Afrika: Versterk gesondheidstelsels
Henriette Lamprecht - Die versterking van gesondheidstelsels is 'n onontbeerlike voorvereiste om Namibië se doelwit van 'n gesonde nasie te verwesenlik.
Die goewerneur van die Khomasstreek, me. Laura McLeod-Katjirua, het tydens 'n forum vir die versterking van gesondheidstelsels die hoop uitgespreek dat Afrika sy pogings sal verskerp om universele gesondheidsdekking (UHC) vir almal, sowel as sy volhoubare ontwikkelingsdoelwitte (SDG's), te bereik.
Die forum, die eerste van sy soort in Afrika, het in Windhoek plaasgevind. Die tema was “Gesonde stelsels, gesonde mense: Hoe om suksesvolle universele gesondheidsdekking vir Afrika te verseker”.
Dit is deur die Wêreldgesondheidsorganisasie (WHO) se streekkantoor vir Afrika in samewerking met die Namibiese regering aangebied. Die doel is om die tegniese leierskap van ministeries van gesondheid by verwante rolspelers uit te bring om hul ervaringe te deel en ooreen te kom op 'n Afrika-benadering om volhoubare, veerkragtige en robuuste gesondheidstelsels te bou. Die forum sal voorts lande ondersteun om 'n stel algemene, meetbare aksies te skep om doeltreffende gesondheidstelsels in die streek te ontwikkel wat tot die verwesenliking van universele gesondheidsdekking sal bydra.
“Ons moet gesondheid sien as 'n voorvereiste, 'n bepaler en 'n uitkoms vir alle SDG's en nie net as 'gesondheidsdoelwit' nie,” het die WHO se streekdirekteur vir Afrika, dr. Matshidiso Moeti, gesê.
In September vanjaar het die Verenigde Nasies (VN) se Algemene Vergadering die SDG's aanvaar, met doelwit drie wat op gesondheid fokus. Dié doelwit betrek onder meer ontluikende aangeleenthede soos nie-oordraagbare siektes, die voorkoming van beserings en omgewingsgesondheid. Die UHC vereis dat elke inwoner toegang tot gesondheidsdienste het sonder enige ekonomiese, kulturele, maatskaplike, geografiese of stelselverwante struikelblokke. Slegs wanneer stelsels ongelyk is en die onbeskikbaarheid van noodsaaklike medisyne, 'n tekort aan menslike hulpbronne en vertragings as gevolg van ondoeltreffende logistiek die stryd aangesê word en stelsels dié struikelblokke kan oorkom, kan SDG's bereik word.
Volgens Moeti is beleggings in gesondheidstelsels 'n belangrike polis om gemeenskappe en hul ontwikkeling te verseker.
Die goewerneur van die Khomasstreek, me. Laura McLeod-Katjirua, het tydens 'n forum vir die versterking van gesondheidstelsels die hoop uitgespreek dat Afrika sy pogings sal verskerp om universele gesondheidsdekking (UHC) vir almal, sowel as sy volhoubare ontwikkelingsdoelwitte (SDG's), te bereik.
Die forum, die eerste van sy soort in Afrika, het in Windhoek plaasgevind. Die tema was “Gesonde stelsels, gesonde mense: Hoe om suksesvolle universele gesondheidsdekking vir Afrika te verseker”.
Dit is deur die Wêreldgesondheidsorganisasie (WHO) se streekkantoor vir Afrika in samewerking met die Namibiese regering aangebied. Die doel is om die tegniese leierskap van ministeries van gesondheid by verwante rolspelers uit te bring om hul ervaringe te deel en ooreen te kom op 'n Afrika-benadering om volhoubare, veerkragtige en robuuste gesondheidstelsels te bou. Die forum sal voorts lande ondersteun om 'n stel algemene, meetbare aksies te skep om doeltreffende gesondheidstelsels in die streek te ontwikkel wat tot die verwesenliking van universele gesondheidsdekking sal bydra.
“Ons moet gesondheid sien as 'n voorvereiste, 'n bepaler en 'n uitkoms vir alle SDG's en nie net as 'gesondheidsdoelwit' nie,” het die WHO se streekdirekteur vir Afrika, dr. Matshidiso Moeti, gesê.
In September vanjaar het die Verenigde Nasies (VN) se Algemene Vergadering die SDG's aanvaar, met doelwit drie wat op gesondheid fokus. Dié doelwit betrek onder meer ontluikende aangeleenthede soos nie-oordraagbare siektes, die voorkoming van beserings en omgewingsgesondheid. Die UHC vereis dat elke inwoner toegang tot gesondheidsdienste het sonder enige ekonomiese, kulturele, maatskaplike, geografiese of stelselverwante struikelblokke. Slegs wanneer stelsels ongelyk is en die onbeskikbaarheid van noodsaaklike medisyne, 'n tekort aan menslike hulpbronne en vertragings as gevolg van ondoeltreffende logistiek die stryd aangesê word en stelsels dié struikelblokke kan oorkom, kan SDG's bereik word.
Volgens Moeti is beleggings in gesondheidstelsels 'n belangrike polis om gemeenskappe en hul ontwikkeling te verseker.
Kommentaar
Republikein
Geen kommentaar is op hierdie artikel gelaat nie