20 jaar gelede. . .

11 January 2019 | Rubrieke
Maandag 4 Januarie 1999

· Taalbeleid by skole en ’n groeiende stamtwis dreig om die nuwe skooljaar op die vooraand van heropening in die Kavango in chaos te dompel.

· ’n Hoërhofaansoek deur Swapo teen die DTA van Namibië en die Verkiesingsdirektoraat waarin die uitslae van die Streeks verkiesing vir Gobabis betwis word, het tydelik op die ys beland weens die wyse waarop Swapo se regsverteenwoordigers die hofstukke op respondent bestel het.

· Die misdaadvlaag wat Namibië gedurende die feestyd geteister het, het die Nuwejaarsnaweek voortgeduur met veskeie Namibiërs wat met hul lewens moes boet.

Dinsdag 5 Januarie 1999

· Die omstrede implementering van Suid-Afrika se strenger stelsel vir belasting op toegevoegde waarde (BTW) op invoere vanaf lande in die doeane-unie het gister sonder enige noemenswaardige probleme verloop.

· ‘n Tenger kleuter van Windhoek wat in sy kort lewe van vyf jaar al verskeie ontberings moes deurgaan, is die naweek op heldhaftige wyse deur die Namibiese sportheld Frank Frederiks, uit ’n swembad gered,

· Met minstens 39 mense wat die afgelope feestyd slagoffers van Namibië se paaie was, is voorlopige aanduidings dat die Kersvakansie in dié land minder noodlottig as ander jare verloop het.

Woensdag 6 Januarie 1999

· Hoop kwyn dat die twee Namibiese soldate wat aan boord van twee afsonderlike vragvliegtuie was wat in die gevegte in Angola neergeskiet is, lewend opgespoor sal word.

· Namibië se mielieboere is optimisties oor die vooruitsigte vir vanjaar se oes.

· Die implementering van die euro, Europa se nuwe gemeenskaplike geldeenheid op 1 Januarie, is met min ontwrigting in Namibië se finansiële kringe begroet.

Donderdag 7 Januarie 1999

· Sedert die sewentigerjare word ’n stelselmatige afname in Namibië se reënval ondervind terwyl die laaste decade die warmste sedert 1900 in die Suider-Afrikastreek is.

· Ongeveer 84 persent van die 258 voltydse kandidate aan drie private- en vier regeringskole het die matriekeksamen van die Kaapse Onderwysdepartement (KOD) suksesvol afgelê.

· Binne drie of vier dae sal die lot van die meer as 2 000 beweerde Caprivi-afstigters bepaal word en kan hulle volwaardige vlugtelingstatus in Botswana verkry.

Vrydag 8 Januarie 1999

· Die strydbyle in Namibiese rugby is begrawe en mnr. Johan Venter is terug as afrigter van die nasionale span wat Namibië in Oktober in die Wêreldbeker-eindtoernooi in Frankryk gaan verteenwoordig.

· Air Namibia het gister ’n strategiese ooreenkoms met die Suid-Afrikaanse Lugdiens gesluit wat sal verseker dat die nasionale redery op die weg geplaas word om sy rol in die internasionale arena te speel.

· Die registrasie van student en leerlinge vir die nuwe akademiese jaar het op chaotiese wyse vir Khomasdal en Katutura se skole begin.

Soortgelyk

 

Maak jou stem dik

1 uur gelede | In beeld

Tanja Bause - Die aanvullende registrasieproses vir vanjaar se verkiesing het Maandag afgeskop en sal tot 27 Julie voortduur.By talle registrasiepunte het dinge stadig uit...

Katrina gee bes

1 uur gelede | Ministeries

Denver Kisting – Te midde van groot openbare druk het Katrina Hanse-Himarwa gistermiddag die tuig neergelê as minister van onderwys, kuns en kultuur.Kort nadat die...

Kolonel en kie stroop glo wild

1 uur gelede | Howe

Francoise Steynberg - ’n Weermagkolonel en ’n instrukteur by ’n beroepsopleidingsentrum is Maandag op borgtog van N$5 000 elk vrygelaat nadat hulle daarvan beskuldig is...

Weer vir 10 Julie 2019

1 uur gelede | Weer

BINNELAND: Sonnig en warm tot baie warm in die Noorde. In die binneland sal dit winderig wees met sandstorms oor die Namib.KUS: Sonnig en baie...

Net 26,7% water in damme oor ...

1 uur gelede |

Elvira Hattingh - Damme in Namibië het in totaal net 26,7% of 186,820 Mm³ (miljoen kubieke meter) water oor.Dít in vergelyking met dieselfde tyd verlede...

UPM wil Baster-grondeis instel

1 uur gelede | Politiek

Die United People’s Movement (UPM) het bevestig pogings is aangewend om ’n grondeis in te stel vir grond wat tydens die Duitse, Suid-Afrikaanse en Swapo-regering...

Namibiërs eersdaags met die maan gepla

1 uur gelede | Tegnologie

Elvira Hattingh - Voor die 50ste gedenkjaar sedert die maanlanding wêreldwyd op 20 Julie gevier word, gaan die maan eers ‘n besonderse vertoning vir aardlinge...

Een uit tien voltooi nie laerskoolopleiding

1 uur gelede | Onderwys

Henriette Lamprecht – Sou dinge voortgaan soos nou gaan een uit elke tien kinders in Afrika suid van die Sahara nie hul laerskoolopleiding teen 2030...

Honderde bakkies vir verkiesing

1 uur gelede | Politiek

Honderde Windhoekers wat bakkies besit, het verlede week na die Verkiesingskommissie van Namibië (ECN) se kantoor gestroom om hul voertuie vir die aanvullende registrasie van...