Aksieplan vir sentrale rivierkomgebied

Van groot ekonomiese belang

05 February 2021 | Omgewing
Elvira Hattingh

'n Geïntegreerde waterhulpbronbestuursplan vir die Swakop Bo-Omatako-rivierkomgebied is Woensdag bekend gestel. Die strewe is om watersekuriteit, goeie -rentmeesterskap en –veerkragtigheid oor die volgende tien jaar in die gebied te bewerkstellig.

Die Swakop Bo-Omatako-rivierkomgebied verwys na die wateropvangsgebied van hoofsaaklik die Swakop- en Omatakorivier, wat een van 12 rivierkomgebiede in die land is en in sentrale Namibië geleë is.

Me. Maria Amakali, die ministerie van landbou, water en grondhervorming se direkteur van waterbestuur en die waarnemende adjunk- uitvoerende direkteur in die afdeling vir waterwese, het gesê dié rivierkomgebied is noodsaaklik “weens die ekonomiese belangrikheid van die sentrale gebied, terwyl dringende kwessies soos watersekuriteit en 'n groeiende bevolking ook faktore is wat die gebied beïnvloed.

SELFS BESPARINGS NIE GENOEG

“Dié plan is noodsaaklik om die volhoubare bestuur van die gebied se waterbronne te verseker,” het sy gesê.

Tydens die geleentheid is gewys hoe veral die hoofstad se vraag na water oor dekades heen toegeneem het, met meer klem op waterbesparing – veral sedert die vraag die verskaffingstelsel se kapasiteit in 2013 verbygesteek het.

Intussen het waterbesparings en bykomende bronne 'n reuseverskil gemaak, maar selfs hiermee sal die vraag die kapasiteit teen 2029 wéér oorskry.

Amakali sê sedert 2010 het die ministerie die ontwikkeling van planne vir verskeie rivierkomgebiede gefasiliteer en gekoördineer. Hierdie plan is die sesde en nuutste een.

Amakali sê prioriteite en kwessies in die rivierkomgebied is deur 'n breedvoerige konsultasieproses geïdentifiseer. Die doel van die plan is om seker te maak die prioriteite en kwessies word deur die onderskeie rolspelers getakel.

“Die ministerie is dankbaar vir die bestuursplan wat strategiese ingrypings voorstel oor hoe dié sentrale rivierkomgebied verbeter kan word,” het Amakali gesê.

- [email protected]

Soortgelyk

 

Vrou geholpe, man se operasie 'n sukses

41 minute gelede | Gesondheid

Die vrou wat in 'n parkeerterrein by die Katutura-hospitaal in haar motor gebly het om naby haar man te wees wat weke vir 'n heupoperasie...

80 nuwe gevalle, twee sterftes

2 ure gelede | Gesondheid

Twee Covid-19-verwante sterftes is vandag aangekondig, waarvan een in Walvisbaai en een in Outapi. Dit bring die totaal op 413 te staan bring. Tagtig nuwe...

Okavango-alliansie vra vir moratorium op oliesoektog

3 ure gelede | Omgewing

'n Alliansie van plaaslike en internasionale burgerlike organisasies en aktiviste, Save Okavango's Unique Life (Soul), wil hê 'n moratorium moet geplaas word op ReconAfrica se...

Namibië se Ontplooiings- en Immuniseringsplan "onder die beste...

6 ure gelede | Gesondheid

Namibië se Ontplooiings- en Immuniseringsplan teen Covid-19 is deur die Wêreldgesondheidsorganisasie (WHO) as "een van die beste in die wêreld" beskryf. Volgens die minister van...

N$583 miljoen vir Namibië se Covid-19 Ontplooiings- en Immuniseringsplan...

6 ure gelede | Gesondheid

Die totale voorgestelde begroting vir Namibië se Ontplooiings- en Immuniseringsplan vir Covid-19-entstowwe is N$583 miljoen waarvan N$484,8 miljoen vir die aankoop van die entstowwe is....

Covid-19-regulasies geld tot 31 Maart

6 ure gelede | Gesondheid

Pres. Hage Geingob het pas by Staatshuis aangekondig die huidige Covid-19-maatreëls geld vir die volgende 36 dae vanaf middernag tot 31 Maart (Onafhanklikheidsdag op 21...

Metro spoils its customers

9 ure gelede | Plaaslik

Metro Namibia celebrated its birthday in style once again by spoiling five lucky customers each to a trailer of their own, stocked with N$5,000-00 worth...

Knopvelsiekte breek in Omaheke uit

17 ure gelede | Landbou

Knopvelsiekte het by Eiseb in die Omahekestreek uitgebreek en die beweging van beeste in dié gebied is tot verdere kennisgewing opgeskort.Dr. Albertina Shilongo, hoof-veeartsenybeampte in...

Vrou woon in haar motor by hospitaal

17 ure gelede | Mense

Henriette Lamprecht – 'n Bejaarde vrou van die kus woon die afgelope week in haar motor in die parkeerterrein van 'n staatshospitaal in Windhoek om...