Aansoek uitgestel om SME Bank-likwidateurs te stop

Bruni en McLaren vra duisende se sekuriteit

05 March 2018 | Howe
Fred Goeieman - Die likwidateurs in die SME Bank-sage eis sekuriteit ter waarde van N$500 000 van die Metropolitan Bank of Zimbabwe en World Eagle Properties vir kostes.

Mnre. David Bruni en Ian McLaren, die aangestelde likwidateurs van die SME Bank, het dít geëis nadat ‘n dringende aansoek vir die tersydestelling van 'n hofbevel deur die twee Zimbabwiese maatskappye gebring is.

Die Zimbabwiërs eis dat terwyl hofdokumente tussen die twee partye uitgeruil word en totdat die saak aangehoor word, die likwidateurs nie hul magte mag uitoefen om enige geld aan deponeerders van die SME Bank uit te betaal nie.

Hulle is ook versoek om geen regsgeleerdes in Namibië, Zimbabwe of Suid-Afrika by verdere litigasie te betrek nie.

Ander respondente wat in die saak genoem word, is die Namibia Financing Trust, die meester van die hoërhof, die regering, die ministerie van nywerheidsontwikkeling, handel en SME-ontwikkeling, die minister van finansies en die Bank of Namibia.

Op 2 Februarie vanjaar het die hoërhof in Windhoek aan Bruni en McLaren toestemming gegee om enige geding, soos vereis in die hoër howe van Suid-Afrika en van Zimbabwe, aanhangig te maak om die SME Bank se vermiste N$174,4 miljoen op te spoor.

Ná ‘n dringende aansoek het adjunkregterpresident Hosea Angula beslis dat die twee, as amptelike likwidateurs van die SME Bank, gemagtig is om enige geding, insluitende die herwinning van vaste en roerende bates asook geregtelike herstel, soos nodig, uit te voer om die bank se sake af te handel.

Hulle is ook toegelaat om beperkte bedrae aan deponeerders uit te betaal.

Die twee Zimbabwiese aansoekers in die huidige saak wil Angula se uitspraak ter syde laat stel.

Regter Thomas Masuku het die saak tot 19 Maart vir argumente uitgestel.

“Die bepaling van koste en verwante sake staan oor,” het Masuku gesê.

Daar was ‘n vertraging in die bediening van hofstukke op die likwidateurs wat geen tyd gehad het, nadat hulle die dokumente op 26 Februarie ontvang het, om beëdigde verklarings by die hof in te dien nie.

Die likwidateurs het in hul aansoek vir sekuriteit vir koste die Zimbabwiërs ook ingelig dat indien hulle beswaar maak teen hul aanspreeklikheid om sekuriteit te verskaf, hulle by die hoërhof sou aansoek doen dat die regter in die saak ‘n bevel vir sekuriteit moes uitreik.

Die likwidateurs hou vol hulle is weens die posisie waarin hulle hulself bevind, verplig om sekuriteit vir die koste te vra.

Caption: Advokaat Raymond Heathcote met een van die likwidateurs in die SME Bank-sage, mnr. Dave Bruni. Foto Fred Goeieman

Soortgelyk

 

Rehoboth se kapteinskantoor toe

2 ure gelede | Plaaslik

Mnr. John McNab, kaptein van die Rehoboth Baster Gemeente, sê hy het mnr. Martin Dentlinger se bedanking aanvaar. Daarmee is die provisional kaptein en voormalige...

Vier mans vas oor onwettige wapens

2 ure gelede | Misdaad

Vier mans is die naweek by 'n padblokkade by Otjiwarongo met onwettige vuurwapens en ammunisie in 'n voertuig vasgetrek. Volgens die Namibiese polisie se misdaadverslag...

Shifeta: Houtkappery is onwettig

14 ure gelede | Omgewing

Catherine Sasman – Nie ‘n enkele omgewingsklaringsertifikaat is ooit uitgereik vir die afkap van en kommersiële handel in hout nie. Dit beteken die grootskaalse...

Afwagting groot vir Mars-landing

14 ure gelede | Tegnologie

Ronelle Rademeyer - Knap voor tienuur Namibiese tyd vanaand land die ruimteman dr. Japie van Zyl en sy span se InSight-verkenningstuig ná ’n reis van...

Staal van Otavi binnekort ’n werklikheid

14 ure gelede | Byvoegsels

Die lank verwagte staalaanleg op Otavi het vandeesmaand ’n stap nader aan die werklikheid gekom toe Nedbank onderneem het om die N$2,7 miljard-projek te finansier.Die...

Telecom: Jooste vererg oor Klein-skorsing

14 ure gelede | Plaaslik

Yanna Smit Volgens berigte Vrydag op sosiale media is die uit­voerende hoof van Telecom Namibia, mnr. Theo Klein, geskors ná 'n ondersoek na 'n oënskynlik...

WEER VIR 26 NOVEMBER

14 ure gelede | Weer

BINNELAND: Gedeeltelik bewolk en baie tot bloedig warm met geïsoleerde tot verspreide­ donderbuie op plekke, die verre Suide en Suidweste uitgesluit.KUS: Gedeeltelik bewolk en koel...

Wildsfees kry nuwe baadjie

14 ure gelede | Byvoegsels

Groot veranderinge word vir volgende jaar se bekende Outjo Wildsfees beplan. Nuwe lewe word in die fees geblaas deur 'n benadering, vroeë beplanning en topkunstenaars....

Dippenaar-saak: Getuie dreig glo ander

14 ure gelede | Howe

Erwin Leuschner – ’n Getuie in die moordverhoor van mnr. Jandré Dippenaar het Donderdag 'n saak van aanranding deur dreigement by die Swakop-polisiekantoor aangegee, met...