Algehele verbod op vang van kabeljou
Die ganse Namibiese kus van die Kunene tot by die Oranje gaan voortaan vir die eerste drie maande van die jaar vir kabeljouvangste gesluit wees. Op oortreders gaan allemintige boetes wag en in ernstige gevalle sal daar nie eens ‘n keuse van ‘n boete wees nie.
Die ingrypende wysiging van die viswet het net ná middernag van krag geword ná ‘n ellelange vergadering deur verteenwoordigers van die ministerie van die omgewing en toerisme en verteenwoordigers van seevisserye en mariene hulpbronne. “As hengelaars dan nie wil hoor nie, moet hulle voel, het die minister van visserye”, mnr. Bernard Esau, gesê toe hy uit sy slaap gewek is om ‘n navraag deur Republikein te beantwoord.
’n Aanduiding van die erns met die wetswysiging is die minimum boete van N$1 417 wat eerste oortreders opgelê gaan word. Op die bedrag is glo geskik nadat ernstige verskille onder die besluitnemers op ‘n stryery afgestuur het. In gevalle van tronkstraf is afslag vir goeie gedrag net een enkele dag.
Esau het vrae oor vollediger besonderhede omseil en die verslaggewer verwys na ‘n kennisgewing wat vandag al in die staatskoerant verskyn.
“Kan ek nie nou maar weer gaan slaap nie?” het Esau gevra.
‘n Senior amptenaar in die skakelafdeling van die ministerie van omgewing en toerisme, mnr. Leo Oliphant, in die omgang ook bekend as Oom Spekkies, was meer spraaksaam oor vandag se verordening. “Verlede jaar op 1 April is in die staatskoerant afgekondig dat die gebied tussen Pelikaanpunt en Sandvishawe van 1 Januarie tot 31 Maart vir kabeljouvangste gesluit gaan word. Dit het gebeur. Daarom kan ons nou op 1 April terugkyk en met ons volgende ingrypende stap kom om die kabeljoubron te beskerm deur vandag die ganse kuslyn van 1 Januarie tot 31 Maart vir kabeljouvangste te sluit. As jy A gesê het, moet jy B sê.”
Alles moet saamgelees word, sê hy. Die konsessies oor die oorde Jakkalsputz, Myl 72 en Myl 108, het verval en is nie hernieu nie. Dit was waar die kabeljouvangers gekampeer het. Sonder kabeljou kan die drie oorde maar teruggegee word aan die see.
“Die kampeerders kan nou in die leë herberge van die kusdorpe opgeneem word of by die huis bly. Gee aan die see wat die see toekom.
Werk die plan soos wat dit vanjaar tusen Pelikaanpunt en Sandvishawe gebeur het, kan die verbod straks aanstaande jaar op 1 April uitgebrei word na ander spesies soos steenbras, galjoen en kolstert. Dis ook nie ’n verbod op alle visse nie. Haaie, babers, skaamhaaie, pylsterte en sandhaaie sal onder die goed wees wat steeds gevang mag word.”
Nota: Hierdie was ons Gekkedaggrap (1 April) vir 2017, meesterlik bekook deur veteraan Des Erasmus. - Dani Booysen, Redakteur
Die ingrypende wysiging van die viswet het net ná middernag van krag geword ná ‘n ellelange vergadering deur verteenwoordigers van die ministerie van die omgewing en toerisme en verteenwoordigers van seevisserye en mariene hulpbronne. “As hengelaars dan nie wil hoor nie, moet hulle voel, het die minister van visserye”, mnr. Bernard Esau, gesê toe hy uit sy slaap gewek is om ‘n navraag deur Republikein te beantwoord.
’n Aanduiding van die erns met die wetswysiging is die minimum boete van N$1 417 wat eerste oortreders opgelê gaan word. Op die bedrag is glo geskik nadat ernstige verskille onder die besluitnemers op ‘n stryery afgestuur het. In gevalle van tronkstraf is afslag vir goeie gedrag net een enkele dag.
Esau het vrae oor vollediger besonderhede omseil en die verslaggewer verwys na ‘n kennisgewing wat vandag al in die staatskoerant verskyn.
“Kan ek nie nou maar weer gaan slaap nie?” het Esau gevra.
‘n Senior amptenaar in die skakelafdeling van die ministerie van omgewing en toerisme, mnr. Leo Oliphant, in die omgang ook bekend as Oom Spekkies, was meer spraaksaam oor vandag se verordening. “Verlede jaar op 1 April is in die staatskoerant afgekondig dat die gebied tussen Pelikaanpunt en Sandvishawe van 1 Januarie tot 31 Maart vir kabeljouvangste gesluit gaan word. Dit het gebeur. Daarom kan ons nou op 1 April terugkyk en met ons volgende ingrypende stap kom om die kabeljoubron te beskerm deur vandag die ganse kuslyn van 1 Januarie tot 31 Maart vir kabeljouvangste te sluit. As jy A gesê het, moet jy B sê.”
Alles moet saamgelees word, sê hy. Die konsessies oor die oorde Jakkalsputz, Myl 72 en Myl 108, het verval en is nie hernieu nie. Dit was waar die kabeljouvangers gekampeer het. Sonder kabeljou kan die drie oorde maar teruggegee word aan die see.
“Die kampeerders kan nou in die leë herberge van die kusdorpe opgeneem word of by die huis bly. Gee aan die see wat die see toekom.
Werk die plan soos wat dit vanjaar tusen Pelikaanpunt en Sandvishawe gebeur het, kan die verbod straks aanstaande jaar op 1 April uitgebrei word na ander spesies soos steenbras, galjoen en kolstert. Dis ook nie ’n verbod op alle visse nie. Haaie, babers, skaamhaaie, pylsterte en sandhaaie sal onder die goed wees wat steeds gevang mag word.”
Nota: Hierdie was ons Gekkedaggrap (1 April) vir 2017, meesterlik bekook deur veteraan Des Erasmus. - Dani Booysen, Redakteur
Kommentaar
Republikein
Geen kommentaar is op hierdie artikel gelaat nie