ACC se hande reeds oorvol?

24 July 2019 | Menings
“Moet dit nie dieper invryf as wat dit nodig is,” sê sommige mense soms.

Maar waar dit geregverdig is, moet die sambok nie gespaar bly nie. Dit is nie dieselfde as om iemand te skop terwyl hy klaar lê nie.

Kort nadat die Teenkorrupsie Kommissie (ACC) onder meer 'n bevinding bevraagteken het dat korrupsie volgens 80% van mense steeds toeneem, berig Namibian Sun, Republikein se susterskoerant, die waghond ondersoek nou ook verskeie beweerde ongerymdhede op Omuthiya. Die lang griewelys voer onder andere aan dat 'n burgemeester haar man as padskraperoperateur help aanstel het en hom vir peperduur opleiding in Suid-Afrika gestuur het. 'n Voormalige burgemeester het glo 'n erf ontvang sonder om daarvoor te betaal, en dies meer, ensovoorts.

Om dit as leuens ten bate van kiespolitiek af te maak, is riskant.

Die ACC kla dikwels hul begroting is nie genoeg nie – Namibiërs stem saam – só pogings om 'n nare toedrag van sake in maanskyn en rose te kleur, moet skipbreuk ly.

Die waghond kan uit sy eie meer gereeld terugvoering oor statistiek en die stand van huidige ondersoeke gee. Ook waar aantygings as vals ontmasker is.

Almal wil sien “groot visse” ry aan die pen, maar “klein jakkalsies”, wat die grootste skade aan die wingerd aanrig, moet nie deur die net glip nie.

Burgers wil meer sien en meer weet. Maar moet daarom ook elke gegronde snuf in die neus – in die openbare, private en ander sektore – getrou aanmeld.



So sê ander

22 Julie 2019



Beeld en Die Burger sê



Die dood van die ikoniese musikant Johnny Clegg is wyd hier en oorsee betreur.

Hy was Suid-Afrika se eerste ambassadeur vir verdraagsaamheid toe die land nog die muishond van die wêreld was. Hy was in sy lewe 'n simbool van nierassigheid en geregtigheid en tot sy dood was hy 'n kampvegter daarvoor.

Hy het van vroeg af 'n Suid-Afrika gewys waar nierassigheid moontlik is, al sê die landswette wat.

Sy vroeë lirieke getuig reeds van sy hunkering na 'n vry land.

Hy het sy aanhangers daarvan bewus gemaak dat Suid-Afrika deel is van die groter vasteland Afrika, en dat ons deel is daarvan – sy hart had Afrikatrots.

Clegg was 'n voorloper en 'n fakkeldraer. Hy het die “nuwe môre” van die spits van Kilimand­jaro af gesien en vir sy gehore die pad soontoe aangewys deur sy musiek. Al is van sy musiek verbied of het dit min lugtyd gekry, het hy aangehou en deurgedruk. Sy stem en verset was hoorbaar.

Die huldeblyke wat sedert Dinsdag instroom, toon die reikwydte van sy musiek en dat dit wortel geskiet het in velerlei mense se harte.

Op sy afskeidstoer in 2017 het Johnny weer gedans en gesing. Al kon 'n mens tekens van die aftakeling van sy lyf weens kanker sien, was dit die ou Johnny met die groot hart wat sy gehore opnuut aangespoor het om betrokke burgers te wees en te glo in die moontlikhede van sy geliefde land en mense.• NETWERK24

Soortgelyk

 

KOLLIG Voorblad

1 dag gelede | Byvoegsels

Swakop hou Makietie bl. 4

ECN gaan Itula se aansoek teenstaan

1 dag gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

1 dag gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

1 dag gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

1 dag gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

1 dag gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

1 dag gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

1 dag gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

1 dag gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...