Aanvaller skuil in voëlnes

Polisiehelikopter, honde-eenheid ontplooi

08 November 2019 | Misdaad
Henriette Lamprecht – Drie verdagtes was gister agter tralies ná ’n aanval op ’n bejaarde boer, sy vrou en een van die werkers op hul plaas.

Mnr. Andries van Vuuren (75) is vasgebind en erg aangerand, terwyl sy vrou, Nina (75), en ’n plaaswerker ook volgens die polisiewoordvoerder adj.komm. Edwin Kanguatjivi vasgebind is.

Die aanval was op die plaas Kentanie naby Kalkrand in die Marientaldistrik.

Volgens Kanguatjivi is die drie verdagtes werkers op die plaas, waarvan twee net een dag lank daar gewerk het.

Nina is in die tuin oorval en vasgebind. Sy kon daarin slaag om haar los te wikkel en het haarself in die plaashuis gaan toesluit, vanwaar sy bure om hulp gebel het.

’n Groep boere wat toevallig besig met ’n boereverenigingvergadering was, kon vinnig op haar noodroep reageer.

Van Vuuren is vermoedelik oorval toe hy met ’n voertuig op die plaas besig was om voer onder sy diere uit te deel.

Hy is met bale draad in ’n voerbak vasgemaak en erg aangerand. Die drie verdagtes het daarná met sy voertuig op die vlug geslaan.

Die verdagtes het noord van Kentani oor Kaukerus in die rigting van Cowdray beweeg, waar van die boere en lede van die buurtwag ’n voertuig dwarsoor die Uhlenhorst-Rehobothpad pad geparkeer het in ’n poging om die verdagtes in hul spore te stuit.

Bure het die verdagtes ook met twee voertuie agternagesit, wat met Van Vuuren se voertuig gevlug het. Dié se bande is stukkend geskiet en twee van die verdagtes is vasgetrek. ’n Derde het egter wes, in die rigting van Kalkrand, gehardloop.

Alle polisie-eenhede, wat die lug- en honde-eenheid insluit, is ontplooi en die derde verdagte is teen die middaguur vasgetrek waar hy in ’n versamelnes in ’n kameeldoringboom weggekruip het.

Intussen het die Gesamentlike Misdaadvoorkomingsforum (JCPF) by monde van sy voorsitter sy dank teenoor die gemeenskap, die polisie, en die Hardapstreekgemeenskap vir hul samewerking en vinnige optrede uitgespreek.

“Ons is dankbaar die Van Vuurens is buite lewensgevaar en ons is dankbaar vir die toegewyde individue en dissipline wat daartoe gelei het dat die verdagtes voor die gereg gebring is,” het mnr. Thinus Pretorius namens die JCPF in ’n verklaring gesê.

Volgens Kanguatjivi sal die drie verdagtes onder meer op aanklagte van roof in die hof verskyn.

- [email protected]

Soortgelyk

 

Von Bachdam bereik 89%-merk

8 ure gelede | Omgewing

Elvira Hattingh - Die Von Bachdam was vanmiddag om 12:00 presies 89% vol en het steeds 6,4 m³ water per sekonde ontvang. Maandag was dit...

Okahandjarivier saai wéér amok

10 ure gelede | Omgewing

Elvira Hattingh - Die Okahandjarivier het gisternag wéér mnr. James Roux se kleinhoewe buite Okahandja oorstroom en boonop vroegoggend een persoon meegesleur. Die polisie, asook...

Steeds geen kontrak vir diens aan Psemas

22 ure gelede | Gesondheid

Henriette Lamprecht - Die staat se mediese fonds (Psemas) se nuwe kontrak met gesondheidsdiensverskaffers wat reeds sedert 2017 sloer, is weer uitgestel, die keer tot...

Beeste uit Botswana vul tekort aan

22 ure gelede | Byvoegsels

Ronelle Rademeyer - Sowat vier maande nadat Botswana sy grens vir die uitvoer van lewende slagbeeste na Namibië oopgestel het, kon Meatco op Dinsdag 18...

Boer skiet glo 'mieliedief'

22 ure gelede | Misdaad

Francoise Steynberg - 'n Boer van Tsumeb het Maandag op ‘n klag van poging tot moord in die landdroshof verskyn nadat hy glo ‘n vermeende...

Weer, Woensdag 26 Februarie 2020

22 ure gelede | Weer

BINNELAND: Gedeeltelik bewolkte en baie warm weer sal in die Kunene-Wesstreek heers. Elders sal dit gedeeltelik bewolk en warm tot baie warm wees met geïsoleerde,...

Samherji-werkers afgelê

22 ure gelede | Misdaad

Leandrea Louw – Sowat 210 werknemers van die vaartuie MV Saga en MV Geysir gaan aanstaande maand afgelê word. Die werknemers is vroeër vandeesmaand gestrand...

Posisioneer jouself betyds vir groter wins

22 ure gelede | Landbou

Christo du Plessis, Dierevoedingskundige: Feedmaster – In hierdie artikel kyk ons na die sleutelkwessies in rooivleisproduksie wat wins dryf, en hoe fosforaanvulling produsente se winsgewendheid...

N$14 miljoen vir kragprojek bewillig

22 ure gelede | Regering

Yandi du Plessis - ’n Sooispitseremonie vir die voorsiening van krag aan die Otjomuise- en Havana informele nedersettings het Vrydag in Otjomuise in die hoofstad...