Agtien jaar agter tralies vir mensehandel

Skuldige berou glo dat slagoffer skool verlaat

04 December 2019 | Howe
’n Vrou wat op klagte van mensehandel en verkragting skuldig bevind is, is pas tot 28 jaar agter tralies gevonnis.

Sy het ’n jong meisie van die Noorde na Okahandja gelok, waar sy seksueel misbruik is.

Tuufilwa Jonas (34) is op 31 Julie deur hoërhofregter Naomi Shivute skuldig bevind op drie klagte van verkragting en drie van mensehandel.

Sy het die meisie van die Okahenge-nedersetting in die Omusatistreek na ’n plaas in die Okahandja-omgewing in die Otjozondjupastreek gelok waar sy deur ’n groep mans seksueel misbruik is.

Jonas is familielid van die meisie, wat tydens die voorval in 2017 15 jaar oud was.

Op die drie verkragtingsklagte is Jonas tot tien jaar tronkstraf gevonnis.

Op die drie mensehandelklagte is sy tot 18 jaar agter tralies gevonnis.

“Die mees verswarende faktore in die saak was die feit dat Jonas die jong meisie gedwing het om skool te verlaat met leë beloftes van werk, en haar seksueel uitgebuit het toe sy die meisie vir ’n groep mans op die plaas aangebied het. Sy het die slagoffer ook herhaaldelik gedreig,” het Shivute gesê.

Die regter het verder gesê die slagoffer is weens Jonas se optrede getraumatiseer.

“Hierdie saak was ’n oortreding met voorbedagte rade en die skuldige het die slagoffer se lewe totaal vernietig,” het die regter gesê.

Jonas het in haar getuienis ter versagting voor vonnisoplegging gesê: “Ek het baie mense se harte gebreek as gevolg van my onregmatige optrede. Wat ek aan die klaer gedoen het, is nie goed nie . . . ek is baie hartseer oor wat ek aan die klaer gedoen het.”

Sy het gesê sy berou dit dat sy die rede is waarom die meisie die skool verlaat het.

Sy het gepleit dat die hof nie ’n lang vonnis moet oplê nie, omdat dit haar kanse op rehabilitasie sal verminder.

Jonas het aanvanklik op 23 April 2019 betrokkenheid by die saak ontken toe sy onskuldig gepleit het op die aanklagte teen haar.

Die slagoffer het swanger geraak in die tyd wat sy op die plaas gebly het.

Jonas is ’n eerste oortreder met geen rekord van vorige strafregtelike oortredings nie. Sy het vyf minderjarige kinders.

Staatsadvokaat Felistas Shikerete-Vendura het die vervolging behartig.

Advokaat Milton Engelbrecht, wat deur regshulp befonds is, het vir Jonas verskyn. - Nampa

Soortgelyk

 

Nóg een sterf, meer gevalle in Windhoek

15 ure gelede | Gesondheid

HoofredaksieBuiten 'n styging in die getal mense in Windhoek wat positief getoets het vir Covid-19, is daar ook al meer mense wat die virussiekte opdoen...

Kusdorpe soek hul vryheid

15 ure gelede | Gesondheid

Leandrea Louw op Walvisbaai Sowat 350 inwoners van Walvisbaai en Swakopmund het Saterdag naby Langstrand aan ’n onwettige optog teen die Covid-19-inperking in die Erongostreek...

Privaatskole dra miljarde by tot onderwys

15 ure gelede | Onderwys

Henriette Lamprecht – Privaatskole in Namibië het die afgelope 18 jaar die ministerie van onderwys, kuns en kultuur se begroting N$833 miljoen jaarliks gespaar. Dit...

Daniele Ferrari in Katolieke tradisie gegroet

15 ure gelede | Mense

Jeanette Diergaardt – Mense van verskillende ras- en taalgroepe het Vrydagmiddag by 'n roudiens in die St. Mary's-katedraal in Windhoek se middestad saam met die...

Weer vir 27 Augustus 2020

15 ure gelede | Weer

BINNELAND: Gedeeltelik bewolk en warm in die verre noordelike streke, maar sonnig en matig tot warm elders in die land. Die wind sal matig tot...

'Hofpligte sal ek deurvoer'

15 ure gelede | Howe

Ogone Tlhage – Mnr. Johannes Stefansson, die Yslander wat 'n hoofrol gespeel het om korrupsie in die Namibiese visserybedryf oop te vlek, sê hy sal...

Party hou introspeksie

15 ure gelede | Politiek

Augetto Graig – Die heersende Swapo-party het die naweek teruggekyk na die 2019 nasionale verkiesing en selfondersoek gedoen om die pad vorentoe te kan uitstip....

Honde slaap nou warmer

15 ure gelede | Gemeenskap

Die hoktydperk van die Erongostreek weens Covid-19 het nie vir me. Donna Collins van Swakopmund gekeer om beddens aan sowat 50 honde in Windhoek te...

'n Passie vir rekeningkunde én letterkunde

15 ure gelede | Kuns en vermaak

Yandi du PlessisDie Namibiese boorling Constant van Graan is 'n man van vele talente. Nie net is hy 'n senior lektor in forensiese...