20 jaar gelede

13 September 2019 | Menings
Maandag 13 September 1999

- Brandstigting is nie uitgesluit as ‘n moontlikheid vir skade van etlike duisende Namibiese dollars wat gisteroggend aan die Hoërskool Petrus Ganeb op Uis aangerig is nie.

- Die Namibiese mynbedryf bevind hom uiteindelik weer in ‘n opwaartse fase.

- ‘n Moordsaak is geopen nadat ‘n 15 maande oue baba verlede Dinsdag in die Katutura- staatshospitaal in Windhoek dood is weens beserings tydens ‘n aanval op haar lewe.

Dinsdag 14 September 1999

- Die uitlewering na Namibië van ses beweerde samesweerders in die Caprivi-opstand het onmin buite die land se grense veroorsaak.

- Nasionale kwessies sowel as verskeie stamverwante aangeleenthede sal op die spits gedryf word op die tweede werksvergadering van die Raad van Tradisionele Leiers wat vandeesweek in Windhoek gehou word.

- Sowat dertig gewapende lede van die polisie se Spesiale Veldmag was gister by die Hoërhof ontplooi toe die nege beskuldigdes in die Karibib-roofsaak vir hul voorverhoor aangemeld het.

Woensdag 15 September 1999

- Vier van die grootste en mees invloedryke finansiële instellings in Namibië is met die wete van die Sentrale Bank van Namibië in ‘n gevorderde stadium van gesprekvoering rakende eenwording.

- Teen die einde van die eeu sal daar nog vele staats- en nie-staatsamptenare wees wat steeds nie weet hoe die nasionale vlag gehys moet word nie.

- Noodstappe is gedoen om die poste te vul van onderwysers wat as deel van die Caprivi-opstand nog in aanhouding is, en die wat hul dienste as gevolg van die inval beëindig het.

Donderdag 16 September 1999

- Die skedel van ‘n prehistoriese mens wat sowat honderd millennia gelede in die land geleef het en blykbaar tien jaar lank as ‘n kersblaker gebruik is, het Namibië nou stewig op die wêreldkaart geplaas van die oorsprong van die mens.

- Twee vliegtuie op buitelandse vlugte is gister met meer as vier uur op die lughawe Rooikop buite Walvisbaai vertraag toe geen brandstof beskikbaar was nie.

- Sowat sestig van die Namibperde wat sedert die einde van verlede jaar gevrek het, het die Ministerie van die Omgewing en Toerisme genoodsaak om die moontlikheid te ondersoek om grond buite die Namib Naukluftpark vir bykomende weiveld vir die perde te kry.

Vrydag 17 September 1999

- Nege Caprivi-afstigters in ‘n groep van 19 Namibiese vlugteling wat hulle in Botswana bevind, gaan binne die volgende dae interstaatlike betrekkinge tussen die twee buurlande kwaai beproef.

- Die laagste rentekoers in maande is gister deur Eerste Nasionale Bank (ENB) aangekondig toe die bank sy prima uitleenkoers en sy huisleningskoers na 16,5% laat tuimel het.

- ‘n Ernstige waarskuwing oor die bona fides van eiendomsagente is aan Namibiërs gerig ná onderskeie voorvalle van ongerymdhede voorgekom het.

Soortgelyk

 

Meegesleurde Okahandja-vrou steeds soek

1 uur gelede |

Elvira Hattingh - Die 42-jarige vrou wat gisteroggend deur die water meegesleur is toe sy en twee ander mense die Okahandjarivier te voet wou oorsteek,...

Hardap kry 19 Mm³ water sedert Maandag

1 uur gelede | Omgewing

Elvira Hattingh - Sedert die afgelope Maandag het die Hardapdam ’n reusehoeveelheid water bygekry, naamlik 19,523 Mm³ (miljoen kubieke meter). Die dam is nou 27,2%...

Nóg twee kietsies kry nekbande

3 ure gelede | Omgewing

Nóg twee swartpootwildekatte is in die vroeë oggendure met nekbande toegerus. Prof. Morgan Hauptfleisch en sy span van die Black-Footed Cat Working Group is tans...

Okahandja-kleinhoewe oorstroom weer

14 ure gelede | Weer

Elvira Hattingh - Terwyl die polisie gistermiddag bevestig het ‘n vrou is nog soek nadat die Okahandjarivier haar vroeg gisteroggend meegesleur het, was ‘n kleinhoewe-eienaar...

Geingob stil oor kleiner kabinet

14 ure gelede | Regering

Denver Kisting – Ten spyte van die groot gewag daaroor in sy Oujaarsrede weet Namibiërs nog nie hoe groot pres. Hage Geingob se verkleinde kabinet...

Eerste swartpootwildekat kry nekband

14 ure gelede | Omgewing

Francoise Steynberg - Daar is geskiedenis gemaak toe Namibië se eerste swartpootwildekat vandeesweek met 'n nekband toegerus is. "Om die klein katjies op te spoor,...

Weer vir 27 Februarie 2020

14 ure gelede | Weer

WEERWAAK: Verspreide donderbuie sal oor die noordelike streke en Omaheke- en Khomasstreek voortduur waar kitsvloede verwag word. Die nodige voorsorgmaatreëls moet getref word. BINNELAND: Gedeeltelik...

Drie stroop glo renoster in Etosha

14 ure gelede | Misdaad

Francoise Steynberg - Nege verdagtes is verlede week in verband met renosterstropery of -horingsmokkelary in hegtenis geneem. Vanaf 17 tot 23 Februarie is beslag op...

Droogte: Baie boere wurg nog

14 ure gelede | Landbou

Ronelle Rademeyer - Foto’s van vol riviere, opgaardamme waarvan die vlakke styg en panne water langs die pad en in die veld het die afgelope...