Al 78 kinders uit Kameroen vrygelaat

Geweld neem in 2018 toe

08 November 2018 | Internasionaal
Al 78 kinders en ’n drywer wat Maandag in die suidweste van Kameroen ontvoer is, is Woensdag vrygelaat. Die skoolhoof en ’n onderwyser word egter steeds deur gewapende mans aangehou.

So sê Hoogeerwaarde Fonki Samuel Forba van die Presbiteriaanse kerk in Kameroen, waarmee die skool geaffilieer is en wat met die ontvoerders onderhandel.

“Prys God dat 78 kinders en die bestuurder vrygelaat is. Die skoolhoof en ’n onderwyser is steeds by die ontvoerders. Kom ons hou aan bid,” het Forba gesê.

Hy het vroeër gesê 79 kinders is ontvoer, maar een was eintlik die onderwyser wat steeds by die ontvoerders is.

Dit kom nadat gewapende aanvallers Maandag toegeslaan het op ’n skool in die stad Bamenda, geleë in ’n Engelssprekende streek waar separatiste vir ’n onafhanklike staat veg.

Een van die aanvanklike griewe was dat Franssprekende onderwysers aangewys is vir Engelse skole in die noordweste en suidweste.

Geweld het in 2018 toegeneem, insluitend waar die weermag ingegryp het en burgerlikes doodgemaak is. Talle mense het uit Bamenda en ander dele gevlug na vreedsamer Franssprekende streke.

AMBAZONIA

’n Video waarin sommige van die ontvoerde seuns verskyn, het Dinsdag op sosiale media versprei. Netwerk24 het vroeër berig die seuns sê in die video hulle is deur die Amba Boys ontvoer.

Die BBC berig Amba is kort vir Ambazonia, die naam van die nuwe land waarvoor die separatiste veg.

Die skool waar die kinders ontvoer is, is ’n Presbiteriaanse skool met leerlinge van tussen tien en 14 jaar oud. Die New York Times berig ’n werknemer by die skool het vermoedelik met die ontvoering gehelp.

Die separatistiese beweging het in 2017 stoom opgetel nadat die regering op vreedsame betogings toegeslaan het, aldus Reuters.

Separatiste in die land, wat veg vir ’n onafhanklike staat, Ambazonia, het nie ’n losprys vir die kinders geëis nie, maar geëis dat dié skole gesluit word.

Dit is glo omdat Franssprekende onderwysers aangewys is vir Engelse skole in die noordweste en suidweste. – Netwerk24/Reuters

Soortgelyk

 

Trane loop oor lusern vir droë Vredeshoop

22 ure gelede | Landbou

Ronelle Rademeyer - Toe me. Bella Marais se hart wou breek vir haar ouers, vasgevang in die knelgreep van die droogte op hul plaas Vredeshoop,...

Gewone Zimbabwiërs krepeer

22 ure gelede | Regering

Denver Kisting – Die hernieude politieke en ekonomiese ellende in Zimbabwe laat die deursneeburger opnuut aan die agterspeen suig.’n Zimbabwiese vrou, wat in Windhoek as...

Woestynleeus oorleef op mariene dieet

22 ure gelede | Omgewing

Francoise Steynberg - Dit het vir die woestynaangepaste leeus in die Skedelkus Nasionale Park 15 jaar gevat om die ryk mariene dieet van hul voorouers...

Weer vir 23 Januarie 2019

22 ure gelede | Weer

BINNELAND: Sonnig en bloedig warm in die //Kharasstreek. Elders sal dit gedeeltelik bewolk en baie warm tot bloedig warm wees met enkele donderbuie in...

Feestyd-reëns stel teleur

22 ure gelede | Weer

Mariselle Stofberg - Volgens die jongste amptelike reënvalverslag van die ­Namibiese weerkantoor het die ­onderdrukte reënval oor groot dele van die land aanleiding gegee...

Mostert sien rooi

22 ure gelede | Howe

Denver Kisting – Mnr. Walter (Rooies) Mostert, ’n oudlanddros en bekende in rugbykringe, het gister sy humeur verloor toe hy om kommentaar genader is oor...

Nauyoma ’n ‘politieke vlugteling’

22 ure gelede | Howe

Jemima Beukes - Die aktivis verbonde aan die Regstellende Herposisioneringsbeweging (AR), mnr. Dimbulu­keni Nauyoma, wat Vrydag met die Windhoekse stadspolisie in ­Okuryangava slaags geraak het...

Staatsbegrafnis vir Nambundunga

22 ure gelede | Mense

Die voormalige hoof van die weermag, genl.maj. (afgetree) Peter Nambundunga, sal Saterdag tydens ‘n staatsbegrafnis op Omugulugombashe in die Omusatistreek ter ruste gelê word.Pres. Hage...

Ronaldo up on tax fraud charges

22 ure gelede | Misdaad

Cristiano Ronaldo has arrived in court and is expected to plead guilty to tax fraud. The Juventus forward, who is facing charges stemming from...