Aksie in NPL hervat in alle erns

Sokker

10 January 2019 | Sport
Die MTC Namibiese Premierliga (NPL) hervat met 'n druk periode ná die onderbreking oor die vakansiedae, met wedstryde in Windhoek, Otjiwarongo en die kus.

Citizens kom vanaand om agtuur teen Tigers in die Sam Nujoma-stadion in Katutura te staan.

Môre om 20:00 op dieselfde veld stap Tura Magic op die veld teen Okahandja United, wat in 'n stryd gewikkel is om relegasie af te weer.

Nog 'n Vrydagaand-wedstryd om 19:00 wag in die Mokati-stadion op Otjiwarongo, waar die puik presterende tuisspan Mighty Gunners vir Life Fighters inwag.

Sondag om 15:00 in die Sam Nujoma-stadion kry Black Africa te doen met Young Brazilians wat reeds verskeie hardnekkige vertonings gelewer het. Dit word gevolg deur Orlando Pirates teen Eleven Arrows om 17:00.

Maandagaand om agtuur word in die Sam Nujoma-stadion kragte gemeet tussen die Universiteit van Namibië (Unam) en Civics.

Die volgende aand ontmoet Orlando Pirates en Okahandja mekaar om 20:00 in Katutura.

Woensdag is die kusderby in die Kuisebmond-stadion tussen Eleven Arrows en sy buurklub Blue Waters die grote wat om 20:00 afskop.

Black Africa is tans die voorloper met 16 punte ná sewe wedstryde, gevolg deur Mighty Gunners met 16 punte ná sewe wedstryde.

Citizens (derde), Young Brazilians (vierde) en Life Fighters (vyfde) is almal op 11 punte ná sewe wedstryde en word deur doelver­skil geskei.

Die verdedigende kampioen, African Stars, is maar net in die 12de posisie met ses punte, hoewel hy nog net vier wedstryde gespeel het vanweë sy verpligtinge in Afrika-kompetisies.

Die drie spanne tans in die relegasie-posisies is Okahandja United (14de met 4), Orlando Pirates (15de met 4) en Civics aan die onderpunt met drie punte ná ses wedstryde.



GEEN PANIEK BY PIRATES

Orlando Pirates sal Sondag teen die besoekende Eleven Arrows wen en drie ligapunte byvoeg, voorspel die Windhoekers se nuwe hoofafrigter, Lucky Kakuva.

Kakuva het aan die nuusagentskap Nampa gesê dié punte is noodsaaklik om hul NPL-veldtog terug op koers te bring.

Orlando Pirates bevind hom in die relegasiesone (15de uit 16 spanne) en die klub se paaie het in middel-Desember van sy vorige hoofafrigter Eric Muinjo asook sy assistent en doelwagter-afrigter Heribert Kapeng geskei.

Kakuva word voortaan bygestaan deur Geoffrey Roman, terwyl Michael Pienaar, gewese kaptein van die Brave Warriors, as spanbestuurder aanbly.

Met sy aanstelling het Kakuva gesê die Pirates-groep kom selfvertroue kort en 'n nuwe ingesteldheid is nodig.

“Die spelers het moed verloor vanweë hul vertonings en die swak posisie waarin hulle hul bevind.

“Ons missie is dus eenvoudig, om nege punte in ons volgende drie wedstryde in te samel en die spelers se selfvertroue te herstel. Dié proses moet teen Eleven Arrows begin.”

Daar is nie nodigheid om 'n paniekknoppie te druk nie, want daar is nog geleentheid oor om die seisoen te red.

“Ons ondersteuners lewer 'n kritieke bydrae om agter die span te staan wat dinge op die veld moet omdraai. Met hulle steun kan Pirates weer soos in die goeie ou dae presteer,” meen Kakuva.

Versterkings in sy spelersgroep is nodig, het hy uitgewys, maar hy wou nie uitwei in watter posisies nie.

“Ons het reeds na spelers voelers uitgereik, maar ons weet dis nie altyd maklik om spelers in die vensterperiode te bekom nie.”

• Nog 'n sukkelende klub, Okahandja United, se afrigter Woody Jacobs sê sy manne is gereed vir wat Vrydagaand teen Tura Magic voorlê.

“Ons het eintlik maar min aftyd gehad, want ons was betrokke in die Kersfeesbekertoernooi op Swakopmund, waar ons 'n paar spelers aan die buiterand van die groep speelkans gegee het.

“Drie dae ná Kersfees was ons terug op die oefenveld.”

Jacobs reken die ligawed­stryde wat sover verloor is, kan grootliks aan hul eie foute toegeskryf word.

“Maar ons het dinge reggestel en ons kan nie wag om weer te speel nie.”

Okahandja United is nog 'n span aan die groei en Jacobs is vasbeslote om deur te druk en relegasie af te weer.

“Ons het 'n paar sleutelspelers terug ná beserings en ons wil teen Tura Magic wen. Uiteraard was Tura sover baie bestendig en is die gunstelinge, maar ons is positief om 'n goeie uitslag te behaal.” - Nampa

Soortgelyk

 

SDFN houses at Kalkfeld nearing completion

10 ure gelede | Infrastruktuur

KALKFELD – The construction of 18 houses by the Shack Dwellers Federation of Namibia (SDFN) is nearing completion at the Kalkfeld settlement in the Otjozondjupa...

Manlike pasiënt 'twee keer' besny

10 ure gelede | Ministeries

Henriette Lamprecht Die ministerie van finansies het 'n forensiese ondersoek na die eispatrone van verskaffers van gesondheidsdienste van stapel gestuur om moontlike bedrog by die...

Só vaar die Verkrygingsraad

10 ure gelede | Ministeries

Augetto Graig Struikelblokke kan in geleenthede omskep word. Só sê me. Lischen Ramakhutla, die Sentrale Verkrygingsraad van Namibië (CPBN) se administratiewe hoof.Sy en mnr. Patrick...

Weer vir 11 Maart 2019

10 ure gelede | Weer

BINNELAND: Gedeeltelik bewolk en warm tot baie warm in die Noorde, Noordooste, Ooste en sentrale hoogland met geïsoleerde donderbuie op plekke. Elders sal dit...

Ou beursbeleid finansier 'enige' student

10 ure gelede | Onderwys

Henriette Lamprecht - “As jy van die begin af nie gehad het wat nodig is nie, gaan jy dit ook nie aan die einde...

Stem nou vir jou gunstelingpaartjie!

10 ure gelede | Gebeure

D'Arlin en Leigh-Ann Benade is een van die top-30-paartjies in Republikein se Bruidspaar van die Jaar-kompetisie. Een gelukkige leser, wat aan ons SMS-kompetisie deelneem, kan...

Namibiër ’n top-uitvinder

10 ure gelede | Gesondheid

Henriette Lamprecht – ‘n Namibiër is een van 30 finaliste uit 2 400 inskrywings in die Wêreldgesondheidsorganisasie (WHO) se eerste uitdaging vir vernuwing op die...

Só is SME Bank geplunder

10 ure gelede | Howe

font face="Verdana" > Catherine Sasman - Die SME Bank-saak lees soos 'n stap-vir-stap gids vir 'n bankroof. Só het adv. Raymond Heathcote, wat namens die...

Aansporing, opvoeding en steun vir kleuters

10 ure gelede | Plaaslik

Tanja Bause - Vir die afgelope 14 jaar ondersteun die liefdadigheidsorganisasie Step out of Poverty through Encouragement, Education and Support (S.P.E.S.) al minderbevoorregte kinders...