Aanlyn geldskema oortree wet
Die Bank of Namibia waarsku die publiek om nie by ’n nuwe piramideskema op die internet betrokke te raak nie.
Ronelle Rademeyer - ’n Nege maande oue geldmaakskema wat aanlyn beleggers se “drome” waar maak deur opbrengste van so hoog as 75% te beloof, oortree volgens die Bank of Namibia (BoN) die Wet op Bankinstellings (wet no. 2 van 1998).
Die sentrale bank het Namibiërs gister gewaarsku om nie by die finansiële skema MyLife Change247 (MLC 247) betrokke te raak nie, aangesien dit ’n bedrogspul is.
Dit is op 11 Januarie vanjaar deur ’n Noorweër, mnr. Olsen Larsen, in Suid-Afrika begin. Hy het lank in Kaapstad gewoon.
Dié skema, wat op die piramidemodel geskoei is, lok beleggers volgens ’n aanlyn voorlegging met enorme opbrengste. Só byvoorbeeld kan ’n “donasie” van N$200 binne ses maande tot N$5 745 groei en N$2 000 tot N$57 446.
Die BoN sê hy het die sakemodel ontleed en bevind dit is ’n oortreding van artikels 5(1)(b) en 55A van die wet.
“Dit behels ’n eweknie-tot-eweknie geldruiling waarin potensiële lede ’n hoë opbrengs in ’n kort tyd belowe word deur ’n ‘droom’ te skep en te baat by die skenking van ’n ander lid wat daardie ‘droom’ waar maak,” sê die BoN in ’n verklaring.
Verder is daar nie van enige finansiële produkte sprake nie en word lede aangemoedig om ander lede te werf sodat hulle “in hul slaap” kan geld maak deur kommissie te verdien.
“Volgens die bank se ontleding is dié sakemodel nie volhoubaar nie en kan dit tot geldelike verliese vir die publiek lei.”
Die BoN waarsku verder dat sou lede van die publiek deel word van hierdie skema, hulle die wet oortree en ’n boete of tronkstraf opgelê kan word.
’n Plasing hieroor gister op Republikein se Facebook-blad het ’n stortvloed van kommentaar ontlok.
Ofskoon die meeste mense saamgestem het beleggingskemas wat sulke opbrengste beloof gewoonlik ’n bedrogspul is, was daar Namibiërs wat sê hulle het in MLC 247 belê en geld gemaak.
“Ek het my geld ontvang. Julle skeptiese klomp kan maar sweet vir jul geld . . . Ek sal vir julle lugverkoelers koop,” het mnr. Max Castellano Anderson gesê.
MLC 476 sê in sy aanlyn voorlegging hy het reeds meer as 80 000 lede in Afrika en wil uiteindelik in meer as 50 lande op die vasteland sake doen.
Saamtrekke om lede te werf is al op verskeie dorpe in die land gehou.
Die sentrale bank het Namibiërs gister gewaarsku om nie by die finansiële skema MyLife Change247 (MLC 247) betrokke te raak nie, aangesien dit ’n bedrogspul is.
Dit is op 11 Januarie vanjaar deur ’n Noorweër, mnr. Olsen Larsen, in Suid-Afrika begin. Hy het lank in Kaapstad gewoon.
Dié skema, wat op die piramidemodel geskoei is, lok beleggers volgens ’n aanlyn voorlegging met enorme opbrengste. Só byvoorbeeld kan ’n “donasie” van N$200 binne ses maande tot N$5 745 groei en N$2 000 tot N$57 446.
Die BoN sê hy het die sakemodel ontleed en bevind dit is ’n oortreding van artikels 5(1)(b) en 55A van die wet.
“Dit behels ’n eweknie-tot-eweknie geldruiling waarin potensiële lede ’n hoë opbrengs in ’n kort tyd belowe word deur ’n ‘droom’ te skep en te baat by die skenking van ’n ander lid wat daardie ‘droom’ waar maak,” sê die BoN in ’n verklaring.
Verder is daar nie van enige finansiële produkte sprake nie en word lede aangemoedig om ander lede te werf sodat hulle “in hul slaap” kan geld maak deur kommissie te verdien.
“Volgens die bank se ontleding is dié sakemodel nie volhoubaar nie en kan dit tot geldelike verliese vir die publiek lei.”
Die BoN waarsku verder dat sou lede van die publiek deel word van hierdie skema, hulle die wet oortree en ’n boete of tronkstraf opgelê kan word.
’n Plasing hieroor gister op Republikein se Facebook-blad het ’n stortvloed van kommentaar ontlok.
Ofskoon die meeste mense saamgestem het beleggingskemas wat sulke opbrengste beloof gewoonlik ’n bedrogspul is, was daar Namibiërs wat sê hulle het in MLC 247 belê en geld gemaak.
“Ek het my geld ontvang. Julle skeptiese klomp kan maar sweet vir jul geld . . . Ek sal vir julle lugverkoelers koop,” het mnr. Max Castellano Anderson gesê.
MLC 476 sê in sy aanlyn voorlegging hy het reeds meer as 80 000 lede in Afrika en wil uiteindelik in meer as 50 lande op die vasteland sake doen.
Saamtrekke om lede te werf is al op verskeie dorpe in die land gehou.
Kommentaar
Republikein
Geen kommentaar is op hierdie artikel gelaat nie