7’s-kansellasie: Saru minstens R30 miljoen armer

31 July 2020 | Sport
Marnus Kok – Die Suid-Afrikaanse Rugbyunie (Saru) het die afgelope twee seisoene jaarliks meer as R30 miljoen wins gemaak as gasheer van die Kaapstad-sewestoernooi.
Met Wêreldrugby wat Woensdag aangekondig het dat dié gewilde toernooi in die Moederstad – en Dubai ’n week voor dít – weens die Covid-19-pandemie afgelas is, sal dit ’n yslike gat in Saru se beursie los.
Vanjaar se toernooi sou van 4 tot 6 Desember in Kaapstad plaasgevind het. Dit val tradisioneel in die vakansietyd wanneer toeriste na die Wes-Kaap stroom – wat beteken dat die stadion dikwels stampvol is.
In 2018 het Saru ’n inkomste van R74,7 miljoen uit die aanbied van die byeenkoms verdien en verlede jaar was dit R80,3 miljoen. Dié syfers is vervat in Saru se jaarverslag vir 2019.
Die bedryfsuitgawes vir die toernooi in 2019 (R46,6 miljoen) was effens meer as die vorige jaar (R36,9 miljoen). Dit het beteken dat Saru ’n wins van meer as R33 miljoen in 2019 gemaak het uit die Kaapse skouspel, teenoor amper R38 miljoen in 2018.
Die effens kleiner wins in 2019 is straks daaraan te wyte dat die toernooi verlede jaar die eerste keer oor drie dae beslis is en ook ’n vrouetoernooi – wat uit 12 spanne bestaan het – ingesluit en dus meer uitgawes beteken het.
In 2019 het altesaam 119 539 toeskouers die drie dae deur die hekke by die Kaapstad-stadion gestroom, teenoor die 107 905 in 2018.
Behalwe vir die verlies aan inkomste vir Saru, sal die toernooi se kansellasie ook ’n geweldige terugslag vir die Wes-Kaapse toerismesektor wees.
Dié bedryf sukkel reeds om te midde van die Covid-19-pandemie kop bo water te hou, en hoop straks dat die vakansieseisoen – met die Kaapstad-sewestoernooi wat ’n belangrike deel hiervan sou uitmaak – aan die einde van die jaar sake effens kan beredder.
Dan Plato, burgemeester van Kaapstad, sê dit was te wagte dat vanjaar se sewestoernooi in die Moederstad nie sou kon plaasvind nie gegewe die situasie rondom die koronavirus.
“As die Kaapstad-metro is ons uit die aard van die saak teleurgesteld dat die sewes nie vanjaar hierheen gaan kom nie, aangesien dit nie net een van die voorste plaaslike byeenkomste is nie, maar ook ’n diverse verskeidenheid mense wat ’n liefde vir sport deel na die stad bring.
“Daarby gee dit die stad se ekonomie ’n inspuiting van meer as R700 miljoen.”
Volgens Geoff Jacobs, president van die Kaapse Kamer van Koophandel en Nywerheid, is dit moeilik om die verlies te kwantifiseer.
“Die (vorige) sewestoernooie het duisende plaaslike ondersteuners en internasionale toeriste gelok, so dit is voor die hand liggend dat die lugrederye, hekinkomste, die hotelle, B&B’s, die algemene finansies van Saru, die inkomste uit advertensies, sowel as die kos- en drankmaatskappye, almal deur die kansellasie van vanjaar se toernooi geraak word.
“Dit is nie maklik om die verlies in syfers om te sit nie. Die vermenigvuldiger-effek van elke rand wat deur ’n toeris bestee word moet in ag geneem word, sowel as die finansiële voordeel van heffings, belasting en aksynsbelasting – dit alles val vanjaar weg,” sê Jacobs.
Donald Kau, woordvoerder van die V&A Waterfront, wat ’n klipgooi van die Kaapstad-stadion is, sê hulle baat onder normale omstandighede beslis deur toeskouers wat kom rugby kyk.
“Die teenwoordigheid van die sewestoernooi oor daardie naweek is ’n geweldige inspuiting vir handel in die V&A, omdat rugbyondersteuners dikwels as ’n familie ons sal besoek om ’n ete te geniet, die aantreklikhede wat ons het te besigtig en selfs inkopies te doen terwyl hulle hier is.
“Die toernooi word tradisioneel beslis aan die begin van die somervakansie, wanneer meer as 80 000 mense die V&A daagliks besoek. Die toernooi dra aansienlik by tot hierdie getalle,” sê hy. – Netwerk24

Soortgelyk

 

Vandag se Covid-19-data

40 minute gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

1 uur gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

6 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

17 ure gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

17 ure gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

17 ure gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

17 ure gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

17 ure gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

17 ure gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...