2019: Die jaar van aanspreeklikheid

Analiste skepties

02 January 2019 | Regering
Jemima Beukes – Politieke kommentators is oorbluf deur pres. Hage Geingob se nuwejaarsboodskap waarin hy 2019 die jaar van aanspreeklikheid gedoop het.

Geingob het 2018 as die jaar van rekenskap beskou en ontleders meen daar het nie veel van gekom nie.

Op Oujaarsdag het die president ‘n beroep op Namibiërs gedoen om die nuwe jaar met optimisme, doelgerigtheid, visie en patriotisme aan te pak. Inwoners moet volgens beginsels leef wat groter is as net etnisiteit, stam en die gemeenskap, het hy gesê.

Geingob het benadruk vanjaar is ‘n verkiesingsjaar.

Volgens prof. Henning Melber van die Dag Hammarskjöld-stigting in Swede is Geingob se toespraak opnuut met populistiese retoriek vol aanstellerige woorde deurspek. 2015 was die jaar van beplanning, gevolg deur die jaar van implementering, hertoewyding en toe rekenskap.

“Beplanning, implementering en rekenskap behoort vername en integrale dele van enige dag in die regering te wees, en nie iets wat jy aan een jaar toeskryf nie. ‘n Regering behoort van die eerste tot die laaste dag aan bewind te beplan, implementeer en rekenskap te gee, 24/7,” sê Melber.

Prof. Ndumba Kamwanyah van die Universiteit van Namibië (Unam) sê hy is stomgeslaan oor Geingob se keuse.

“Om rekenskap te gee is om verantwoording vir jou dade te doen. So hoe gaan vanjaar van die jaar van rekenskap verskil? Wat is die verskil tussen die jaar van rekenskap en die jaar van aanspreeklikheid? En wat is in die jaar van rekenskap vermag?” wou hy weet.

Geingob se uitspraak dat die regering die kwessie van informele woonbuurte takel deur dit as ‘n “humanitêre krisis” te verklaar, het Melber verbaas.

Hoewel dit die omvang van die krisis reg beskryf, gaan sodanige verklaring nie die probleem oplos nie en word geen plan van aksie uitgespel nie, sê Melber.

Melber het Geingob gekritiseer vir dieselfde ou storie dat eksterne faktore en die wêreldekonomie hoofsaaklik die oorsaak vir Namibië se ekonomiese krisis is.

“Ander soortgelyke ekonomieë wat van hulpbronne afhanklik is, het nie in ‘n depressie verval nie,” sê hy.

Soortgelyk

 

'n Seder val in Swapo

9 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

9 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

9 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

9 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

9 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...

'Sam Nujoma is 'n ikoon'

9 ure gelede | Regering

Stigterspresident Sam Nujoma se 90ste verjaardagvieringe is Saterdag op Etunda in die Omusatistreek gevier en deur verskeie hooggeplaastes bygewoon. President Hage Geingob het Nujoma as...

Water: Hou rekord van elke druppel

9 ure gelede | Regering

Elvira Hattingh - Tot 90% van die water in Windhoek wat onnodig weens lekkasies of buitensporige waterverbruik verlore gaan, sou gespaar kon word indien huishoudings...

Semifinalis onttrek aan Mej. Namibië

9 ure gelede | Gebeure

Tanja Bause - 'n Semifinalis in die Mej. Namibië 2019-kompetisie, ­Michelle Pretorius, het aan die geleentheid onttrek. Volgens haar ma, me. Anke Pretorius, het Michelle...

'Millenniërs werk anders'

9 ure gelede | Ministeries

Augetto Graig - Werkloosheid onder die jeug is 'n nasionale krisis wat op alle vlakke, nie net deur die regering nie, dringend aangespreek moet word....