ACC kry voetsoldate

‘Vrot voorbeeld’

17 October 2019 | Misdaad
Augetto Graig - Voetsoldate in die nasionale stryd teen korrupsie ontvang tans opleiding.

Mnr. Paulus Noa, direkteur van die Teenkorrupsiekommissie (ACC), het die regering se nuwe integriteitskomitees Dinsdag toegespreek.

Volgens Noa dryf dié komitees verandering binne die regering.

Hy het die meer as 400 betrokke staatsamptenare van 35 ministeries en 14 streekrade gevra om ’n sneeubaleffek aan die gang te sit om korrupsie uit te wis.

Mnr. Hannu Shipena, die ACC se uitvoerende direkteur, was die seremoniemeester by die geleentheid.

“Korrupsie vind nie in ’n vakuum plaas nie. Dit gebeur in regeringsinstansies. Die korruptes is staatsamptenare wat geld vir hulself toe-eien, wat die publiek moet bevoordeel. Hulle werk nie op straat of elders nie, maar in regeringskantore,” het Shipena gesê.

“Dit maak sin dat ons korrupsie pak waar dit voorkom en nie wag vir ’n misdaad om gepleeg te word sodat ons die polisie of ACC kan inroep nie,” het hy gesê.

“Ons as leiers en bestuurders het ’n plig om teen korrupte elemente op te tree en korrupsie te voorkom,” het hy gesê.



Noa het bygevoeg: “Korrupsie word toegelaat deur wanadministrasie, wanbestuur en oorbesteding. Hierdie onreëlmatighede beïnvloed dienslewering.

“Met die onetiese administrasie van openbare instansies moet ons nie verbaas wees as die publiek vertroue (daarin) verloor nie. Hulle is die werklike meesters en belastingbetalers. Hierdie uiterste wanbestuur en wanadministrasie lei tot die verlies van miljoene. Selfs beleidmakers neem korrupte besluite,” het hy gesê.

Opleiding vir komiteelede van verskeie ministeries sal in Oktober en November voltooi word.

Dit sluit in die ministerie van staatsondernemings, myne en energie, armoedeuitwissing, internasionale betrekkinge en samewerking, visserye en mariene hulpbronne, nywerheidsontwikkeling, handel en SME-ontwikkeling en die kantoor van die eerste minister.

Ministeries wat reeds opleiding ontvang het, sluit in die ministeries van veiligheid en sekuriteit, binnelandse sake en immigrasie, justisie, finansies, stedelike en landelike ontwikkeling, gesondheid en maatskaplike dienste, asook die ouditeur-generaal se kantoor, die Nasionale Vergadering en die Nasionale Raad.

Streekrade en komitees van die oorblywende ministeries sal voor die einde van die jaar opleiding ontvang.

Van integriteitskomiteelede word verwag om integriteit te bevorder, om te verseker medewerkers voldoen aan die reëls vir openbare beamptes, om etiese leiding gee, en om oortredings te identifiseer en by die uitvoerende direkteur aan te meld.

Hulle moet ook bewustheidsprogramme ontwikkel en toepas, die nasionale teenkorrupsiestrategie ondersteun en interne teenkorrupsiemeganismes versterk.

Verder sal die komitees klagtes ontvang en daarop reageer, wat deel sal wees van jaarlikse verslae en aksieplanne wat hulle moet opstel en indien.

“Speel jul rol en saam sal ons die land se regeringstelsel skoonmaak,” het Noa gesê.

Volgens hom behels baie van die korrupsieklagtes wat die ACC ontvang wanadministrasie.

“Julle sal administratiewe korrupsie vervolg. Instansies moet optree, maar ons wetgewing bevat geen duidelike klousule wat hulle dwing om dit te doen nie,” het hy gesê.

Dít ondanks die verwagting wat die wet op openbare dienste skep, wat die rapportering van sulke oortredings aanmoedig.

“Ons skep ’n vrot voorbeeld in hierdie land. Dit is ’n ernstige situasie wat die ekonomie verswak. Ons kan nie alles aan ondersoekagentskappe soos die ACC oorlaat nie. Ander owerhede moet bydra. Julle moet bydra,” het Noa gesê.

[email protected]

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

2 ure gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

18 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

18 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

18 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

18 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

18 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...