5 193 ding om 120 visvangregte mee

Reusetoename in belangstelling

07 September 2018 | Ministeries
Catherine Sasman - Die ministerie van visserye en mariene hulpbronne het teen 31 Augustus 'n totaal van 5193 aansoeke om visvangregte ontvang, waarvan tussen 90 en 120 beskikbaar is.

Dit is 'n reusetoename in belangstelling teenoor vorige aansoeke waarvan daar net tussen 500 en 1 500 was.

Die minister, mnr. Bernard Esau, het Woensdag gesê die spertyd vir visvangregte sal nie verder uitgestel word nie. Teen Woensdag is die aansoeke in 'n kluis by die ministerie gehou en die koeverte is nog nie oopgemaak nie.

Oor sowat twee weke sal die name van vanjaar se aansoekers om visvangregte, opgedeel volgens spesies waarvoor aansoek gedoen is, in koerante gepubliseer word en ook op die ministerie se webtuiste beskikbaar wees.

Aansoekers wat getuigskrifte het wat uitgereik is deur amptenare wat die aansoeke ontvang het, sal hul aansoeke kan bevestig.

Esau het gesê 'n evalueringskomitee bestaande uit kundiges sal binnekort aangekondig word. Die evaluering sal volgens die gegewe kriteria van die mariene hulpbronnewet plaasvind.

“Die kontrolelys is duidelik en deursigtig,” het Esau gesê, en bygevoeg die proses sal baie streng wees.

"Die beleidsdoelwit is om betekenis te gee aan die regering se beleid van inklusiwiteit en veral die bemagtiging van voorheen benadeelde Namibiërs, terwyl verseker word dat ons Namibiese werksgeleenthede en beleggings in ons mariene vissery-subsektor beskerm," het hy gesê.

Die evalueringskomitee sal bestaan uit gekeurde professionele mense, het die minister gesê.

Suksesvolle aansoekers sal teen die einde van 2018 daarvan in kennis gestel word.

Esau het gesê omdat die visbedryf se bronne beperk is, kan visvangregte nie aan alle Namibiërs, en veral nie alle aansoekers, toegeken word nie. Dit sal die sektor ekonomies nie-volhoubaar maak, het hy gesê.

“'n Vry-vir-almal situasie sal tot 'n onvolhoubare geskarrel vir hierdie natuurlike hulpbron lei, wat tot die hulpbron se ineenstorting sal lei. Ek is toegewy aan die versekering van die langtermynvolhoubaarheid van ons visvoorraad, wat slegs op volhoubare vlakke geoes moet word, soos bepaal deur wetenskaplike studies. Dit is ter wille van die huidige én toekomstige geslag Namibiërs," het Esau gesê.

Soortgelyk

 

Wilde perde: Jongste vul reeds aangeval

5 ure gelede | Ministeries

Tanja Bause - Enige hoop op oorlewing van die Namib se wilde perde krimp al meer, terwyl die ministerie van die omgewing en toerisme na...

Leerlingdokters 'van swakker gehalte'

5 ure gelede | Onderwys

Henriette Lamprecht - Namibië bestee al ses jaar lank geld aan die opleiding van mediese studente in die buiteland.Volgens mnr. Cornelius Weyulu, registrateur van die...

Regulasies vir loterye en dobbel kom

5 ure gelede | Toerisme

font face="Verdana" >Francoise Steynberg - Alle rolspelers in die lotery- en dobbelbedryf moet landswye openbare werkwinkels bywoon sodat regulasies volgens nuwe wetgewing opgestel kan...

Gesondheidsmanne vas oor hospitaaltender

5 ure gelede | Ministeries

Twee administratiewe beamptes van die ministerie van gesondheid en maatskaplike dienste se kantoor op Otjiwarongo is op borgtog van N$5 000 elk vrygelaat ná hulle...

Weer, Woensdag 20 Februarie 2019

5 ure gelede | Weer

BINNELAND: Sonnig en baie warm in die verre noordooste. Elders sal dit gedeeltelik bewolk en baie tot bloedig warm wees met enkele reënbuie in die...

Twee kinders met stok doodgeslaan

5 ure gelede | Misdaad

’n Angolese burger is in hegtenis geneem ná hy twee minderjarige kinders na bewering doodgeslaan het en hul ouma ernstig gewond het. Die voorval het...

Weerwaak teen hitte uitgereik

5 ure gelede | In beeld

Die Namibiese weerkantoor sê die kanse op reën is besig om te verbeter in die noordwestelike dele van die land, asook in die Khomasstreek, waar...

Duister SA bekommer NamPower nie

5 ure gelede | Energie

Augetto Graig - Namibië se nasionale kragverskaffer, NamPower, sê Suid-Afrika se kragverskaffer, Eskom, is nie die enigste bron waarmee plaaslike krag aangevul word nie. “Namibië...

Pack Safari open toergids-akademie

5 ure gelede | Toerisme

Pack Safari het amptelik die deure van sy toergids-akademie in Windhoek oopgemaak. Die akademie bied gratis beroepsopleiding aan plaaslike, Duitssprekende toergidse met FGASA Veldgids vlak...