Aflosdag het baie te bied

Padwedlope

14 February 2019 | Sport
Dis nie meer lank voordat die jaarlikse Bank Windhoek Corporate Challenge aflosbyeenkoms weer op Saterdag 16 Maart by die Doc Jubber-sportgronde in Olympia aangebied word nie.

Maatskappye, skole asook vriende en families kan soos in die verlede vir die dag se kaperjolle inskryf. Dit is veral die korporatiewe wêreld wat die geleentheid as 'n spanboudag kan inspan om die gees tussen personeel op te kikker, terwyl vrinne mekaar se geselskap ná 'n draf- of stapsessie deur Olympia kan geniet.

Aflosspanne sal uit vier lede bestaan wat elkeen vyf kilometer moet stap of draf. Behalwe dat die dag vir pret en spanbou bedoel is, word dit deur Bank Windhoek aangebied as platform om 'n gesonder leefstyl aan meer mense bekend te stel.

Me. Jacquiline Pack, uitvoerende hoof van Bank Windhoek se bemarkings- en korporatiewe dienste, sê: “Die formaat van die byeenkoms is uniek in Namibiese konteks waar ons spanne van vier aan 'n aflos laat deelneem. Ons wil graag spanne van ver­skillende maatskappye, sakeondernemings asook skole, familie en vriende bymekaar bring om op 'n gesonde wyse met mekaar te kompeteer en dit op sosiale vlak te geniet.”

Daar sal mans-, vroue-, asook gemengde spanne wees, terwyl die skole hul eie afdelings het. Die inskrywingsgeld vir volwasse spanne is N$400 met skole s'n die helfte minder.

Die geld wat met die dag ingesamel word, sal landwyd aan verskeie liefdadigheidsorganisasies geskenk word. Die begunstigdes sal op 'n later stadium aangewys word.

“Deur die kompetisie hoop ons om 'n positiewe verandering by mense te skep en gemeenskappe op te hef waarin Bank Windhoek bedrywig is,” het Pack gesê.

Deelnemers kan hul eie gazebo's, tafels en stoele bring waar hulle lekker kan kuier en ontspan.

Twee plaaslike vermaakkunstenaars, Wambüseun en DJ Fish, sal gedurende die dag optree en braaivleisvure is beskikbaar waar spanne en hul ondersteuners 'n vleisie op die kole kan gooi. Diegene wat nie self wil braai nie, kan 'n smullekker braaibord by die Doc Jubber-klubhuis aanskaf.

Bywoners mag egter nie hul eie drinkgoed in die klubhuis neem nie.

Spanne wat vir die Bank Windhoek Corporate Challenge aflosbyeenkoms wil inskryf, kan by die organiseerders OTB Sport se webblad www.otb.com registreer.

Belangstellendes kan ook Suzette January, Bank Windhoek se koördineerder vir die byeenkoms, by 061 299 1278 kontak of 'n e-pos na [email protected] stuur.

Soortgelyk

 

Verken die wildernis by Desert Rhino Camp

1 minuut gelede | Toerisme

Wilderness Safaris se Desert Rhino Camp is in die rotsagtige heuwels van die Palmwag-konsessie geleë, wat 450 000 ha groot is.Hierdie streek word deur sy...

Abenteuer Afrika Safari bied onvergeetlike reise

1 minuut gelede | Toerisme

Abenteuer Afrika Safari is een van vanjaar se inskrywings vir die Volhoubare Toerisme-toekennings (RTA).Dié onderneming is in 1993 gestig en is ’n leier op die...

Huang se geld-ellende verdiep

1 minuut gelede | Howe

Yanna Smith - Te oordele aan hofdokumente is daar geen einde aan die Chinese sakeman en vermeende belastingbedrieër mnr. Jack Huang se geld-ellende nie. Ná...

Fiat 500 in the spotlight in New York

1 minuut gelede | Motors

The Fiat 500 Serie F, acquired by the famous Museum of Modern Art in New York in 2017, was seen by the general public for...

Wireless charging for electric vehicles

1 minuut gelede | Motors

WiTricity, the industry pioneer in wireless power transfer, has announced the acquisition from Qualcomm Incorporated and Qualcomm Technologies, Inc. of certain technology platform and IP...

Eskom kan SA tot rommelstatus laat tuimel

1 minuut gelede | Energie

Francois Williams – Al sou die regering ingee tot Eskom se versoek om R100 miljard van sy skuld oor te neem, sal Eskom binne 18...

Wie’s die ingenieurs wat Eskom kom ‘regruk’?

1 minuut gelede | Energie

William Horne en Elvira Wood – Pravin Gordhan, minister van openbare ondernemings, het Dinsdag in die parlement aangekondig dat Italië se grootste kragvoorsiener, Enel, genader...

EOH val 25% ná Microsoft ooreenkoms beëindig

1 minuut gelede | Tegnologie

Nellie Brand-Jonker – Die beleërde tegnologiegroep EOH se aandeelprys het Dinsdag met 25% geval.EOH het oor die middaguur aangekondig dat Microsoft hom in kennis gestel...

Vliegfabriek weer op lys vir skoon tegnologie

1 minuut gelede | Landbou

Francois Williams – AgriProtein, die Kaapse maatskappy wat vlieglarwes benut om kosafval tot insekproteïen te verwerk, is een van net twee maatskappye uit Afrika wat...