Aan Basterkaptein John McNab

06 December 2018 | Menings
AD VAN WYK SKRYF:

Geagte Kaptein John McNab.

Na aanleiding van u persverklaring gepubliseer in Republikein van Woendag 28 November 2018 kon ek nie anders as om aan u terug te skrywe nie.

As lid van die Rehoboth Baster Gemeente (RBG) voel ek baie teenstrydig met u verklaring. Ek het gemengde gevoelens weens 'n klomp sake wat u deurgaans tydens u bewind van 19 jaar nie uitgevoer het nie, en daarbenewens toegelaat het dat die RBG-erfenis van die erfgename vervreem is en hulle sodoende verontreg is, om maar 'n paar kwessies op te noem.

Feite lees as volg: Rehoboth se boedel van die RBG is 'n soewereine staat in Namibië en nie 'n provinsiale gebied van Namibië nie, soos Lesotho.

Myns insiens het Rehoboth nog nooit deel uitgemaak van Namibiese grond nie. Rehoboth is 'n staat op sy eie, en so moet dit behoue bly.

Nie eens die SWA-regering kon die grense van Rehoboth verskuif nie. So het die huidige Swapo-regime ook nie die reg gehad om die grense van Rehoboth te skuif nie.

In hierdie verband neem ek die huidige kaptein en sy raad as trustees kwalik hou hulle verantwoordelik omdat hulle hul plig versuim het deur die RBG nie in kennis te stel van sodanige verwikkelinge nie. My gevoel is dat sameswering plaasgevind het deur nie die situasie aan die gemeente bekend te maak nie.

Tydens die bewind van kaptein Hans Diergaardt het hy telkemale in vergaderings die “belangrikheid” beklemtoon dat die Basters van Rehoboth 'n inheemse volk is, en so moet bly.

Hulle mag hulle nie meng met ander politieke partye en deel hê aan stemmery nie. Sodoende word hulle erfenis bewaar en het hulle die Vaderlike Wette as wetgewing wat hulle kan gebruik as regstelsel.

Met dit in gedagte vra ek u wat moet die Ombudsman van die Swapo-regime maak in 'n boedel van die RBG as die kaptein die soewereiniteit het om sake rakende die gemeente te hanteer?



PLIGSVERSUIM

Voor u as kaptein verkies was, was daar alreeds 'n agterstallige kwota werk van die voormalige kaptein wat u moes afgehandel het.

Daar is gemeentelede van die jare tagtig wat nog steeds wag op hulle burgererwe. Dit het net doodgeloop. Ek wil weet wat het geword daarvan?

U sê: “Die Namibiese Staat onderneem per konstitusionele orde om die waardigheid van elke individu te bevorder?"

Swapo bevorder China en nie eens die Namibiese kind nie.

Wat loop soek u daar, terwyl daar gemeentelede is wat vir meer as 20 jaar in haglike behuisingstoestande lewe? Nou vra ek u met trane in my mooi, bruin oë: hoe gebeur dit? Dit terwyl die volk 'n verkose kaptein, agbare mnr. John McNab het wat verkies is om die belange van die RBG op sy skouers te dra?

'n Soewereine posisie beteken as ek byvoorbeeld die direkteur van 'n onderneming is, is ek verantwoordelik om die publiek te dien, so ook om seker te maak ek lewer 'n uitstekende diens; sien toe dat my werkers hulle werk doen en ook dat hulle beloning vir hulle dienste ontvang, want ek is daarmee toevertrou deur 'n oppergesag, sowel as die gemeenskap.

In die val van die RBG is u deur die Hemelse Allerhoogste God aangestel, en so sal u moet gaan verantwoording doen wat het u met sy volk gemaak. Hulle mislei en hulle oë met klei toegegooi en gesmeer, of wat?

Dis nie net van om in die koerant te skryf u is die verkose kaptein van Rehoboth nie, en dis nou daar klaar nie.



BURGERERWE, HULPBRONNE

EN BATES

Erwe moet verdeel word onder RBG-lede en onthou: almal wat in Rehoboth bly, is Basters, hetsy wit, swart, pienk of geel, want hulle het hul met die Vaderlike Wette vereenselwig.

Baie van die gemeente sit tot en met vandag toe sonder erwe, terwyl ontwikkelaars voordeel trek uit die sisteem wat tans deur die Rehoboth-dorpsraad toegepas word. Getroude pare huur eenslaapkamerwoonstelle en bewoon dit, wyl hulle twee tot vier kinders moet grootmaak.

Vra ek u weer: watter soort gemeenskap is u besig om te bou? Een wat 'n goeie samelewing kan voortbou, of een wat 'n slegte samelewing kan voortbou?

Om dit alles te kroon, gaan dit al vir twee generasies so. Geen leier kan so dink nie!

Minerale word ontgin en grond verkoop aan verskillende instansies wat nie deur die kapteinskantoor goedgekeur is nie, maar eerder deur Rehoboth-dorpsraad. En waarheen gaan die geld?

Vandat u aan bewind gekom het, het die kapteinskantoor toe gebly, en ek praat nou nie van die tyd van mnr. Jan van Wyk wat dit vir aangeleenthede van die United People's Movement gebruik het nie. Ek praat van die tyd na die voormalige kaptein.

Daar is gemeentesake, grondsake, besigheidsake, dorpsbestuur, water, krag, bates soos die kapteinshuis, Reho Spa, ens.

Dis belaglik dat nog nie een van hierdie onderwerpe wat ek nou lug, aandag geniet het nie. Nog niks is uit die kapteinskantoor gevra nie; dis doodstil.

Die kantoor van die kaptein is nog steeds toe. Ry nou en gaan kyk, met boonop so 'n flou verskoning van geen personeel nie. Dis pateties.

As die Herder nou sy skape bymekaar roep, wonder ek wat sal gebeur, want ek glo nie daar is nog skape wat die stem sal herken nie.

Finansiële verslae is nog nooit aan die gemeente bekend gemaak nie, maar grond word links en regs verkoop. Die kaptein weet van niks. Of hy eet saam.



DENTLINGER SE AFDANKING

Ek verneem tydens u siekte het u aan mnr. Martin Dentlinger die mandaat gegee om die waarnemende kapteinspos te beklee.

Ek moet sê, dinge het weer begin lewe in die RBG. Nie vir almal nie, maar vir die bietjie wat daar nog oorgebly het. Groot ding - die kantoor van die kaptein het weer oopgegaan. Gemeentelede kon na die radio luister en sake kon aangehoor word, wat baie belangrike inligting bevat.

Ek is van mening dat mnr. Dentlinger nie politiek saai nie, maar die waarheid praat en dis al wat nodig is. Politiek is vuil en as jy jou skuldig of vuil gemaak het, dan maak dit jou skaam om nie na vore te kom nie, of om stil te bly oor dinge wat reg is, en die waarheid toe te maak.

Maar kom ek sê vir u: daar is drie dinge wat altyd uitkom. Die son, die maan en die waarheid.

Ek het nie raakgelees dat 'n skriftelike bedanking van mnr. Dentlinger ontvang is nie, so ek sal graag 'n afdruk daarvan wil bekom wanneer die kantoor oop is, want dis vir my van belang.

Ek sien uit na u volgende RBG-vergadering, sodat ons ons sê kan sê.

Soortgelyk

 

Honderde miljoene vir veevoer nodig

23 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

23 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

23 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

23 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

23 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

23 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

23 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

23 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

23 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...