2 klagte teen Rust laat vaar
Jacqueline Louw - Die Okahandja-boer mnr. Kai Rust, wat al bykans 'n jaar lank in polisieaanhouding in verband met die dood van 'n vermeende stroper is, het Dinsdag weer in die landdroshof op Okahandja verskyn.
Tydens sy verskyning het die staat die klagte van die besit van onwettige wapens en die besit van ammunisie teen hom laat vaar.
'n Vermeende stroper, Andreas Ukandanga, het vroeg verlede jaar gesterf in 'n skietvoorval. Rust is op 27 Januarie in verband met die insident in hegtenis geneem en aangekla van moord, poging tot moord, die besit van 'n onwettige vuurwapen en die besit van ammunisie.
Mnr. Jan Wessels, Rust se prokureur, het gister gesê Dinsdag se verskyning was 'n prosedurele aangeleentheid om aan te dui hoe Rust sal pleit tydens die verhoor. Volgens Wessels pleit hy onskuldig op al die verdere klagte teen hom. Die saak gaan voort op 6 Maart.
Tydens sy verskyning het die staat die klagte van die besit van onwettige wapens en die besit van ammunisie teen hom laat vaar.
'n Vermeende stroper, Andreas Ukandanga, het vroeg verlede jaar gesterf in 'n skietvoorval. Rust is op 27 Januarie in verband met die insident in hegtenis geneem en aangekla van moord, poging tot moord, die besit van 'n onwettige vuurwapen en die besit van ammunisie.
Mnr. Jan Wessels, Rust se prokureur, het gister gesê Dinsdag se verskyning was 'n prosedurele aangeleentheid om aan te dui hoe Rust sal pleit tydens die verhoor. Volgens Wessels pleit hy onskuldig op al die verdere klagte teen hom. Die saak gaan voort op 6 Maart.
Kommentaar
Republikein
Geen kommentaar is op hierdie artikel gelaat nie