20 Jaar Gelede

14 June 2019 | Menings
Maandag 7 Junie 1999

- Meer as N$31 000 se note en die lyk van ‘n rower in ‘n bloedplas was gister die stille getuienis van die Namib ná ‘n verwoede skietgeveg tussen die polisie en ‘n lid van ‘n rowerbende by die gholfklub buite Swakopmund.

- Windhoek se gewapende boewe het die naweek weer hul voorneme getoon om sonder diskresie te skiet, sou hulle op heterdaad betrap word, toe ‘n winkeldief Saterdag omstreeks 02:00 by die Wika Diensstasie in Mandume Ndemufayo-straat op die bestuurder van die onderneming en ‘n sekuriteitswag met ‘n outomatiese pistool losgebrand het.

Dinsdag 8 Junie 1999

- Drie gewapende rooftogte binne drie dae het ‘n nuwe vlaag van geweld en misdaad in Windhoek en langs die kus ingelui.

- TransNamib se geldelike verknorsing is besig om te verdiep met sy huidige onvermoë om sekere finansiële verpligtinge namens sy werkers na te kom.

- Swak skooladministrasie en -bestuur met ‘n gepaardgaande tekort aan vervoer en infrastruktuur kniehalter die vooruitgang van onderwys in Kavango.

Woensdag 9 Junie 1999

- Die misdaadvlaag wat Namibië teister, is ‘n sterk aanklag teen die mislukking van die kriminele regstelsel en die halfhartige manier waarop misdadigers vervolg word, is in die Nasionale Vergadering aangevoer.

- Swak dissipline en gebrek aan magte en hulpbronne is deur lede van die Nasionale Raad uitgesonder as van die belangrikste aspekte wat die polisie in die uitvoering van hul take belemmer.

- Geen onderwysers, geen skool, het die leerlinge van Cornelius Goreseb Hoërskool op Khorixas besluit nadat twee van die bes gekwalifiseerde kontrak-onderwysers se dienstermyne verstryk het en hulle sonder onderwysers sit.

Donderdag 10 Junie 1999

- Selfs al is Namibië se swaarkry-dae ekonomies gesproke byna iets van die verlede en word ‘n jaarlikse ekonomiese groei van tot vier present vir die nuwe eeu voorspel, sal strawwe maatreëls geneem moet word om die land op die pad na voorspoed te plaas.

- Namibië se karakoelbedryf behoort ‘n bloeitydperk te betree ná ‘n stewige vertoning van plaaslike pelse op ‘n veiling in Kopenhagen.

- Minder magte vir tradisionele leiers ten opsigte van kommunale grond en strenger optrede teen inwoners wat van dié grond vir hulself toe-eien, is die bedoeling van wetgewing oor kommunale grondbesit wat gister by die Nasionale Vergadering ingedien is.

Vrydag 11 Junie 1999

- Namibië se eerste olieraffinadery as ‘n komponent van die uitvoerverwerkingsone (EPZ) gaan deur ‘n internasionale geldreus teen miljoene der miljoene dollars op Walvisbaai opgerig word.

- Die toerismesektor se vermoë om selfs onder moeilike omstandighede ‘n stabiele jaarlikse groei te toon, is bevestig deur ‘n twaalf persent verhoging in die aantal toeriste wat Namibië verlede jaar besoek het.

- ‘n Paar Suid-Afrikaanse jagters se uitstappie na Namibië het hulle ‘n onvoorsiene klomp geld uit die sak gejaag omdat die boere by wie hulle gaan jag het, nie vooraf die nodige permitte by die Ministerie van die Omgewing en Toerisme gekry het nie en dié jagters weens ‘n tegniese oortreding ‘n skulderkenningsboete moes betaal.

Soortgelyk

 

Dringende kragonderbreking op Rehoboth, Windhoek-suid

1 dag gelede | Energie

NamPower het aangekondig dat 'n kragonderbreking vandag vir Rehoboth en suidelike dele van Windhoek tussen 10:00 en13:00 geskeduleer is. "Die kragonderbreking is beplan sodat dringende...

Studente eindelik geholpe

1 dag gelede | Onderwys

Die Namibiese Nasionale Studenteorganisasie (Nanso) sê die 12 624 nuwe studente wat vanjaar aanvanklik nie finansiële hulp sou ontvang nie, gaan nou wel ondersteuning ontvang....

Kabinet sê ja vir Chinese tabakplaas

1 dag gelede | Ministeries

Ronelle RademeyerDie kabinet het die groen lig aan die Chinese tabakverbouer- en verspreider Namibia Oriental Tobacco gegee om 10 000 ha grond in 'n staatswoud...

Be­drog­saak sloer 7 jaar

1 dag gelede | Howe

Ronelle Rademeyer - Sewe jaar nadat ’n bedrogsaak van sowat N$4 miljoen teen twee voormalige boekhouers van Mariental aanhangig gemaak is, moes dié verhoor vandeesweek...

Kinderregte eerste!

1 dag gelede | Mense

Sondag word die Dag van die Afrikakind gevier. Daar is meer as 880 000 kinders jonger as 15 jaar in die land, toon die jongste...

'Nimt-moordenaar' sê sy bekentenis was vals

1 dag gelede | Howe

Erwin Leuchner op SwakopmundDie ambagsdosent wat aangekla is van die dubbele skokmoord op Arandis sê hy het net 'n bekentenis aan die polisie afgelê omdat...

Weer, Vrydag 14 Junie 2019

1 dag gelede | Weer

BINNELAND: Sonnig en koud tot warm in die Suide. Elders sal dit mooiweer en warm tot baie warm wees.KUS: Sonnig, winderig en warm tot baie...

Kalender 14 Junie

1 dag gelede | Kuns en vermaak

Nou aan die gang» Sluit by die Windhoek-DBV aan vir hul jaarlikse fondsinsameling vir troeteldiere sonder huise. Tydens Animals by Night sal talentvolle Namibiese...

Operasie Kalahariwoestyn eis eerste slagoffer

1 dag gelede | Polisie

Francoise Steynberg - Operasie Kalahariwoestyn het sy eerste slagoffer geëis toe ‘n taxibestuurder vroeg gisteroggend in die Greenwell Matongo-nedersetting in die Wanaheda-woonbuurt in die hoofstad...