Albie Morkel gee die Eagles-kolwers leiding

Krieket

10 January 2019 | Sport
Andrew Poolman - Die aanstelling van Albie Morkel as 'n swaargewig konsultant vir kolfwerk behoort 'n sterk inspuiting vir die Namibiese nasionale krieketspan te wees.

Krieket Namibië het Morkel se aanstelling as 'n spesialiskonsultant vir kolfwerk, effektief vanaf Januarie, gister bekend gemaak – op dieselfde dag dat Morkel op 37-jarige leeftyd sy amptelike uittrede as speler aangekondig het.

Morkel het min bekendstelling in die krieketwêreld nodig, ná 'n lang en suksesvolle loopbaan as veelsydige speler vir Suid-Afrika.

As linkshandige kolwer kon hy op sy beste verwoesting onder enige boulaanval saai, terwyl hy ook met sy regterarm mediumboulwerk waardevolle deurbrake kon maak.

Vir die Proteas het Morkel in 58 eendagwedstryde gespeel (2004 tot 2012), vyftig keer in T20-wedstryde (2005 tot 2015) asook 'n enkele vyfdagtoets in 2009.

Benewens sy internasionale loopbaan het hy 'n verdere 318 wedstryde in T20-ligas wêreldwyd gespeel en is dus een van die mees ervare en gesogte spelers ter wêreld in die kortste formaat.

Hy was onder meer in die Chennai Super Kings se kampioenspan in die Indiese Premierliga.

Sy loopbaan het 'n gesamentlike 13 770 lopies en 742 paaltjies in die verskillende formate van die spel opgelewer. Morkel het sy kant gebring vir beroepspanne soos Oostelikes, die Titans, Chennai Super Kings, Royal Challengers Bangalore, Delhi Daredevils, Rising Pune Supergiants en Durban Heat.

In Engeland het hy vir Durham, Somerset en Derbyshire gespeel.



'VOORTDURENDE ONTWIKKELING'

Peter Forster, die uitvoerende hoof van Krieket Namibië, sê die krieketgemeenskap in die land verwelkom Morkel met ope arms.

“Dié stap is deel van Krieket Namibië se strategiese plan om die prestasie van ons nasionale spanne op die wêreldverhoog optimaal te verbeter.

“Die komende kwalifiserende toernooi in April, die Internasionale Krieketraad se Afdeling 2-toernooi, is nou ons eerste prioriteit.

“Terselfdertyd is ons voortdurende ontwikkeling op alle vlakke ewe belangrik in ons strewe om ons plek op die wêreldranglys te verbeter en meer blootstelling vir elke aspek van Namibiese krieket te verseker.

“Ons is opgewonde dat 'n oudspeler met Albie se gehalte en ondervinding ons op hierdie reis sal bystaan.

“In samewerking met ons nuwe nasionale afrigter, Pierre de Bruyn, glo Krieket Namibië dat ons 'n uitstekende afrigterspan bymekaar gesit het wat verbind is tot die verbetering van alle vlakke van die plaaslike spel.”

Albie Morkel het in die nuusverklaring gesê: “Ek is dankbaar teenoor Krieket Namibië vir hierdie geleentheid. Krieket het deur die jare vir my so baie gegee en vir die kans om nou ondervinding as 'n afrigter op te bou, het ek groot waardering.

“Ek kan nie wag om te begin om waarde tot die Namibiese span by te voeg en om saam met Pierre en die afrigterspan die spelers te ontwikkel nie. Daar is baie op die spel en dit sal wonderlik wees om te sien dat Krieket Namibië sy volle potensiaal bereik.

Pierre de Bruyn, 'n voormalige spanmaat van Morkel by die Titans, is aan die einde van verlede jaar as afrigter van die Namibiese Eagles aangestel.

De Bruyn sê: “As deel van die visie van die hoëprestasieprogram is ek verheug om Albie aan boord te hê. Sy loopbaan spreek vanself en as 'n suksesvolle kaptein van die Titans oor die jare is sal sy kennis en leierskap 'n waardevolle brons tot die spelers se beskikking wees.”

Jacques Faul, uitvoerende hoof van die Titans, beskryf Morkel as een van die mees geliefde krieketspelers in Suid-Afrika.

“Hy het hom bewys as 'n ongelooflike sterk leier en was 'n puik kaptein vir ons, al het talle krieketlui nie gedink hy sou uitstaan as kaptein nie.

“Rob (Walter, eertydse Titans-afrigter) het die kans gewaag om Albie die kaptein in witbal-krieket te maak en ons het onder hom ongekende sukses behaal en verskeie trofeë gewen.

“Hy het baie mense verkeerd bewys met sy leierskap. Albie is beslis een van die beste veelsydige spelers wat Suid-Afrika oor die laaste meer as 'n dekade gehad het,” sê Faul.

Soortgelyk

 

Lira op Warehouse-verhoog

1 uur gelede | Kuns en vermaak

Die bekende Suid-Afrikaanse sangsensasie, model, aktivis, entrepreneur en skrywer Lira tree eerskomende Woensdagaand 14 Maart om 20:00 by die Warehouse-teater op. Lira het veral vir...

Ses sterf in grubotsing

18 ure gelede | Ongelukke

Ses mense is in ’n kop-teen-kop-botsing vanoggend tussen Okahandja en Windhoek dood. Een van die voertuie het ná die botsing aan die brand geslaan. Na...

SDFN houses at Kalkfeld nearing completion

18 ure gelede | Infrastruktuur

KALKFELD – The construction of 18 houses by the Shack Dwellers Federation of Namibia (SDFN) is nearing completion at the Kalkfeld settlement in the Otjozondjupa...

Manlike pasiënt 'twee keer' besny

18 ure gelede | Ministeries

Henriette Lamprecht Die ministerie van finansies het 'n forensiese ondersoek na die eispatrone van verskaffers van gesondheidsdienste van stapel gestuur om moontlike bedrog by die...

Kaptein wou terugdraai voor 157 sterf

18 ure gelede | Ongelukke

Ronelle Rademeyer Die kaptein van Ethiopian Airlines se vlug ET302 het toestemming gehad om die vliegtuig terug te draai na die Internasionale Lughawe Bole by...

Só vaar die Verkrygingsraad

18 ure gelede | Ministeries

Augetto Graig Struikelblokke kan in geleenthede omskep word. Só sê me. Lischen Ramakhutla, die Sentrale Verkrygingsraad van Namibië (CPBN) se administratiewe hoof.Sy en mnr. Patrick...

Weer vir 11 Maart 2019

18 ure gelede | Weer

BINNELAND: Gedeeltelik bewolk en warm tot baie warm in die Noorde, Noordooste, Ooste en sentrale hoogland met geïsoleerde donderbuie op plekke. Elders sal dit...

Ou beursbeleid finansier 'enige' student

18 ure gelede | Onderwys

Henriette Lamprecht - “As jy van die begin af nie gehad het wat nodig is nie, gaan jy dit ook nie aan die einde...

Stem nou vir jou gunstelingpaartjie!

18 ure gelede | Gebeure

D'Arlin en Leigh-Ann Benade is een van die top-30-paartjies in Republikein se Bruidspaar van die Jaar-kompetisie. Een gelukkige leser, wat aan ons SMS-kompetisie deelneem, kan...