Afgemaaide stropers geïdentifiseer

04 January 2017 | Misdaad
Tanja Bause - Die Namibiese polisie het die twee stropers wat op 28 Desember deur teenstropery-eenhede in die Bwabwata Nasionale Park doodgeskiet is geïdentifiseer.

Hulle is mnre. Paulo Shimonomono en ene Paulo (sy van is onbekend) en beide is in hulle veertigs.

Nog 'n stroper, mnr. Matheus Murongo, is gewond in die Rundu Staatshospitaal opgeneem. Sy nasionaliteit moet nog bevestig word omdat hy in besit van 'n Angolese identiteitsdokument en 'n Namibiese kieserskaart was.

Volgens majoor-generaal James Tjivikua het intensiewe ondersoeke deur die polisie daartoe gelei dat nóg twee verdagtes in verband met die stropery in die park gearresteer is.

Hulle is deur die polisie geïdentifiseer as mnre. Kumbwa John (34), van die Kamutjanga-nedersetting by Divundu, en Mbunda Simon (32) van die Mavanze-nedersetting by Rundu. Beide is Namibiërs. ’n Derde verdagte is nog op vrye voet, maar die polisie se ondersoeke duur voort.

Die stropers is om en by 11:20 sowat 21 kilometer Oos van Divundu in die Bwabwata Nasionale Park doodgeskiet toe hulle in ’n skietgeveg met die teenstropery-eenheid betrokke geraak het.

Die teenstropery-eenheid het te voet gepatrolleer toe die stropers op hulle begin skiet het. Hulle het teruggeskiet en in die proses is twee doodgeskiet en een gewond. Die ander het gevlug.

Daar is beslag gelê op ’n AK-47, 25 patrone en 'n tuisgemaakte knaldemper.

’n Week gelede is nog ’n stroper in dieselfde park doodgeskiet nadat hy op die teenstropery-eenheid begin skiet het.

Sedert 15 September verlede jaar is 24 olifante in die Bwabwata Nasionale Park gestroop.

Op 3 en 7 Desember is twee gestroopte renosters in die Etosha Nasionale Park gevind. Vyftien mense is al in verband met die stropery in hegtenis geneem en het reeds in die landdroshof op Opuwo verskyn. Die saak is tot Maart uitgestel.

Soortgelyk

 

Bejaarde erg getraumati­seer

5 ure gelede | Gesondheid

Henriette Lamprecht'n Bejaarde inwoner van Windhoek wat van 'n rolstoel gebruik maak, het vandeesweek vir ure in haar ontlasting in 'n hospitaalgang vir 'n prosedure...

Rooies Mostert in eiendomsgeskil

5 ure gelede | Misdaad

Denver Kisting – Mnr. Walter (Rooies) Mostert, ’n oudlanddros, staar strafregtelike klagte in die gesig weens ’n eiendomstransaksie wat skeefgeloop het.Luidens dokumente in Republikein se...

Weer vir 19 April

5 ure gelede | Weer

BINNELAND: Gedeeltelik bewolk en matig tot warm in die //Kharasstreek, maar baie warm in die Noorde. Elders sal dit mooiweer en baie warm wees. KUS:...

Inbrekers steel derduisende by SKW

5 ure gelede | Misdaad

Denver Kisting – Teen gistermiddag was daar nog geen sent teruggevind van die N$220 000 kontant wat die naweek by die Sport Klub Windhoek (SKW)...

Piramideskema: Trio skuldig op 512 klagte

5 ure gelede | Howe

Ronelle RademeyerDie bedrog-trio van Oranjemund wat van 2004 tot 2006 'n piramideskema bedryf het waarin beleggers sowat N$11,5 miljoen verloor het, se doppie is geklink.Regter...

Oranjemund maak spiere vir toerisme

5 ure gelede | Gebeure

Môre (Vrydag) bied Namibië se nuutste dorp, Oranjemund, ‘n toerismemark aan.Die geleentheid vier ook die dorp se nominering as ‘n finalis in Namibia Media Holdings...

Skole, koshuise in 'toestand van verval'

5 ure gelede | Ministeries

Henriette LamprechtSowat 85% van openbare onderwysgeriewe in Namibië is in 'n toestand van verval, terwyl die ontwikkeling en rehabilitasie daarvan teen 'n slakkepas beweeg. Die...

PDM lê Sona-eier

5 ure gelede | Regering

Denver Kisting Mnr. McHenry Venaani, leier van die amptelike ­opposisie, beweer president Hage Geingob en sy binnekring woon in 'n ander land as die...

Spensdeure klap oop oor kaas en kontreikos

5 ure gelede | Gebeure

Des Erasmus - Die bystand van deskundiges uit Suid-Afrika is ingeroep in die eerste stappe wat gedoen word om Namibië se kaasmakersbedryf te standaardiseer en...