8 rykes besit soveel as helfte van mensdom
Net agt individue, almal mans, besit soveel welvaart as die armste helfte van die mensdom.
Dit is volgens ’n verslag waarin Oxfam vra belonings vir rykes moet beperk word.
Met besluitnemers en baie van die wêreld se superrykes wat dié week die Wêreld Ekonomiese Forum (WEF) se jaarlikse vergadering in Davos, Switserland, bywoon, sê Oxfam se verslag die welvaartgaping is groter as ooit tevore.
Nuwe inligting oor China en Indië is nou in die verslag ingesluit wat wys die armste helfte van die mensdom besit selfs minder as wat voorheen beraam is.
As die nuwe data vroeër beskikbaar was, sou dit gewys het in 2016 het nege mense dieselfde welvaart besit as die 3,6 miljard mense wat die armste helfte van die mensdom is eerder as die 62 waarop daar toe gereken is.
Volgens die nuutste berekeninge het die 43 rykste mense in 2010 dieselfde besit as die armste 50% van die mensdom.
Ongelykheid het die afgelope paar jaar op die agenda gestyg met onder meer die hoof van die Internasionale Monetêre Fonds en die pous wat teen sy afbrekende effek gewaarsku het terwyl teenkanting teen die elite gehelp het om populistiese politieke sieninge aan te vuur.
“Ons sien baie handdrukke, en duidelik gee Donald Trump se oorwinning en Brexit nuwe stukrag vir vanjaar. Dit is duidelik daar is ’n gebrek aan konkrete alternatiewe maniere om sake te doen,” sê Max Lawson, Oxfam se hoof van beleid.
“Daar is verskillende maniere om kapitalisme te bestuur wat baie, baie meer voordelig vir die meerderheid mense sal wees.”
Oxfam doen ’n beroep in sy verslag op owerhede om op te tree teen belastingontduiking en om weg te beweeg van “aangewakkerde” aandeelhouer-kapitalisme wat rykes buite verhouding uitbetaal.
Die welvaart van superrykes het gemiddeld met 11% per jaar sedert 2009 gestyg terwyl baie werkers sukkel met hul inkomste wat stagneer.
Bill Gates, die wêreld sy rykste man wat die vergadering in Davos dikwels bywoon, het sy fortuin met 50% of US$25 miljard sien groei sedert hy in 2006 aangekondig het hy beplan om Microsoft te verlaat. Dit is ongeag sy pogings om baie daarvan weg te gee.
Hoewel Gates ’n voorbeeld is van hoe uitermatige rykdom gebruik kan word om die armes te help, meen Oxfam sulke “groot filantropie” nie help om die fundamentele probleem op te los nie.
“As miljardêrs besluit om hul geld weg te gee is dit goed. Maar ongelykheid maak saak en jy kan nie ’n stelsel hê waar miljardêrs stelselmatig laer tariewe en belasting as hul sekretaresse of skoonmaker betaal nie,” sê Lawson.
Oxfam gebruik inligting van die Switserse bank Credit Suisse en Forbes om sy berekeninge te doen.
Die agt individue is Gates, Amancio Ortega, die stigter van Inditex, die belegger Warren Buffett, Carlos Slim van Mexiko, Amazon se baas, Jeff Bezos, Mark Zuckerberg van Facebook, Larry Ellison van Oracle en die voormalige burgemeester van New York, Michael Bloomberg. Netwerk24/Reuters
Dit is volgens ’n verslag waarin Oxfam vra belonings vir rykes moet beperk word.
Met besluitnemers en baie van die wêreld se superrykes wat dié week die Wêreld Ekonomiese Forum (WEF) se jaarlikse vergadering in Davos, Switserland, bywoon, sê Oxfam se verslag die welvaartgaping is groter as ooit tevore.
Nuwe inligting oor China en Indië is nou in die verslag ingesluit wat wys die armste helfte van die mensdom besit selfs minder as wat voorheen beraam is.
As die nuwe data vroeër beskikbaar was, sou dit gewys het in 2016 het nege mense dieselfde welvaart besit as die 3,6 miljard mense wat die armste helfte van die mensdom is eerder as die 62 waarop daar toe gereken is.
Volgens die nuutste berekeninge het die 43 rykste mense in 2010 dieselfde besit as die armste 50% van die mensdom.
Ongelykheid het die afgelope paar jaar op die agenda gestyg met onder meer die hoof van die Internasionale Monetêre Fonds en die pous wat teen sy afbrekende effek gewaarsku het terwyl teenkanting teen die elite gehelp het om populistiese politieke sieninge aan te vuur.
“Ons sien baie handdrukke, en duidelik gee Donald Trump se oorwinning en Brexit nuwe stukrag vir vanjaar. Dit is duidelik daar is ’n gebrek aan konkrete alternatiewe maniere om sake te doen,” sê Max Lawson, Oxfam se hoof van beleid.
“Daar is verskillende maniere om kapitalisme te bestuur wat baie, baie meer voordelig vir die meerderheid mense sal wees.”
Oxfam doen ’n beroep in sy verslag op owerhede om op te tree teen belastingontduiking en om weg te beweeg van “aangewakkerde” aandeelhouer-kapitalisme wat rykes buite verhouding uitbetaal.
Die welvaart van superrykes het gemiddeld met 11% per jaar sedert 2009 gestyg terwyl baie werkers sukkel met hul inkomste wat stagneer.
Bill Gates, die wêreld sy rykste man wat die vergadering in Davos dikwels bywoon, het sy fortuin met 50% of US$25 miljard sien groei sedert hy in 2006 aangekondig het hy beplan om Microsoft te verlaat. Dit is ongeag sy pogings om baie daarvan weg te gee.
Hoewel Gates ’n voorbeeld is van hoe uitermatige rykdom gebruik kan word om die armes te help, meen Oxfam sulke “groot filantropie” nie help om die fundamentele probleem op te los nie.
“As miljardêrs besluit om hul geld weg te gee is dit goed. Maar ongelykheid maak saak en jy kan nie ’n stelsel hê waar miljardêrs stelselmatig laer tariewe en belasting as hul sekretaresse of skoonmaker betaal nie,” sê Lawson.
Oxfam gebruik inligting van die Switserse bank Credit Suisse en Forbes om sy berekeninge te doen.
Die agt individue is Gates, Amancio Ortega, die stigter van Inditex, die belegger Warren Buffett, Carlos Slim van Mexiko, Amazon se baas, Jeff Bezos, Mark Zuckerberg van Facebook, Larry Ellison van Oracle en die voormalige burgemeester van New York, Michael Bloomberg. Netwerk24/Reuters
Kommentaar
Republikein
Geen kommentaar is op hierdie artikel gelaat nie