Air Namibia verloor nóg N$2 miljoen

12 February 2019 | Vervoer
Ogone Tlhage - Die Belgiese lugvaartmaatskappy Challenge Air SA het verlede week 'n bykomende N$2,1 miljoen uit Air Namibia se Europese bankrekening onttrek.

Aanvanklik kon dit meer as N$10 miljoen onttrek, volgens dokumente wat Namibia Media Holdings (NMH) gesien het.

Challenge Air SA se plaaslike verteenwoordiger, mnr. Wilhelm Shali, het gesê Air Namibia kan nog geld uit sy Duitse bankrekeninge verloor totdat dit 'n hofuitspraak eerbiedig wat in Duitsland gelewer is.

“Ons wil nie oor die saak praat nie; ons wil oor die uitspraak praat en het die volle mandaat om Challenge Air te verteenwoordig,” het Shali gesê.

Volgens hom het Challenge Air daarin geslaag om Air Namibia se bankrekeninge te bevries en dit onmoontlik vir die Namibiese lugredery te maak om ander bankrekeninge te open.

“Challenge Air gaan weer geld vat totdat Air Namibia aan boord kom. Die rekeninge is bevries totdat die €25 miljoen teruggekry is,” het Shali gesê.

"Daar sal geen Duitse rekeninge wees totdat gehoor aan die uitspraak gegee is nie," het hy bygevoeg.

Die ander moontlikheid wat Shali geopper het, is dat Air Namibia se vliegtuie gekonfiskeer kan word wat na Frankfurt en Duitsland vlieg.

“Die vliegtuie kan vandag geskut word. As hulle nie met ons onderhandel nie, sal ons dit doen. Die regsverteenwoordigers pas die wette in Europa en nie in Namibië toe nie,” het Shali gesê.

“Of hulle ons erken of nie; ons het geen probleem nie,” het Shali bygevoeg.

Volgens hom is Air Namibia genoeg tyd gegun om Challenge Air met 'n oplossing te nader.

“Ons het vir drie weke vir hulle gewag en hulle het nie gereageer nie. Ons kan steeds die bankrekeninge oopmaak, maar hulle moet ons nader vir onderhandelings,” het Shali beklemtoon.

Shali het gesê hy moes ingryp om te verseker dat die vliegtuie nie geskut word nie.

Mnr. Anicet Baum, Challenge Air SA se Belgiese regsverteenwoordiger, het gesê dit was onnodig van die respondente, Air Namibia en TransNamib, om betrokke te raak in skikkingsvoorstelle, maar te kies met wie hulle wil onderhandel.

“Die uitspraak deur die appèlhof van München is steeds van krag, ondanks die verrigtinge in die hoërhof van Namibië

“As Air Namibia en TransNamib die appèlhof van München wil omseil, tree hulle nie in die belang van hul aandeelhouer op nie,” het hy bygevoeg.

Air Namibia se optrede was onverantwoordelik, meen Baum.

“Dit is heeltemal onverantwoordelik om 'n geldige hofuitspraak te probeer omseil, wat hulle versuim het om óf teen te appèlleer óf 'n hersieningsaansoek by die federale hof in Karlsruhe, Duitsland, in te dien," het Baum gesê.

Die feit dat Challenge Air SA geld uit Air Namibia se Duitse bankrekening kon onttrek, is bewys dat die uitspraak gewig dra, meen Baum.

“Dit is 'n feit dat die München-uitspraak tans teen die respondente uitgevoer word," het Baum gesê.

"Eerlikwaar, ek dink nie hulle erken die gewig van die uitspraak van die München-appèlhof nie. Dit is baie, baie ongelukkig," het Baum gesê.

Air Namibia sê hy sal nie met Shali oor die N$400 miljoen onderhandel wat hulle aan die gelikwideerde Belgiese lugvaartmaatskappy moet betaal nie.

Die volg ná 'n uitspraak op 12 Januarie 2015 deur die likwidateur in die Challenge Air-saak, mnr. Anicet Baum, teen Air Namibia en TransNamib wat destyds die moedermaatskappy van die lugredery was.

Die streeksappèlhof van München het beslis dat Air Namibia verskeie betalings maak aan Challenge Air vir wie hy geld skuld. Teen die huidige wisselkoers is dit 'n totaal van sowat N$360 miljoen plus 'n bygevoegde daaglikse betaling van US$1 335 vir onbetaalde onderhoud.

Die tydperk van hierdie uitstaande geld is onbekend. Die hof het egter bygevoeg die bedrag in dispuut was omstreeks 25 miljoen euro, bykans N$400 miljoen.

Air Namibia het 30 dae gehad om te appèlleer, maar het nie.

Die beslaglegging op Air Namibia se bates spruit uit hierdie uitspraak. Die nasionale lugredery het 'n huurkontrak vir 'n Boeing 767 met Challenge Air in 1998 onderteken.

Air Namibia se woordvoerder, mnr. Paulus Nakawa, het beklemtoon dit erken nie vir Shali as Challenge Air SA se plaaslike verteenwoordiger nie.

"Die feit dat plaaslike verteenwoordigers gemagtig is om Challenge Air in hierdie saak te verteenwoordig soos wat aan Air Namibia gekommunikeer is, is onvoldoende. Net 'n beampte wat deur die hof aangestel is, kan 'n maatskappy in likwidasie verteenwoordig in beide Europa en Namibië. Vir hierdie doeleindes kan net Anicet Baum erken word om met Air Namibia te onderhandel,' het Nakawa gesê.

"Enige beweerde aanstellingvan 'n verteenwoordiger in Namibië kan slegs geldig wees as dit ingevolge Namibiese wet erken word. Die probleem wat die likwidateur in die gesig staar om in Namibië erken te word, is die plaaslike verteenwoordigers wat glo vir hierdie doel aangewys is."

Volgens Nakawa het Challenge Air by wyse van Shali die hoërhof van Namibië genader.

Shali wil in sy kapasiteit as likwidateur erken word om teen Air Namibia in Namibië op te tree. Air Namibia het hierdie aansoek weens 'n aantal gronde teengestaan.

“Die saak is op 3 Desember 2018 in die hoërhof van Namibië aangehoor en uitspraak is voorbehou vir 18 Julie 2019,” het Nakawa gesê.

Hy het gesê indien Air Namibia vir Shali erken, sal dit alle regspunte nietig verklaar.

Nakawa het gesê Air Namibia is bewus daarvan dat dit geld verloor weens die Frankfurt-vlugte.

“Air Namibia weet dat die lugredery geld verloor weens die voortgaande proses. Onderhandelinge, beide plaaslik met die aandeelhouer en internasionaal, duur voort om die gevolge van hierdie ongelukkige situasie te versag," het hy gesê.

Die regering het Air Namibia opdrag gegee saam met Challenge Air SA om 'n oplossing te vind sodat beslag nie op sy bates gelê word nie.

Soortgelyk

 

Sesde vermeende renosterstroper vrygelaat

3 ure gelede | Howe

Die sesde beskuldigde in 'n renosterstroperysaak is vandag borgtog van N$6 000 in die landdroshof op Outjo toegestaan. Mnr. Rukeeveni Nguronda (34) en sy vyf...

Ter plaatse ondersoek na hout-oeste

3 ure gelede | Omgewing

Die parlementêre portefeuljekomitee belas met natuurlike hulpbronne het gister besoek aan drie Chinese houtdepots in die Kavango-Oosstreek by Kapupahidi, Taratara en Kawe afgelê. Dít glo...

Windhoek klop waterteikens

19 ure gelede | Plaaslik

Elvira Hattingh - Inwoners van die hoofstad neem waterbesparings uiteindelik ernstig op en het die afgelope week weer 4% bespaar. Volgens me. Lydia Amutenya,...

Kalahariwoestyn keer terug

19 ure gelede | Polisie

Denver Kisting – In ’n poging om soortgelyke tragedies te verhoed soos die een waarin ’n Zimbabwiese taxibestuurder gesterf het, gaan alle beamptes wat aan...

Weer, Woensdag 7 Augustus 2019

19 ure gelede | Weer

BINNELAND: Gedeeltelik bewolk en matig in //Kharas, maar warm tot baie warm in die Noorde. Elders sal dit sonnig en warm wees.KUS: Gedeeltelik bewolk en...

Tweejarige sterf in ongeluk

19 ure gelede | Ongelukke

’n Tweejarige meisie, Andrea Pawa Jason, het Saterdagoggend in ’n ongeluk sowat 2 km buite Usakos gesterf.Volgens die Namibiese polisie se misdaadverslag het die ongeluk...

Nudo, UPM voeg stem by antikuberkraakkoor

19 ure gelede | Politiek

Denver KistingDie president van die National Unity Democratic Organisation (Nudo), me. Esther Muinjangue, sê hulle is nie onder die huidige omstandighede beskikbaar vir die kuberkraaktoets...

renosters by Onguma onthoring

19 ure gelede | In beeld

Om stropery te voorkom het die Onguma-wildreservaat naby die Etosha Nasionale Park onlangs al hul renosters ontho­ring. Volgens die reservaatbestuurder, mnr. Jonathan Strijbis, was die...

Jong beesbeoordelaars beïndruk

19 ure gelede | Gebeure

Elvira HattinghBank Windhoek en Feedmaster span tans saam om 'n nasionale beesbeoordelaarskompetisie en -kursus vir Namibiese jongmense aan te bied.Tot dusver het die organiseerders deelnemers...