24 kinders dood in Mali, baie in rug geskiet

Jongste aanval in konflik

14 June 2019 | Afrika
Die dodetal van ’n menseslagting Sondag by ’n nedersetting in Mali is van 100 tot 35 slagoffers aangepas, van wie 24 kinders was.

Die land se openbare uitsaaier het Woensdag in ’n radioboodskap gesê mense wat vermis was, is verkeerdelik by die dodetal ingereken.

Inwoners van die Sobane Da-nedersetting, die tuiste van die Dogon- etniese groep, is deur die nag vermoedelik deur inwoners van ’n naburige dorp aangeval. Die aanvallers behoort tot die Fulani- etniese groep.

Ali Dolo, die burgemeester van Sangha, het aanvanklik gesê 95 verkoolde lyke is gekry, nadat die aanvallers huise aan die brand gesteek het.

Boubou Cisse, Mali se premier, het die nedersetting Dinsdag besoek en volgens hom is baie van die kinders in die rug geskiet.

Dit is die jongste aanval in die konflik wat vanjaar in die land uitgebreek het en waarin honderde mense sedert Januarie dood is.

LEISELS OORNEEM

In Maart is 150 Fulani doodgeskiet, wat gelei het tot die bedanking van Soumeylou Boubèye Maïga as premier, asook sy hele regering.

Cisse het in April die leisels oorgeneem.

“Die slagoffers van hierdie barbaarsheid herinner ons aan ons verantwoordelikheid as leiers om veiligheid te verskerp,” het Cisse gesê.

“Mag die onskuldige slagoffers in vrede rus, en die haat ook tot ’n einde kom.”

Pres. Ibrahim Boubacar Keïta, wat op besoek was aan Switserland, het sy reis kortgeknip en sou die nedersetting Woensdag besoek.

Die gewapende groepe wat glo by die geweldpleging betrokke is, is vigilante-groepe wat die regering help in die stryd teen Islamitiese terreurgroepe in die Sahel-streek van Wes-Afrika. Duisende Franse troepe is sedert 2014 in die streek om djihadiste uit te dryf.

Die groepe buit glo etniese twiste uit om lede te werf en verdeeldheid onder verskillende groepe te saai. – Netwerk24/Reuters

Soortgelyk

 

Man vas oor lewende ietermagô

13 ure gelede | Misdaad

'n Man is Donderdag by 'n vulstasie op Okahandja glo met 'n lewende ietermagô in sy besit in hegtenis geneem. Volgens die woordvoerder van...

Polisieman skiet eks glo

15 ure gelede | Misdaad

'n Polisiebeampte sal Maandag in Walvisbaaise landdroshof op klagte van poging tot moord verskyn ná hy gister glo sy eksmeisie met sy dienspistool geskiet het....

Specialising in skin

1 dag gelede | Gesondheid

Dr Elisah Agaba is a consultant dermatologist at the Ongwediva Medipark university teaching hospital.He is also a senior adjunct lecturer of dermatology at the University...

Resessie slag Namibië

1 dag gelede | Ministeries

Jo-Maré Duddy – Net sowat N$25,5 miljard teen bestendige pryse het die afgelope kwartaal deur die Namibiese ekonomie gevloei – die minste in vyf jaar.Syfers...

Getuie sê Dippenaar het gejaag

1 dag gelede | Howe

Erwin Leuschner – Die saak teen die moordbeskuldigde mnr. Jandré Dippenaar is tot volgende jaar uitgestel.Woensdag het die laaste staatsgetuie in die streekhof op Swakopmund...

Wateraanleg staan twee weke stil

1 dag gelede | Regering

Elvira Hattingh – Windhoek kon vir langer as twee weke geen drinkwater uit rioolwater herwin nie – hoofsaaklik omdat daar te veel chemikalieë, vette, olies...

Kalender 20 September

1 dag gelede | Kuns en vermaak

Nou aan die gang» Die Culture Invasion Festival skop vandag by die sportterrein op Rundu af. Tydens die twee dae lange fees sal verskillende kunstenaars...

Weer vir 20 September 2019

1 dag gelede | Weer

BINNELAND: Sonnig en baie warm in die sentrale Noorde en Noordooste. Elders sal dit gedeeltelik bewolk en baie warm wees.KUS: Bewolk en koel tot...

Jol in Japan

1 dag gelede | Kuns en vermaak

Lloyd Zandberg Japan is een van daai lande waaroor mense praat. Nie noodwendig die heeltyd nie. Maar in baie gesprekke, veral om die...