Agribusdev staan bakhand by regering

Januarie-salarisse nie betaal

16 February 2021 | Landbou
Kenya Kambowe op Rundu – Agribusdev-werknemers het nog steeds nie hul salarisse vir Januarie ontvang nie en alle hoop is nou op hul lynministerie gevestig om dié entiteit in staatsbesit geldelik uit te help.

Verlede maand is Agribusdev-werknemers ingelig dat hulle tot verdere kennisgewing nie salarisse sal ontvang nie.

Verlede week het ontevrede werknemers van die Sikondo-besproeiingsplaas in die Kavango-Wesstreek hul teleurstelling uitgespreek toe hulle uitvind die maat­skappy is platsak en kan nie sala­risse betaal totdat geld ­beskikbaar is nie.

Die werknemers sê hulle is desperaat vir Januarie se salarisse en sommige kon nie hul kinders by skole inskryf nie, omdat hulle nie die nodige items kon aankoop soos deur skole vereis nie. Hulle het bygevoeg hul ­bankrekeninge is oortrokke en gewone bankaftrekkings is nou agterstallig.



'LY HONGER'

“Daar word van ons verwag om kos vir die nasie te produseer en dit is hoekom ons by die werk is. Hoe kan ons dié verpligting nakom as ons self hongersnood ervaar? Ons produseer kos, maar ly honger by ons eie huise – hoe is dit regverdig?” vra mnr. Semete Andreas, een van die werknemers.

Toe sy om kommentaar genader is, het Agribusdev se waarnemende besturende direkteur, me. Berfine Antindi, gesê die maatskappy is platsak en benodig geldelike hulp van die ministerie van staatsondernemings af.

Antindi sê hul maande­likse salarisrekening is ietwat meer as N$5 miljoen.

Verlede jaar het die ministerie Agribusdev 'n kontantinspuiting van sowat N$53 miljoen gegee om salarisse en bedryfskoste tot Desember te kan dek.

“Almal word geraak – selfs dié by ons hoofkantoor. Niemand het hul salaris vir Januarie ontvang nie en ons is ook nie seker of ons binnekort enige salarisse gaan ontvang nie. Wat hulle vir jou vertel, is waar en nie 'n geheim nie,” het sy gesê.



MEER NODIG

Antindi erken baie moet gedoen word om Agribusdev selfonderhoudend te maak.

Verlede jaar het die Agribusdev-raad 'n ondersoek na sy eie sake van stapel gestuur en is die voormalige besturende direkteur, mnr. Petrus Uugwanga, geskors, tot sy ontydige afsterwe meer onlangs.

Antindi het bevestig die ondersoek is steeds aan die gang en bevindinge hieruit sal die pad vorentoe uitstippel.

– [email protected]

Soortgelyk

 

Vrou woon in haar motor by hospitaal

7 ure gelede | Mense

Henriette Lamprecht – 'n Bejaarde vrou van die kus woon die afgelope week in haar motor in die parkeerterrein van 'n staatshospitaal in Windhoek om...

Toekoms van 77 Air Nam-vlieëniers onseker

7 ure gelede | Vervoer

Francoise Steynberg – Altesaam 77 vlieëniers van Air Namibia se toekoms is onseker. Boonop het bykans 75% van die redery se vlieëniers se lisensies verval...

Ses damme voller as 100%

7 ure gelede | Weer

Elvira Hattingh – Terwyl altesaam sowat ses Namibiese damme tans 100% of meer water bevat, oorstroom die Zambezirivier sy walle, met water wat in die...

Weer vir 24 Februarie

7 ure gelede | Weer

WEERWAAK: Wydverspreide donderbuie word in Ohangwena, Oshikoto, Otjozondjupa en Omaheke verwag. BINNELAND: Sonnig en warm in die Suide en Weste, andersins gedeeltelik bewolk en baie...

'Swak bestuur rede vir Meatco se krisis'

7 ure gelede | Byvoegsels

Ellanie Smit - Volgens ’n verslag wat aan die ministerie van staatsondernemings (SOE's) voorgelê is, staar Meatco likwidasie in die gesig indien hy nie kostes...

Hof kry Heritage Health voor stok

7 ure gelede | Gesondheid

Henriette Lamprecht – Die mediese fonds Heritage Health het 'n bloutjie in die hoërhof geloop nadat hy sy jaarlikse premies wou verhoog, maar dié stap...

'IEB in nuwe formaat is hier om te bly'

7 ure gelede | Onderwys

Henriette Lamprecht – Die nuwe leerplan vir skole in Namibië wat die Onafhanklike Eksamenraad (IEB)-stelsel volg, is vergelykbaar met die Namibiese Senior Sekondêre Sertifikaat (SSS)...

#Indigiwalk Namibia in die pyplyn

7 ure gelede |

Augetto Graig – Die pad na 'n beter wêreld is eensaam en lank en mnr. Craig (Q7) Beckett, 'n Suid-Afrikaanse Khoisan-jagter, geneser en menseregte-aktivis, sal...

‘Geen personeel betrokke by stropery’

7 ure gelede | Ministeries

Francoise Steynberg Die ministerie van die omgewing, bosbou en toerisme het bevestig dat geen van sy personeel by wildstropery betrokke was nie en stropery het...