14 piepklein wurms uit vrou se oog gehaal
'n Vrou van Oregon in Amerika is die eerste mens by wie 'n piepklein wurm in die oog ontdek is, nadat dit voorheen net in beeste teëgekom en deur vlieë versprei is.
Navorsers van die Amerikaanse sentrums vir siektebeheer (CDC) het Maandag bevestig dat 14 deursigtige parasitiese wurms van die spesie Thelazia gulosa oor 20 dae uit 'n 28-jarige vrou se oog verwyder is voordat hulle te veel skade aanrig, berig Reuters.
Die wurms is korter as 1,27 cm en het voorheen hoofsaaklik in beeste in die noordelike dele van Amerika en die suidelike dele van Kanada voorgekom.
Navorsers het in 'n studie in die Amerikaanse Joernaal van Tropiese Medisyne en Higiëne gesê dat Noord-Amerikaners meer kwesbaar vir sulke infeksies kan wees as wat voorheen gedink is.Indien die wurm 'n lang tyd in die oog bly, kan dit letsels in die kornea en selfs blindheid veroorsaak.
Richard Bradbury, die hoofskrywer van die studie wat in die CDC se afdeling vir parasitiese siektes en malaria dien, sê gevalle van parasitiese infeksies weens oogwurms is skaars in Amerika en in dié geval was dit 'n spesie van die Thelazia-wurm wat nog nie by mense aangeteken is nie.
Voorheen is daar aanvaar dat slegs twee Thelazia-spesies mense kan besmet, maar nou is daar 'n derde een. Abby Beckley (28) van die deelstaat Oregon het aan CNN vertel hoe sy die wurms uitgetrek en besef het dat hulle nog beweeg.
Die wurms het ná sowat vyf sekondes gevrek toe hulle uitgetrek is. Sy het oor 'n tydperk van drie weke in Augustus 2016 altesaam 14 wurms uit haar oog verwyder. Bradbury sê dit is slegs die 11de keer dat iemand met 'n infeksie van oogwurms in Noord-Amerika gevind is.
Volgens die navorsers het Beckley 'n klein, deursigtige wurm in haar linkeroog opgemerk nadat sy 'n irritasie gevoel het. Sy het die infeksie glo opgedoen tydens gereelde buitelugaktiwiteite in die somermaande.
Vorige gevalle van oogwurminfeksie is hoofsaaklik in Europa en Asië aangeteken, veral in landelike gemeenskappe wat naby diere en in arm lewensomstandighede woon.
Oogwurms word in 'n verskeidenheid van diere aangetref, insluitend honde, katte en sekere karnivore in die natuur.
Beckley het aan CNN gesê dat sy op 'n beesboerdery grootgeword het en in Julie 2016 besluit het om haar liefde vir die buitelug en om te reis uit te leef deur op 'n kommersiële salmvissersboot in Alaska te gaan werk. 'n Paar weke nadat sy op die boot begin werk het, het haar simptome begin.
Ná vyf dae het die boot by 'n hawe aangedoen en het Beckley haar oog in 'n spieël ondersoek toe sy een van die wurms uitgetrek het. Sy het toe dadelik na die Oregon-Universiteit van gesondheid en wetenskappe in Portland gegaan om hulp te soek.
– Netwerk24
Navorsers van die Amerikaanse sentrums vir siektebeheer (CDC) het Maandag bevestig dat 14 deursigtige parasitiese wurms van die spesie Thelazia gulosa oor 20 dae uit 'n 28-jarige vrou se oog verwyder is voordat hulle te veel skade aanrig, berig Reuters.
Die wurms is korter as 1,27 cm en het voorheen hoofsaaklik in beeste in die noordelike dele van Amerika en die suidelike dele van Kanada voorgekom.
Navorsers het in 'n studie in die Amerikaanse Joernaal van Tropiese Medisyne en Higiëne gesê dat Noord-Amerikaners meer kwesbaar vir sulke infeksies kan wees as wat voorheen gedink is.Indien die wurm 'n lang tyd in die oog bly, kan dit letsels in die kornea en selfs blindheid veroorsaak.
Richard Bradbury, die hoofskrywer van die studie wat in die CDC se afdeling vir parasitiese siektes en malaria dien, sê gevalle van parasitiese infeksies weens oogwurms is skaars in Amerika en in dié geval was dit 'n spesie van die Thelazia-wurm wat nog nie by mense aangeteken is nie.
Voorheen is daar aanvaar dat slegs twee Thelazia-spesies mense kan besmet, maar nou is daar 'n derde een. Abby Beckley (28) van die deelstaat Oregon het aan CNN vertel hoe sy die wurms uitgetrek en besef het dat hulle nog beweeg.
Die wurms het ná sowat vyf sekondes gevrek toe hulle uitgetrek is. Sy het oor 'n tydperk van drie weke in Augustus 2016 altesaam 14 wurms uit haar oog verwyder. Bradbury sê dit is slegs die 11de keer dat iemand met 'n infeksie van oogwurms in Noord-Amerika gevind is.
Volgens die navorsers het Beckley 'n klein, deursigtige wurm in haar linkeroog opgemerk nadat sy 'n irritasie gevoel het. Sy het die infeksie glo opgedoen tydens gereelde buitelugaktiwiteite in die somermaande.
Vorige gevalle van oogwurminfeksie is hoofsaaklik in Europa en Asië aangeteken, veral in landelike gemeenskappe wat naby diere en in arm lewensomstandighede woon.
Oogwurms word in 'n verskeidenheid van diere aangetref, insluitend honde, katte en sekere karnivore in die natuur.
Beckley het aan CNN gesê dat sy op 'n beesboerdery grootgeword het en in Julie 2016 besluit het om haar liefde vir die buitelug en om te reis uit te leef deur op 'n kommersiële salmvissersboot in Alaska te gaan werk. 'n Paar weke nadat sy op die boot begin werk het, het haar simptome begin.
Ná vyf dae het die boot by 'n hawe aangedoen en het Beckley haar oog in 'n spieël ondersoek toe sy een van die wurms uitgetrek het. Sy het toe dadelik na die Oregon-Universiteit van gesondheid en wetenskappe in Portland gegaan om hulp te soek.
– Netwerk24
Kommentaar
Republikein
Geen kommentaar is op hierdie artikel gelaat nie