Aardbewing skud Karibib-omgewing

Ses stasies tel bewing op

17 July 2020 | Omgewing
Elvira Hattingh - ’n Aardbewing, wat sowat 3,9 op die Richterskaal gemeet het, het Donderdag omstreeks 01:46 sowat 85 km suid van Karibib voorgekom.

Die ministerie van myne en energie het die inligting bevestig en sê ses van hul seismiese stasies het dit opgetel, naamlik die in Windhoek, en op Kamanjab, Opuwo, Karibib, Aus en Ariamsvlei.

“Die aarbewing het sy oorsprong vlak in die aardkors gehad teen ’n diepte van minder as 10 km. ’n Naskok is ook om 04:13 op dieselfde plek geregistreer,” het me. Gloria Simubali, die adjunk- uitvoerende direkteur van die ministerie se Geologiese Opname gesê.

Sy het mense in ’n verslag gewaarsku om in die geval van ’n aardbewing te probeer om na buite te gaan of binne deurkosyne te staan of onder tafels skuiling te soek.

“As jy buite geboue is, vind ’n oop plek weg van geboue, bome en kraglyne. Bly weg van vensters en pas op vir voorwerpe wat kan val,” het sy gesê.

Dit volg ná ’n aardbewing van 4,7 op die Richterskaal vanjaar op 26 Mei in die Etosha Nasionale Park voorgekom het.

Namibië se noordooste is bekend daarvoor dat ligte aardskuddings soms daar voorkom.

Verlede jaar op 26 Junie het ‘n aardbewing ook op Omaruru voorgekom. Dit het toe 3,6 op die Richterskaal gemeet en het ligte skade aan die dorp se Rooms Katolieke Walfdrieden-sendingstasie aangerig.

Me. Mako Sitali, ‘n geowetenskaplike verbonde aan die Geologiese Opname, het voorheen aan Republikein gesê gewoonlik word aardskuddings wat minder as 4 op die Richterskaal meet, nie as ernstig beskou nie omdat dit nie eintlik groot skade aanrig nie.

Republikein het ook in November 2018 berig dat ‘n aardbewing wat 3,7 op die Richterskaal gemeet het, in die Anker-gebied in die noordweste van die land voorgekom het.

Sitali het toe gesê daar het tussen Maart en November reeds vyf beduidende aardbewings in die gebied voorgekom – almal het tussen 4,1 en 4,6 op die Richterskaal gemeet. Die ministerie van myne en energie sê egter aardbewings is 'n seldsame gebeurtenis in Namibië. - [email protected]

Soortgelyk

 

Vandag se Covid-19-data

7 ure gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

8 ure gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

13 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

1 dag gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

1 dag gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

1 dag gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

1 dag gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

1 dag gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

1 dag gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...