Alexia veg moedig

Weermag moet pa staan vir skietery

20 March 2017 | Misdaad
Francoise Steynberg - Dit gaan onder omstandighede goed met die driejarige Alexia Keil wat Woensdag in die Bwabwata Nasionale Park na bewering deur weermagsoldate van die teenstropery-eenheid in die kop geskiet is.

Sy is die naweek steeds onder verdowing in die intensiewesorgeenheid van 'n Windhoekse private hospitaal gehou.

Mnr. Peter Keil, haar oupa en 'n bekende vlieënier, het gesê Alexia is in 'n stabiele toestand en sy vorder goed.

“Lexi herken ons almal en praat. Hoewel sy verdowingsmedikasie kry, reageer sy goed. Die swelling weens die bloeding op haar brein raak stadigaan minder, wat spoedig sal toelaat dat prosedures gedoen kan word,” het Peter gesê.

Die familie het hul dank uitgespreek teenoor almal wat hulle ondersteun.

'n Betroubare bron in mediese kringe het gesê dit is eers tydens 'n skandering in 'n Windhoekse private hospitaal dat vasgestel is daar is 'n koeël in Alexia se kop. Dit kan duidelik op X-strale gesien word.

Die koeël het glo by haar agterkop ingegaan, is deur haar brein en het toe teen haar voorskedel teruggespring in haar brein in.

Die ministerie van verdediging het deur sy woordvoerder, maj. Petrus Shilumbu, bevestig dat slegs weermagsoldate van die teenstropery-eenheid betrokke was by die skietvoorval in die park.

“Dit was weermagsoldate wat 'n patrollie in die park uitgevoer het. Daar was geen polisielede betrokke nie,” het Shilumbu aan Republikein gesê.

Die ministerie van verdediging sou Donderdag op navraag van Republikein 'n mediaverklaring uitreik, maar het nie. Donderdagaand het Shilumbu gesê die ministerie van verdediging sal Vrydag 'n mediakonferensie hou, maar dit is ook afgelas.

“Die ministerie van verdediging het besluit om die mediakonferensie af te las, want daar word op die amptelike polisieverslag gewag,” het Shilumbu Vrydagmiddag gesê.

Die minister van die omgewing en toerisme, mnr. Pohamba Shifeta, het ook gesê sy ministerie kan geen kommentaar lewer alvorens 'n amptelike verslag ontvang is nie.

“Die ministerie kan slegs 'n verklaring uitreik nadat 'n amptelike verslag van ons amptenare en die Namibiese polisie ontvang is,” het Shifeta gesê.

Die teenstropery-eenheid in Bwabwata Nasionale Park bestaan uit lede van die ministerie, die Namibiese polisie en die weermag.

Die voorval spruit uit die Keil-gesin wat bestaan uit pa Harald, ma Teresa en sussies Alexia en Caitlyn (twee) wat op 'n wildbesigtigingsrit met hul Toyota Fortuner was.

Volgens Harald het daar skielik 10 tot 15 gewapende mans, geklee in uniform én siviele drag uit die bosse gekom en die voertuig omsingel.

“Hulle het nie geantwoord toe ek hulle vra waarom hulle my stop nie. Hulle kon ook geen identifikasie toon wat

wys dat hulle van die Namibiese weermag is nie,” het Harald

gesê.

“Hulle het ons aggressief beveel om uit die kar te klim en geen verduideliking daarvoor gegee nie. Hulle het begin om die deure van die kar oop te maak. Ek het gevoel my familie word bedreig en dit was nie 'n normale soektog nie. Ek het weggery en hulle het begin skiet.”

Intussen gons dit op sosiale media oor die veiligheid van toeriste in ons parke en “die skietmal-weermag wat moet pa staan vir Alexia se toestand”.

Soortgelyk

 

KYK: WHS 100 jaar, Ludik-broers se roerende lied

2 dae gelede | Mense

Die sangers Stefan Ludik en Hugo Ludik het op Donderdagaand 16 Maart ’n eerste uitvoering gelewer van die lied wat hulle as oudskoliere ter viering...

Walvisbaaise sakevrou sterf naby Langstrand

3 dae gelede | Ongelukke

Otis Finck op Walvisbaai - 'n Gru-ongeluk Donderdagaand tussen Afrodite-strand en Langstrand het die lewe van 'n bekende sakevrou van Walvisbaai geëis.Die 45-jarige me. Connie...

Spoorlyn toegewaai, onbenut

3 dae gelede | Infrastruktuur

Ronelle Rademeyer - Die nuut-opgeknapte spoorlyn tussen Aus en Lüderitz wat verlede jaar teen ’n koste van sowat N$62 miljoen voltooi is, kon nog nie...

Weer, Vrydag 17 Maart 2017

3 dae gelede | Weer

BINNELAND: Gedeeltelik bewolk en warm met enkele reënbuie oor die noordwestelike en westelike dele van die Hardapstreek. Swaar buie word in die verre noordweste van...

Otavi se waardasierol geskrap

3 dae gelede | Regering

Elvira Hattingh Die Otavi-dorpsraad se omstrede voorlopige waardasierol vir eiendomme is gister geskrap nadat landdros Joseph Shikongo bevind het dat die regte prosedures nie gevolg...

Regering 'trek nié Chinese voor'

3 dae gelede | Regering

Estelle de BruynMinisters het vandeesweek in die Nasionale Vergadering (NV) wal gegooi teen beweringe dat die regering hom blind hou vir die manier waarop werkspermitte...

Namibiërs gee kontrakte weg

3 dae gelede | Ministeries

Catherine Sasman Hoewel meer as 80% van alle staatsboukontrakte die afgelope drie jaar aan Namibiese maatskappye toegeken is, word so te sê 100% van die...

Klein begin, groot sosatie

3 dae gelede | Plaaslik

Tanja Bause - Sowat 25 jaar gelede het me. Nora Horn sosaties by haar huis begin maak as ekstra inkomste. Vandag word Ouma Nora se...

Nasionale biddag Sondag

3 dae gelede | Gebeure

Die Raad van Kerke van Namibië gaan Sondag 'n nasionale biddag aanbied.Almal word uitgenooi om Sondag 19 Maart om 16:00 by die Gateway-konferensiesentrum in Khomasdal...