Agtien dragtige koeie geslag

Beeste ook by Karibib gesteel

15 November 2017 | Misdaad
Francoise Steynberg - 'n Boer is Sondag met 'n gru-toneel begroet toe hy die 18 karkasse van sy dragtige koeie op die plaas Hoëveld naby Waterberg in die Otjiwarongo-distrik ontdek het.

"Draadstrikke word tussen die bome gespan en die koeie word in die strikke in gejaag. Die koeie word keelafgesny en net daar geslag. Al wat oorbly, is die koppe, velle en pote," het mnr. Chris Bergh van die Van der Walt-boerdery gister aan Republikein gesê.

Hy vermoed die beeste is oor die afgelope twee weke geslag. Die skade van die koeie word op sowat N$10 000 per kop bereken, maar omdat hulle dragtig was, is die totale verlies baie meer as N$180 000.

Die slagplek in digte bosse is sowat 100 meter van die grondpad af, wat vir misdadigers maklike toegang gee om die vleis in die nag met voertuie op te laai.

"Die private teenstropery-eenheid Nyime was Sondag eerste op die toneel en het onder meer 'n sigaretboksie daar gevind. Otjiwarongo se polisie het eers Maandag uitgekom plaas toe," het Bergh gesê.

Ongelukkig is die booswigte se spore deur die sporadiese reën uitgewis.

Bergh sê verlede week is beeste ook op sy buurman se plaas geslag en sonpompe gesteel.

Die vleis word glo vir 'n appel en 'n ei op markte op Okakarara, Swakopmund en Walvisbaai verkoop.

NGUNI'S GESTEEL, GESLAG

Intussen is 'n 32-jarige man in hegtenis geneem in verband met veediefstal in die Karibib-distrik terwyl vier van sy medepligtiges nog op vrye voet is.

Volgens die Namibiese polisie se misdaadverslag is vyf Nguni-beeste ter waarde van N$35 000 Sondag op die plaas Onguati deur vyf veediewe gesteel.

"Die beeste is na bewering van Onguati af na die plaas Kranzberg aangejaag waar twee koeie geslag is en drie ander se bene met pangas afgekap is. Die beseerde beeste en die vleis is teruggevind," het die polisie gesê.

Die polisieondersoek duur voort.

Soortgelyk

 

Kobra saai paniek by konstruksieterrein

6 ure gelede | Omgewing

‘n Agressiewe en beseerde Anchieta-kobra, ook bekend as die Angolese kobra, het vroeër vandag vir paniek gesorg by ‘n konstruksieterrein op Otjiwarongo waar werkers besig...

Kraam buite kliniek - verpleegsters geskors

22 ure gelede | Ministeries

Henriette Lamprecht – Twee verpleegsters wat ‘n hoogswanger vrou by die Okuryangava-kliniek glo weggewys het, is in opdrag van die minister van gesondheid en maatskaplike...

Lewenslank vir Suide-verkragters

22 ure gelede | Howe

Elvira Hattingh en Ronelle Rademeyer - Twee mans wat vroue op Mariental en Tses verkrag en vermoor het, is gister in twee afsonderlike sake vonnisse...

Schlettwein sê oor TIPEEG, FOCAC

22 ure gelede | Regering

Denver Kisting – In die eerste plek is Namibië se ekonomie besig om aan te pas by ’n nuwe pad van groei nadat dit een...

Weer vir 19 September

22 ure gelede | Weer

BINNELAND: Gedeeltelik bewolk en warm in die Suide met enkele buie in die verre Suide. Elders sal baie tot bloedig warm in die Noorde wees.KUS:...

TransNamib op soek na nuwe direksie

22 ure gelede | Vervoer

Catherine Sasman Die ministerie van werke en vervoer het in 'n openbare kennisgewing aangekondig dat nuwe direksielede vir TransNamib gesoek word. Die huidige direksie se...

Esau: Visvangkwotas kan nie verkoop word

22 ure gelede | Ministeries

Leandrea Louw Die minister van visserye en mariene hulpbronne, mnr. Bernard Esau, het gewaarsku visvangkwotas kan nie verkoop word “om vinnig geld te maak nie”....

Help soek na vermistes

22 ure gelede | Misdaad

Tanja BauseDie Namibiese polisie vra die publiek se hulp in die opsporing van twee vermiste mense. Die 14-jarige Niita Fillemon word sedert 19:00 verlede Woensdag...

Grond: Wit boere wíl praat

22 ure gelede | Ministeries

Elvira HattinghDie president van die Namibië Landbou-unie (NLU), mnr. Ryno van der Merwe, sê dit is onwaar dat wit kommersiële boere nie in gesprek tree...