Afrika-olifante as bedreig, kritiek-bedreig gelys

IUCN klassifiseer twee spesies

30 March 2021 | Omgewing
Francoise Steynberg – Afrika se olifante is nou volgens die Wêreldbewaringsorganisasie (IUCN) se rooilys apart gelys met woudolifante as kritiek-bedreig verklaar en savanna-olifante as bedreigde spesie.

Voorheen was Afrika se olifante as enkele spesie as weerloos op die IUCN se rooilys gelys. Dit is eerste keer dat die twee spesies apart op die rooilys gelys is weens nuwe genetiese bewyse.

Volgens ’n mediaverklaring van die IUCN het die olifantbevolking oor die afgelope dekades weens stropery vir ivoor en ’n verlies aan habitat gedaal.

“Savanna-olifantgetalle is stabiel en het oor die dekades gegroei, veral in die Kavango-Zambezi-oorgrensbewaringsgebied (Kaza) waar die grootste subbevolking op die vasteland voorkom,” lui die verslag.

“Alhoewel savanna-olifante in die bedreigde kategorie geplaas is, floreer sommige subbevolkings. Weens hierdie rede word plaaslike kennis en omsigtigheid vereis wanneer die studies in beleid omgeskakel word,” het dr. Dave Balfour, lid van die IUCN se Afrika-olifant Spesialisgroep, gesê.

Die besluit om die woud- en savanna-olifante as aparte spesies te hanteer, volg weens kundiges se nuwe navorsing in die genetika van olifantbevolkings.

Woudolifante kom in die tropiese woude van Sentraal- en Wes-Afrika voor en oorvleuel nie sommer met die habitat van savanna-olifante nie, wat meestal in Afrika suid van die Sahara in graslande en woestyne voorkom.

Woudolifante beslaan slegs ’n kwart van hul geskiedkundige habitat met die meeste oorblywende bevolkings wat tans in Gaboen en die Demokratiese Republiek die Kongo gevind word.

“Woudolifantbevolkings het oor ’n tydperk van 31 jaar met 86% gedaal terwyl savanna-olifante met 60% oor die afgelope 50 jaar afgeneem het,” lui die verklaring.

“Albei spesies het skerp afnames sedert 2008 getoon weens die aansienlike styging in stropery wat in 2011 die hoogte in geskiet het en steeds olifantbevolkings bedreig.”

Boonop is landbou en ander grondgebruike aansienlike bedreigings vir hul habitat.

Die IUCN Afrika-olifant Statusverslag van 2016 voorsien die mees onlangse betroubare beraming van 415 000 olifante van die twee spesies gekombineer op die vasteland.

Ondanks die algehele afname van beide spesies in Afrika, is daar ook suksesvolle bewaringspogings, soos beter teenstropingsmaatreëls, meer ondersteunende wetgewing en grondgebruikbeplanning om mens-dier-konflik te voorkom.

IUCN se rooilys sluit nou altesaam 134 425 spesies in waarvan 37 480 uitwissing in die gesig staar.

- [email protected]

Soortgelyk

 

Robberts bly in aanhouding

9 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...

Inentings: Namibiërs wag en kyk

9 ure gelede | Gesondheid

Henriette Lamprecht – ’n Wag-en-kyk-benadering en voorkeur vir spesifieke entstowwe is van die redes vir die trae reaksie tot die ministerie van gesondheid en maatskaplike...

Living a purposeful life

9 ure gelede | Mense

Rivaldo Kavanga“I would advise the youth to relentlessly go after whatever they desire unlimited. In pursuit of long-term gains and not short term rather.” Ndakondja...

Weer vir 30 Maart 2021

9 ure gelede | Weer

BINNELAND: Gedeeltelik bewolk en warm in die verre suide en die Zambezi-streek. Elders gedeeltelik bewolk en warm met verspreide donderbuie. Wyd verspreide donderbuie in die...

Huishoudelike geweld gedy in Kavango-Wes

9 ure gelede | Misdaad

Die naweek is drie sake van huishoudelike geweld in die Kavango-Wesstreek by die polisie aanhangig gemaak. Vrydag om 05:00 het ’n 36-jarige man in die...

Running for those who can’t

9 ure gelede | Skole

In honour of cerebral palsy awareness month and as part of a school project, four learners from Windhoek Afrikaanse Privaatskool ran with children, parents and...

Windhoek kry eie ekonomiese plan

9 ure gelede | Regering

Augetto Graig – Die burgemeester van Windhoek, dr. Job Amupanda, sê die regering moenie terugstaan sodat die private sektor die nasie tot werkskepping en ekonomiese...

Ending the double shift system at schools

9 ure gelede | Onderwys

Rivaldo KavangaBet-el Primary School on Friday, 26 March 2021 received three classroom blocks and a storeroom from The Craton Foundation. The classrooms were donated to...

Mej. Namibië: Hier is die top-16

9 ure gelede | Gebeure

Die eerste ronde van die 2021 Mej. Namibië-skoonheidskompetisie het Saterdag in Windhoek plaasgevind waar die top-16-finaliste bekend gestel is.Die finaliste is Andeline Wieland, Shahida van...