AgriBank steier onder miljoene se slegte skuld

Nuwe hoof wil sake blinkpoets

13 February 2017 | Landbou
Elvira Hattingh



Kliënte is met meer as N$500 miljoen agterstallig wat betref terugbetalings aan AgriBank, het mnr. Sakaria Nghikembua, uitvoerende hoof van die instelling, Vrydag op 'n nuuskonferensie gesê.

Agribank se totale skuldboek staan tans op N$2,4 miljard.

Volgens Nghikembua beloop agterstallige skuld 21% van die bank se totale lenings. Dit is beduidend meer as die internasionaal aanvaarde drumpel van 15%.

Voorts sal die bank 'n verskerpte insamelingstrategie vir agterstallige skuld toepas, wat reeds teen die einde van verlede jaar deur sy raad goedgekeur is. Dit het reeds op twee skuldinsamelaars besluit wat vanaf die einde van vandeesmaand dié strategie in werking moet stel.

“Hoë vlakke van slegte skuld sal die bank se vermoë om aan sy mandaat te voldoen en volhoubaarheid belemmer. As jy geld uitleen, moet jy dit terugkry om weer te kan uitleen.

“Ons het begrip wat betref die droogte en het kliënte al telkemale met droogteskemas gesteun, maar sommige kliënte kan beter produseer en so hul lenings afbetaal en ander kan betaal, maar doen dit net nie.

“Dis nodig dat diegene wat nie kan betaal nie, reëlings met die bank tref,” het hy gesê.

Nghikembua, wat verlede jaar in Augustus as uitvoerende hoof aangestel is, het ook die bank se vordering oor die afgelope ses maande, sy vyfjaarstrategie en fokusgebiede vir die toekoms bekend gemaak.

Hy beoog dat die bank voorts baie beter kliëntediens met behulp van meer relevante dienste moet lewer. Hy het ook gesê die bank sal voorts in waardasies van huise en plase van markwaarde eerder as die versekeringswaarde of produksiewaarde gebruik maak.



Strategiese plan

“Sleutelmylpale vir die afgelope ses maande sluit ook in dat ons die vyf jaar strategiese plan vir die bank voltooi het, 'n program vir die skakeling en kommunikasie met belange­groepe ingestel het en konkrete aksie geneem het om byvoorbeeld ontluikende kommunale boere by ons kliëntebasis in te sluit. Dit behels 'n verbandvrye onderpand, wat ons beplan om teen 31 Maart vanjaar beskikbaar te stel.

“Ons het die 2017-'18-begroting lank voor die sperdatum gefinaliseer, die besluit geneem om 'n opleidingsafdeling vir boere op die been te bring en sleutelbeleide vir verandering hersien,” het Nghikembua gesê.

Hy het verder gesê die bank het 'n duidelike prestasiebestuurstelsel vir werknemers ingestel wat by die besigheidstrategie inpas en waarmee hulle gereeld gemeet sal word.

“Prestasiekontrakte vir die komende boekjaar moet teen einde Maart afgehandel wees,” het hy gesê.

“Deel van ons strategie is om 'n hoë prestasiekultuur binne die bank te skep en die regte werkers met die regte vaardighede en potensiaal aan te stel.

“Voorts sal ons ook op kliënte fokus om 'n beter insig in die mark te kry, ontluikende markte te betree en seker te maak die beskikbare produkte wat ons bied, is steeds relevant.

“Van ons finansiële fokusgebiede sluit in om die skuldboek, rente-­inkomste en asook nie-rente-­inkomste te laat groei, koste te sny en agterstallige geld in te samel.

“Ons het ook 'n strategie vir sosioëkonomiese transformasie ingestel om by die Harambee-­welvaartplan aan te sluit,” het hy gesê.

Langtermyndoelwitte vir die bank sluit ook in om 'n kliëntgesentreerde kultuur te skep en op finansiële­ inklusiwiteit te fokus. Boonop wil AgriBank doeltreffende diens lewer, van nuwe tegnologie gebruik maak en op voortdurende vernuwing fokus.

“Ons het 'n duidelike visie, strategie en raamwerk geskep om dit uit te voer, maar strategieë om inkomste te laat groei en koste te sny, is nodig om ons strategiese doelwitte­ te bereik,” het Nghikembua gesê.

Soortgelyk

 

Kwaai olifant druk man dood

5 ure gelede | Ongelukke

Des Erasmus'n Jong man van Otjihorongo,­ Lourens Hindjou (35), het Dinsdagaand gesterf nadat hy deur 'n olifant aangeval is. Die olifant het hom...

Koebaai wintertyd

5 ure gelede | Plaaslik

Estelle de Bruyn Daar's 'n tyd om te kom en 'n tyd om te gaan.Sou 'n nuwe wetsontwerp op Namibiese tyd aanvaar word, sal wintertyd...

Weer, Donderdag 23 Februarie 2017

5 ure gelede | Weer

BINNELAND: Gedeeltelik bewolk en baie tot bloedig warm met enkele reën- en donderbuie in die Verre Noorde en Noordooste.KUS: Gedeeltelik bewolk en koel tot warm...

Namibië voer die seekospape

5 ure gelede | Omgewing

Des Erasmus - Namibië kan ‘n spens van die wêreld se smulpape op die gebied van seekos word danksy broeikaste vir oesters en perlemoen wat...

Wêreldreisigers kies Namibië onder top-20

5 ure gelede | Toerisme

Francoise Steynberg Namibië is wéér op 'n top-20-­reislys.Dié keer is die lys vir CNN Travel deur wêreldreisigers saamgestel. Die reiskundiges wissel van vlieëniers en fotograwe...

Terugslag vir staat in piramideskema-saak

5 ure gelede | Howe

Jacqueline Louw Regter Alfred Siboleka het gister in die Windhoek-hoërhof in die saak van mnr. Charles van Rensburg en die egpaar Melanie en Jeremia van...

Kleurvol vir kanker

5 ure gelede | Gesondheid

Namibia Media Holdings (NMH) is een van verskeie maatskappye en instellings wat Vrydag aan die Kankervereniging van Namibië (CAN) se Spray-a-Thon-veldtog deelneem ter bewusmaking van...

Omatakodam kry goeie invloei

5 ure gelede | Omgewing

Francoise Steynberg Die Omatakodam het binne twee dae 20,4% voller geraak en staan nou op 51,9% van sy volle kapasiteit.Die dam was Maandag op 31,5%...

Drie sterf in motorongelukke in hoofstad

5 ure gelede | Ongelukke

Tanja BauseDie Windhoekse stadspolisie het hul kommer uitgespreek oor padongelukke wat die naweek die lewe van vyf mense in die hoofstad geëis het. Saterdag omstreeks...