Nigerië, Angola en Venezuela.
Olieproduksie in Venezuela het die afgelope twee dekades met meer as die helfte geval. Hoewel Irak se produksie toeneem, word dit uitgekanselleer deur die skerp daling in Venezuela, en Opul se ruolieproduksie sal na verwagting teen 2023 met net 750 000 vate per dag styg.
Die IEA waarsku egter meer investering is nodig om olieproduksie ná 2020 te verhoog. Die bedryf het nog nie herstel van die val in investering in 2015 en 2016 nie.
Van 2014 tot 2015 het investering in olie-eksplorasie en -produksie met 25% gedaal van byna US$800 miljard, en die jaar daarna met 26% tot so laag as net meer as US$400 miljard.
Dr. Fatih Birol, uitvoerende direkteur van die IEA, sê Amerika gaan sy stempel oor die volgende vyf jaar op die internasionale oliemarkte afdruk.
Maar groter investering is nodig om te vergoed vir olievelde wat aan die kwyn is.
Die wêreld moet jaarliks 3 miljoen vate olie per dag se ekstra produksie vind om die dalende produksie van uitgeputte olievelde te vervang.
Dit is die ekwivalent van al die olievelde in die Noordsee per jaar, sê Birol.
Die IEA verwag die internasionale olievraag gaan teen 2023 met 6,9 miljoen vate per dag tot 104,7 miljoen vate per dag styg.
Die produksievermoë gaan na verwagting met 6,4 miljoen vate per dag tot 107 miljoen vate per dag in 2023 styg.
Ander lande wie se olieproduksie daal, is Colombia, Indonesië, China, Mexiko en Angola, volgens die IEA se verslag.
Amerika se ontginning van olie en gas uit skalierots verander steeds die dinamika in die oliemark.
China en Indië sal Amerika in 2023 verbysteek as grootste olie-invoerders, want Amerika is danksy die groei in die ontginning van skalie-olie minder van invoer afhanklik. – Netwerk24
Amerika alleen kan oor die volgende drie jaar tot 80% van die styging in die olievraag met sy toename in olieproduksie dek. Kanada, Brasilië en Noorweë sal vir die res van die groei sorg, volgens “Oil 2018”, die IEA se markontleding oor die oliemark vir die volgende vyf jaar.
Die Organisasie van Petroleumuitvoerlande (Opul) verteenwoordig meestal Midde-Oosterse olieproduserende lande, maar ook Nigerië, Angola en Venezuela.
Olieproduksie in Venezuela het die afgelope twee dekades met meer as die helfte geval. Hoewel Irak se produksie toeneem, word dit uitgekanselleer deur die skerp daling in Venezuela, en Opul se ruolieproduksie sal na verwagting teen 2023 met net 750 000 vate per dag styg.
Die IEA waarsku egter meer investering is nodig om olieproduksie ná 2020 te verhoog. Die bedryf het nog nie herstel van die val in investering in 2015 en 2016 nie.
Van 2014 tot 2015 het investering in olie-eksplorasie en -produksie met 25% gedaal van byna US$800 miljard, en die jaar daarna met 26% tot so laag as net meer as US$400 miljard.
Dr. Fatih Birol, uitvoerende direkteur van die IEA, sê Amerika gaan sy stempel oor die volgende vyf jaar op die internasionale oliemarkte afdruk.
Maar groter investering is nodig om te vergoed vir olievelde wat aan die kwyn is.
Die wêreld moet jaarliks 3 miljoen vate olie per dag se ekstra produksie vind om die dalende produksie van uitgeputte olievelde te vervang.
Dit is die ekwivalent van al die olievelde in die Noordsee per jaar, sê Birol.
Die IEA verwag die internasionale olievraag gaan teen 2023 met 6,9 miljoen vate per dag tot 104,7 miljoen vate per dag styg.
Die produksievermoë gaan na verwagting met 6,4 miljoen vate per dag tot 107 miljoen vate per dag in 2023 styg.
Ander lande wie se olieproduksie daal, is Colombia, Indonesië, China, Mexiko en Angola, volgens die IEA se verslag.
Amerika se ontginning van olie en gas uit skalierots verander steeds die dinamika in die oliemark.
China en Indië sal Amerika in 2023 verbysteek as grootste olie-invoerders, want Amerika is danksy die groei in die ontginning van skalie-olie minder van invoer afhanklik. – Netwerk24
Kommentaar
Republikein
Geen kommentaar is op hierdie artikel gelaat nie