200 massagrafte van Isis-slagoffers gevind

08 November 2018 | Internasionaal
Meer as 200 massagrafte is in Irak ontdek in die gebiede wat voorheen deur Isis beheer is, het die Verenigde Nasies (VN) Dinsdag gesê.

Die grafte bevat die oorskot van duisende mense, wat vermoedelik die slagoffers van die Soenni-groep is. Die groep het tussen Junie en Desember 2014 groot dele van Noord-Irak oorheers en dit deel van hul sogenaamde kalifaat verklaar.

Volgens ’n verslag van die VN is vroue, kinders, bejaardes en gestremdes sowel as lede van Irak se weermag en polisie onder die dooies.

Die VN het vroeër gesê meer as 33 000 burgerlikes is in Irak deur die groep vermoor en meer as 55 000 is beseer.

Die grafte is in die provinsies, Ninewa, Kiruk, Salah al-Din en Anbar, in die noorde en westelike dele van die land naby die grens met Sirië.

Isis het die gebiede beheer totdat hulle in Desember 2017 deur Irakse magte met die ondersteuning van ’n Amerikaanse geleide-koalisie verslaan is.

Die VN beraam dat tussen 6 000 en 12 000 lyke in die grafte is.

Volgens die verslag is dit moeilik om die presiese getalle vas te stel, aangesien slegs 28 massagrafte tot dusver uitgegrawe en net 1 258 lyke opgegrawe is.

Die VN het die sterftes ’n stelselmatige en wydverspreide veldtog van geweld genoem “wat kan lei tot oorlogsmisdade, misdade teen die mensdom en volksmoord.”

MENSE GETERRORISEER

In die groep se oorheersing van drie jaar het hy plaaslike inwoners geterroriseer, mense wat teen hulle was of bande met die regering gehad het vermoor of is mense weens hul seksuele oriëntasie tereggestel.

Die militante het ook lede van etniese en godsdienstige minderheidsgroepe, insluitende Christene en Yazidis, geteiken.

Die kleinste massagraf, wat in Mosoel gevind is, bevat agt lyke terwyl die grootste die al-Khasfa-sinkgat is en sowat 4 000 lyke bevat.

Die VN sê die terreine moet beskerm word teen inmenging of besoedeling om geregtigheid en aanspreeklikheid te verseker.

Die Irakse instansie wie se taak dit is om massagrafte te behou, sê daar is nie genoeg geld of mannekrag nie. Daar is ook nog baie toestelle wat moontlik kan ontplof.

“Om die omstandighede van die beduidende lewensverlies te bepaal, sal ’n belangrike stap wees in die rouproses vir die betrokke gesinne,” sê Ján Kubiš, ’n verteenwoordiger van die Verenigde Nasies. – Netwerk24/Reuters

Soortgelyk

 

Hepatitis E woed landswyd voort

15 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

15 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

15 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

15 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

15 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

15 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

15 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

15 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

15 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...