31 in hof oor gepeupelreg

Borgtog geweier

01 August 2019 | Howe
Altesaam 31 mense is in hegtenis geneem nadat hulle glo eie reg gebruik het.

Dit volg nadat drie inwoners van die Omushapi-nedersetting naby Tsandi in die Omusatistreek op 15 Julie deur 'n oproerige groep mense in die Ondukuta-lokasie aangeval is, sê die hoof van die Namibiese polisie (Nampol) se skakelafdeling, adj.komm. Edwin Kanguatjivi.

Die polisie het tot die slagoffers se redding gekom en hulle hospitaal toe geneem. Drie klagte, onder meer van aanranding, is op 15 Julie teen die oproerige groep aanhangig gemaak.

"Die voorval spruit voort uit die dood van mnr. Joseph Shiningayamwe Embula (26) wat op 4 Julie in die Tsandi-hospitaal gesterf het. Die groep mense het, in teenstelling met mediese bevindings, geglo dat hy weens vergiftiging gesterf het," het Kanguatjivi gesê.

"Op 8 Julie het 'n familielid met 'n mediese sertifikaat van die oorledene na die Tsandi-polisiekantoor toe gegaan en versoek dat 'n nadoodse ondersoek uitgevoer word. Die familielid was nie daarvan oortuig dat Embula weens natuurlike oorsake gesterf het nie, maar weens vergiftiging," het Kanguatjivi gesê.

Volgens hom het die polisie reëlings vir 'n nadoodse ondersoek op 11 Julie by die Okahao-polisielykshuis getref, soos die familie versoek het.

"Die familie is ingelig dat die nadoodse ondersoek bevestig het die oorledene het nie weens vergiftiging gesterf nie. Ondanks al die pogings, het die groep mense die uitslag van die nadoodse ondersoek geïgnoreer en eie reg gebruik. "

Volgens Kanguatjivi is 24 verdagtes op 17 Julie in hegtenis geneem en twee dae later nóg sewe.

Die eerste groep het op 19 Julie in die Outapi-landdroshof verskyn en die res op 22 Julie. Al die beskuldigdes is borgtog geweier en die saak is tot 12 September uitgestel.

Die Namibiese polisie doen 'n beroep op die publiek om nie eie reg te gebruik nie, maar die regsproses te volg om hul griewe te lug.

Soortgelyk

 

Chasing your dream

11 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

11 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

11 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

11 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

11 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

11 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

11 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

11 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...

Peer-to-peer conversations

11 ure gelede | Skole

Ndakondja Uusiku Motivations will host the first-ever Purposeful Camp for teenagers aged between 15 and 19 from 28 November to 4 December 2019 at the...