Air Namibia ontken skorsings is vermorsing

‘Jaar van aanspreeklikheid’

30 July 2019 | Vervoer
Catherine Sasman – Die nasionale lugredery ontken gerugte van die “wilde skorsing” van eerste offisiere (FO’s) en kajuitbemanningslede.

Dié werknemers word glo dikwels vir lang tydperke weens mindere oortredings of valse klagtes huis toe gestuur.

Volgens anonieme bronne word die menslike hulpbronnebestuurbeleid en die onderneming se riglyne roekeloos gesystap deur “onbekwame” en “omkoopbare” departementshoofde.

Hulle beweer geen van die geskorstes het skorsingsbriewe ontvang of moes aan ’n dissiplinêre proses deelneem nie.

Tog ontvang die geskorstes glo hul volle vergoedingspakket vir die duur van hul skorsing.

Die bronne beweer die skorsingstydperk duur dikwels ’n jaar of langer, met sommige geskorstes wat al byna drie jaar “by die huis lê”.

“Dis ’n totale vermorsing van die onderneming se geld – ’n onderneming wat reeds sukkel om kop bo water te hou,” het ’n bron gesê.

Hulle beweer ook sekere eerste offisiere is geskors omdat hulle “onopleibaar” is.

Dit ná hulle glo nie die paal gehaal het na afloop van hul opleiding nie.

Die Namibiese Kajuitbemanningsvakbond (NCCU) is na wat verneem word tans in gesprek met Air Namibia se raad oor die skorsings.

Volgens van die bronne kan die NCCU selfs ’n massageding weens die “twyfelagtige skorsings” aanhangig maak.

NCCU-beamptes wou nie kommentaar hierop lewer nie.

Air Namibia reageer

Mnr. Paul Nakawa, Air Namibia se woordvoerder, het gesê een eerste offisier is tans geskors, maar hy kan nie die redes daarvoor bekend maak nie.

Volgens hom is ses bemanningslede tans weens “verskeie oortredings” geskors.

Nakawa sê twee van dié ses is nie op hul pos nie weens mediese ondersoeke wat sedert 17 Julie geld.

Hy sê almal wat geskors is, was onderhewig aan ’n dissiplinêre proses en dié proses sal binnekort in die geval van die eerste offisier en die drie bemanningslede afgehandel word.

Die res van die bemanningslede het skorsingsbriewe ontvang en sal aan ’n dissiplinêre proses deelneem, sê hy.

Nog ’n aantyging waarop Nakawa gereageer het, is dat “kantoorgebonde” bemanningslede glo meer vlieg as die kajuitbemanning en dat dit die redery sowat N$5 miljoen (in reis- en verblyfkostes) in die 2018-’19-boekjaar gekos het.

Bronne noem sulke vlugte “tjekvlugte” omdat sekere werknemers glo daarby baatvind.

Die redery se woordvoerder ontken dit.

“Die kantoorpersoneel is ook kajuitbemanning. Hulle mag ’n beperkte aantal kere vlieg,” sê Nakawa.

Die rede hiervoor is dat hulle een keer ’n jaar moet vlieg.

“Hulle moet vlieg om op hoogte te bly en om te verseker hul lisensies om vliegtuie te hanteer word elke drie maande hernu,” sê hy.

Hy ontken dat sogenaamde “tjekvlugte” die redery sowat N$5 miljoen kos.

“Dit is nie waar nie. Daar is drie kajuitbemanningsbestuurders wat minstens een langafstandvlug per maand onderneem,” sê Nakawa.

Volgens die bronne werk 140 kajuitbemanningslede tans by Air Namibia, waarvan baie tans net een keer ’n maand vlieg weens die redery se finansiële en tegniese verknorsing.

Nakawa sê bemanning behels 20% van die redery se totale personeel.

“Die lugvaartbedryf is hoogs gereguleerd. Ons nasionale redery het drie sterre en volg die bedryf se reëls en regulasies. Indien ons personeel wat hul aanstellingsvoorwaardes verbreek het, toelaat om nie verantwoording daarvoor te doen nie, sal Air Namibia onregeerbaar raak. Dis die jaar van aanspreeklikheid en ons moet almal rekenskap van ons dade gee.”



CATHERINE SASMAN

Pic:

Air Namibia spokesperson, Paul Nakawa. Photo Contributed

Soortgelyk

 

Teko-trio loop vry uit

3 ure gelede | Howe

Ronelle RademeyerDie drie vermeende skandeerder-bedrieërs is vry.Die twee Namibiërs en hul Chinese sakevennoot wat 'n dekade gelede in verband met die bedrog­skandaal oor die aankoop...

AR wil land uit Windhoek regeer

3 ure gelede | Politiek

Denver Kisting – Die Regstellende Herposisioneringsbeweging (AR) onder sy voorbok, mnr. Job Amupanda, se leiding, wil minstens 50 000 huise bou sodra hy in Windhoek...

Amerika belê groot in nuwe ambassade

3 ure gelede | Internasionaal

Die Amerikaanse regering het byna N$200 miljoen vir sowat ses hektaar grond in Klein Windhoek betaal om hul nuwe ambassade-kompleks te bou. Hier is 'n...

Ligloop vir swendelaars

3 ure gelede | Misdaad

Augetto Graig'n Reeks video's en tekenprente is gister bekend gestel om bankbedrog te help bekamp.Dit vorm deel van die Vereniging vir Betalings in Namibië (PAN)...

Weer, Donderdag 19 September 2019

3 ure gelede | Weer

BINNELAND: Gedeeltelik bewolk en baie tot bloedig warm. Winderige toestande sal oor die binneland heers.KUS: Bewolk en koud tot koel met miskolle in die oggend.GETYE...

Amerika koop Metje-erwe vir byna N$200 miljoen

3 ure gelede | Plaaslik

Francoise Steynberg Die Amerikaanse regering het sowat ses hektaar grond in Klein Windhoek aangeskaf om hul nuwe ambassade-kompleks te bou.Die koopbedrag was byna N$200...

Video’s van NDF-lede verbode

3 ure gelede | Ministeries

Die ministerie van verdediging het lede van die publiek gewaarsku om nie foto’s van lede van die Namibiese polisie of die weermag (NDF) te neem...

Gesondheid kry hupstoot

3 ure gelede | Ministeries

Die Ohorongo Otavi-gemeenskapstrust het in samewerking met die ministerie van gesondheid en maatskaplike dienste (MoHSS) en Support Ulm e.V ooreengekom om hul samewerkingsooreenkoms vir tegniese...

DNG-president ontvang toekenning

3 ure gelede | Plaaslik

Duitsland se pres. Frank-Walter Steinmeier het mnr. Klaus Hess, president van die Duits-Namibiese Vereniging (DNG) en lid van die Duits-Afrika-stigting, onlangs met ’n verdienste-toekenning vereer....