Aanhoudingselle in Katutura opgeknap
Die Namibiese polisie gaan die aanhoudingselle by die Katutura-polisiekantoor tydelik sluit om die weg vir opknappingswerk te baan. Tans is die selle nie vir aangehoudenes geskik nie.
Volgens die polisie se inspekteur-generaal, luitenant-generaal Sebastian Ndeitunga, is die selle nie geskik om die invloei van aangehoudenes te huisves wat dit op ‘n gereelde basis kry nie.
Hy het voorts gesê die meeste van die selle is oorvol. Die polisie het reeds begin om van die aangehoudenes na ander selle op onder meer Dordabis en Otjomuise te verskuif.
“Ons beplan om al die aangehoudenes teen die einde van April te verskuif,” het hy gesê. Hy kon egter nie sê wanneer met opknappings begin sal word en wat die koste daaraan verbonde is nie. - Nampa
Volgens die polisie se inspekteur-generaal, luitenant-generaal Sebastian Ndeitunga, is die selle nie geskik om die invloei van aangehoudenes te huisves wat dit op ‘n gereelde basis kry nie.
Hy het voorts gesê die meeste van die selle is oorvol. Die polisie het reeds begin om van die aangehoudenes na ander selle op onder meer Dordabis en Otjomuise te verskuif.
“Ons beplan om al die aangehoudenes teen die einde van April te verskuif,” het hy gesê. Hy kon egter nie sê wanneer met opknappings begin sal word en wat die koste daaraan verbonde is nie. - Nampa
Kommentaar
Republikein
Geen kommentaar is op hierdie artikel gelaat nie